-
ប្រវត្តិហេតុទី២ ៣៦:១៥, ១៦គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៥ ទោះជាយ៉ាងនោះក៏ដោយ ព្រះយេហូវ៉ាជាព្រះនៃបុព្វបុរសរបស់ពួកគេ តែងតែព្រមានពួកគេម្ដងហើយម្ដងទៀត តាមរយៈពួកអ្នកនាំសាររបស់លោក ពីព្រោះលោកអាណិតមេត្តាដល់រាស្ត្រលោក ហើយគិតដល់វិហាររបស់លោក។* ១៦ ក៏ប៉ុន្តែ ពួកគេតែងតែសើចចំអកឲ្យពួកអ្នកនាំសាររបស់ព្រះពិត+ ហើយមិនព្រមស្ដាប់ប្រសាសន៍របស់លោកទេ។+ ពួកគេថែមទាំងប្រមាថមើលងាយពួកអ្នកប្រកាសទំនាយរបស់ព្រះយេហូវ៉ា+ជាច្រើនលើកច្រើនសា រហូតដល់លោកខឹងនឹងពួកគេជាខ្លាំង។+ លោកកែតម្រង់ពួកគេលែងបានហើយ។
-
-
យេរេមា ៧:២៤-២៦គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៤ ប៉ុន្តែ ពួកគេមិនព្រមផ្ទៀងត្រចៀកស្ដាប់ឡើយ។+ ផ្ទុយទៅវិញ ពួកគេបានធ្វើតាមគម្រោងការ*របស់ខ្លួន គឺធ្វើតាមគំនិតអាក្រក់និងចិត្តរឹងចចេសរបស់ខ្លួនវិញ។+ ពួកគេបានថយក្រោយ មិនមែនឆ្ពោះទៅមុខទេ ២៥ គឺតាំងពីថ្ងៃដែលបុព្វបុរសរបស់អ្នករាល់គ្នាចេញពីស្រុកអេហ្ស៊ីប រហូតមកដល់សព្វថ្ងៃនេះ។+ ម្ល៉ោះហើយ ខ្ញុំបានចាត់ពួកអ្នកបម្រើរបស់ខ្ញុំជាពួកអ្នកប្រកាសទំនាយ ឲ្យទៅព្រមានអ្នករាល់គ្នាជារៀងរាល់ថ្ងៃ ម្ដងហើយម្ដងទៀត។+ ២៦ ប៉ុន្តែ ពួកគេមិនព្រមស្ដាប់ខ្ញុំទេ ហើយក៏មិនផ្ទៀងត្រចៀកស្ដាប់ខ្ញុំដែរ។+ ពួកគេជាមនុស្សរឹងចចេស ហើយបានប្រព្រឹត្តអាក្រក់ជាងបុព្វបុរសរបស់ពួកគេទៅទៀត!
-
-
យេរេមា ៣៥:១៥គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៥ ខ្ញុំតែងតែចាត់ពួកអ្នកប្រកាសទំនាយដែលជាអ្នកបម្រើខ្ញុំឲ្យទៅឯអ្នករាល់គ្នា+ ហើយប្រាប់អ្នករាល់គ្នាថា៖ ‹សូមបែរចេញពីផ្លូវទុច្ចរិត ហើយត្រឡប់មករកខ្ញុំវិញ។ ចូរឈប់ប្រព្រឹត្តអំពើអាក្រក់ទៅ+ តែធ្វើអ្វីដែលត្រឹមត្រូវវិញ! ចូរកុំកាន់តាមព្រះដទៃ ឬបម្រើព្រះទាំងនោះឡើយ ដើម្បីឲ្យអ្នករាល់គ្នាអាចរស់នៅជាយូរអង្វែងក្នុងស្រុកដែលខ្ញុំប្រគល់ឲ្យអ្នករាល់គ្នានិងបុព្វបុរសអ្នករាល់គ្នា›។+ ប៉ុន្តែ អ្នករាល់គ្នាមិនបានស្ដាប់បង្គាប់ខ្ញុំ ឬផ្ទៀងត្រចៀកស្ដាប់ខ្ញុំទេ។
-