ಅಧ್ಯಯನ ಲೇಖನಗಳು

ಕಣ್ಣಿಗೆ ಕಾಣುವ ಈ ವಿಶ್ವವನ್ನು ಕಣ್ಣಿಗೆ ಕಾಣದಿರುವ ದೇವರು ಸೃಷ್ಟಿಸಿದನು. ಇದನ್ನು ನೀವು ಪೂರ್ಣ ಹೃದಯದಿಂದ ನಂಬುತ್ತೀರಾ? ತುಂಬ ಜನರು ನಂಬುವುದಿಲ್ಲ. ಅವರು ಸೃಷ್ಟಿಕರ್ತನ ಕುರಿತಾದ ಸತ್ಯವನ್ನು ತಿಳಿಯುವಂತೆ ನಾವು ಹೇಗೆ ಸಹಾಯಮಾಡಬಹುದು? ಅದೇ ಸಮಯದಲ್ಲಿ, ನಾವು ಸೃಷ್ಟಿಕರ್ತನಲ್ಲಿ ಬಲವಾದ ನಂಬಿಕೆಯನ್ನು ಹೇಗೆ ಬೆಳೆಸಿಕೊಳ್ಳಬಹುದು? ಈ ಲೇಖನದಲ್ಲಿ ಅದಕ್ಕೆ ಉತ್ತರವಿದೆ.

ಯೆಹೋವನಿಗಾಗಿ ದುಡಿದು ಸೇವೆ ಸಲ್ಲಿಸುವಂತೆ ಕ್ರೈಸ್ತರಿಗೆ ಬೈಬಲ್‌ ಬುದ್ಧಿವಾದ ಕೊಡುತ್ತದೆ. ಮೋಶೆಯ ಧರ್ಮಶಾಸ್ತ್ರವು ದಾಸರಿಗಾಗಿ ಯಾವ ಏರ್ಪಾಡನ್ನು ಮಾಡಿತ್ತು? ನಾವು ಸೈತಾನನ ಈ ಲೋಕಕ್ಕೆ ಹಾಗೂ ಲೋಕದ ಸೆಳೆತಗಳಿಗೆ ದಾಸರಾಗದಿರಲು ಏನು ಮಾಡಬೇಕು? ದೇವರಿಗಾಗಿ ನಂಬಿಗಸ್ತರಾಗಿ ದುಡಿಯುವುದರಿಂದ ನಮಗೆ ಯಾವೆಲ್ಲ ಆಶೀರ್ವಾದಗಳಿವೆ? ಎನ್ನುವುದನ್ನು ಈ ಲೇಖನದಲ್ಲಿ ಕಲಿಯಲಿದ್ದೇವೆ.

ದೇವರ ವಾಕ್ಯದಲ್ಲಿರುವ ವಿಷಯಗಳ ಕುರಿತು ಪ್ರತಿದಿನ ಮನನ ಮಾಡುವುದಾದರೆ ನಮ್ಮ ಪ್ರಾರ್ಥನೆಗಳು ಉತ್ತಮಗೊಳ್ಳುವವು. ಲೇವಿಯರು ದೇವಜನರ ಪರವಾಗಿ ಮಾಡಿದ ಪ್ರಾರ್ಥನೆ ಇದಕ್ಕೆ ಹೇಗೆ ಪುರಾವೆಯಾಗಿದೆ ಎಂಬುದನ್ನು ನಾವು ಮೊದಲ ಲೇಖನದಲ್ಲಿ ನೋಡುವೆವು. ಎರಡನೇ ಲೇಖನದಲ್ಲಿ, ಯೇಸುವಿನ ಪ್ರೀತಿಭರಿತ ಪ್ರಾರ್ಥನೆಯೊಂದರಲ್ಲಿ ಹೇಳಿರುವ ವಿಷಯಗಳಿಗೆ ತಕ್ಕಂತೆ ನಾವು ನಡೆಯುವುದು ಹೇಗೆಂದು ಕಲಿಯಲಿದ್ದೇವೆ. ಈ ಎರಡೂ ಪ್ರಾರ್ಥನೆಗಳು, ನಮ್ಮ ಅಭಿರುಚಿಗಳಿಗಿಂತ ದೇವರ ಅಭಿರುಚಿಗಳಿಗೆ ಪ್ರಮುಖತೆ ಕೊಡುವುದಕ್ಕೆ ಉದಾಹರಣೆಗಳಾಗಿವೆ.