ಪ್ರಶ್ನಾ ಪೆಟ್ಟಿಗೆ
▪ ನಮ್ಮ ಸಾಕ್ಷಿ ಕಾರ್ಯದಲ್ಲಿ ನಾವು ಉಪಯೋಗಿಸುವ ಉಪಕರಣಗಳಿಗೆ ಯಾವ ಗಮನವನ್ನು ಕೊಡುವುದು ಆವಶ್ಯಕವಾಗಿದೆ?
1 ತಕ್ಕದ್ದಾದ ಶಾಸ್ತ್ರೀಯ ನಿರೂಪಣೆಯು ಮನಸ್ಸಿನಲ್ಲಿ ಇರುವದಾದರೂ, ತಾನು ಉಪಯೋಗಿಸುತ್ತಿರುವ ಉಪಕರಣಗಳ ವಿಷಯಕ್ಕೆ ಬರುವಾಗ ಸುವಾರ್ತೆಯ ಒಬ್ಬ ಪ್ರಚಾರಕನು ತಯಾರಾಗಿರದೆ ಇರಬಹುದು. ಮನೆ ಬಾಗಲಲ್ಲಿ ಇರುವಾಗ, ಸದ್ಯದ ಸಾಹಿತ್ಯ ನೀಡುವಿಕೆ ಅವನಲ್ಲಿ ಇರಲಿಕ್ಕಿಲ್ಲ. ಅವನ ಸೇವೆಯ ಬ್ಯಾಗ್‌ನಲ್ಲಿರುವ ಪತ್ರಿಕೆಗಳು, ಬ್ರೋಷರ್‌ಗಳು ಮತ್ತು ಕಿರುಹೊತ್ತಗೆಗಳು ಮಡಚಿ ಸುರುಳಿಹೊಂದಿರಬಹುದು ಮತ್ತು ಚೂರುಪಾರು ಆದವುಗಳು ಆಗಿರಬಹುದು. ಅವನ ಬ್ಯಾಗ್‌ ಸರಿಯಾಗಿ ವ್ಯವಸ್ಥಾಪಿಸಲ್ಪಡದೆ ಇರುವದರಿಂದ ಅವನಿಗೆ ಒಂದು ಪೆನ್ನು ಅಥವಾ ಮನೆಮನೆಯ ಒಂದು ರೆಕಾರ್ಡನ್ನು ಕಂಡುಕೊಳ್ಳಲು ಸಾಧ್ಯವಾಗದಿರಬಹುದು. ಕ್ಷೇತ್ರ ಸೇವೆಯಲ್ಲಿ ಪಾಲಿಗರಾಗುವ ಮುಂಚೆ ನಿಮ್ಮ ಉಪಕರಣಗಳೆಡೆಗೆ ಜಾಗರೂಕತೆಯ ಗಮನಕೊಡುವುದು ಮಹತ್ವದ್ದಾಗಿದೆ.
2 ಚೆನ್ನಾಗಿ ಸಜ್ಜಾಗಿರಿಸಿದ ಸೇವಾ ಬ್ಯಾಗಿನಲ್ಲಿ ಯಾವುದು ಇರಬೇಕು? ಒಂದು ಬೈಬಲು ಆವಶ್ಯಕವಾಗಿದೆ. ಅನೇಕ ಟೆರಿಟೊರಿಗಳಲ್ಲಿ ನೀವು ಹೆಚ್ಚು ಸಂಭವನೀಯವಾಗಿ ಸಂಧಿಸಬಹುದಾದಂತಹ ಎರಡು ಅಥವಾ ಹೆಚ್ಚಿನ ಭಾಷೆಗಳಲ್ಲಿನ ಬೈಬಲನ್ನು ಒಯ್ಯುವುದು ಕಾರ್ಯಸಾಧಕವಾಗಿದೆ. ಮನೆಮನೆಯ ರೆಕಾರ್ಡುಗಳ ಒಂದು ಸಂಗ್ರಹವನ್ನು ಒಳಗೂಡಿಸಿರಿ. ಆ ತಿಂಗಳಿಗೆ ಪ್ರದರ್ಶಿಸಲ್ಪಡುವ ಪ್ರಕಾಶನವು ನಿಮ್ಮಲ್ಲಿ ಇರುವದನ್ನು ಖಚಿತಪಡಿಸಿಕೊಳ್ಳಿರಿ. ಪತ್ರಿಕೆಗಳ ಸದ್ಯದ ಸಂಚಿಕೆಗಳು, ಹಾಗೂ ಪ್ರಾಯಶಃ ಹಲವಾರು ಭಾಷೆಗಳಲ್ಲಿ ಕಿರುಹೊತ್ತಗೆಗಳು ಮತ್ತು ಬ್ರೋಷರ್‌ಗಳು ಸಹ ಆವಶ್ಯಕವಾಗಿವೆ. ರೀಸನಿಂಗ್‌ ಪುಸ್ತಕದ ಒಂದು ಪ್ರತಿಯನ್ನು ಒಯ್ಯಿರಿ. ಇತ್ತೀಚೆಗಿನ ನಮ್ಮ ರಾಜ್ಯದ ಸೇವೆ ಯನ್ನಿಡುವುದು, ಮನೆ ಬಾಗಲಿಗೆ ಹೋಗುವ ಮುಂಚೆ ಸೂಚಿಸಲ್ಪಟ್ಟ ನಿರೂಪಣೆಗಳನ್ನು ಪುನರ್ವಿಮರ್ಶಿಸಲು ನಿಮಗೆ ಅನುಮತಿಸುವುದು. ನಿಮಗೆ ತಿಳಿದಿರದ ಒಂದು ಭಾಷೆಯನ್ನು ಮಾತಾಡುವ ಜನರನ್ನು ನೀವು ಭೇಟಿಯಾಗುವ ಸಂಭವವಿರುವ ಒಂದು ಟೆರಿಟೊರಿಯಲ್ಲಿ ನೀವು ಕೆಲಸಮಾಡುತ್ತಿರುವಾಗ, ಗುಡ್‌ ನ್ಯೂಸ್‌ ಫಾರ್‌ ಆಲ್‌ ನೇಷನ್ಸ್‌ ಪುಸ್ತಿಕೆಯನ್ನು ಹೊಂದಿರುವುದು ಒಳ್ಳೆಯದು. ಯುವ ಜನರಿಗಾಗಿ ರಚಿಸಲ್ಪಟ್ಟ ನಮ್ಮ ಪ್ರಕಾಶನಗಳಲ್ಲಿ ಒಂದರ ಪ್ರತಿಯನ್ನು ಇಡುವದರಿಂದ ಹದಿವಯಸ್ಕರೊಡನೆ ಮಾತಾಡಲು ನಿಮ್ಮನ್ನು ಸಜ್ಜಾಗಿರಿಸುವುದು.
3 ಉಪಯೋಗಿಸಲ್ಪಟ್ಟಂತಹದ್ದೆಲ್ಲವೂ ಓರಣವಾಗಿ ನಿಮ್ಮ ಬ್ಯಾಗಿನಲ್ಲಿ ಜೋಡಿಸಲ್ಪಟ್ಟಿರಬೇಕು. ಬ್ಯಾಗ್‌ ತಾನೇ ಹೊಸತಾಗಿರಬೇಕೆಂದಿಲ್ಲ, ಆದರೆ ಅದು ಸ್ವಚ್ಛ ಮತ್ತು ಸುಸ್ಥಿತಿಯಲ್ಲಿರಬೇಕು. ನಿಮ್ಮ ಸೇವಾ ಬ್ಯಾಗ್‌ ಸುವಾರ್ತೆಯನ್ನು ಘೋಷಿಸುವದರಲ್ಲಿ ಉಪಯೋಗಿಸುವ ನಿಮ್ಮ ಉಪಕರಣಗಳ ಒಂದು ಭಾಗವಾಗಿದೆ. ಅದನ್ನು ಸುವ್ಯವಸ್ಥಿತವಾಗಿಡಿರಿ.