ಮಾದರಿ ನಿರೂಪಣೆಗಳು

ಜುಲೈ ತಿಂಗಳ ಮೊದಲ ಶನಿವಾರದಂದು ಬೈಬಲ್‌ ಅಧ್ಯಯನ ಆರಂಭಿಸಲಿಕ್ಕಾಗಿ

“ಜನರು ಬೈಬಲನ್ನು ಒಂದು ಪವಿತ್ರ ಗ್ರಂಥವೆಂದು ಗೌರವಿಸುತ್ತಾರೆ. ಬೈಬಲಿನ ಕರ್ತೃ ಯಾರೆಂದು ನಿಮ್ಮ ಅಭಿಪ್ರಾಯ? [ಪ್ರತಿಕ್ರಿಯೆಗೆ ಅವಕಾಶಕೊಡಿ.] ಅದರ ಕರ್ತೃ ಯಾರು ಮತ್ತು ಅದನ್ನು ಯಾಕೆ ಬರೆಯಲಾಯಿತು ಎಂಬದರ ಬಗ್ಗೆ ಬೈಬಲೇ ಏನು ಹೇಳುತ್ತದೆಂದು ನಿಮಗೆ ತೋರಿಸಲೋ?” ಮನೆಯವನಿಗೆ ಆಸಕ್ತಿಯಿರುವಲ್ಲಿ 2 ತಿಮೊಥೆಯ 3:16 ಓದಿ. ನಂತರ ಜುಲೈ-ಸೆಪ್ಟೆಂಬರ್‌ ಕಾವಲಿನಬುರುಜುವಿನ ಸಂಚಿಕೆಯನ್ನು ಮನೆಯವನ ಕೈಯಲ್ಲಿ ಕೊಟ್ಟು ಪುಟ 15ರ 4ನೇ ಪ್ರಶ್ನೆಯ ಕೆಳಗಿರುವ ವಿಷಯಭಾಗವನ್ನು ಓದಿ, ಚರ್ಚಿಸಿ. ಪತ್ರಿಕೆಗಳನ್ನು ನೀಡಿರಿ. ಮುಂದಿನ ಪ್ರಶ್ನೆಯ ಉತ್ತರವನ್ನು ಪರಿಗಣಿಸಲು ಪುನರ್ಭೇಟಿಗಾಗಿ ಏರ್ಪಾಡು ಮಾಡಿ.

ಕಾವಲಿನಬುರುಜು ಜುಲೈ-ಸೆಪ್ಟೆಂಬರ್‌

“ಇಂದು ವಿವಾಹ ವಿಚ್ಛೇದ ತೀರ ಸಾಮಾನ್ಯವಾಗುತ್ತಾ ಬರುತ್ತಿದೆ. ಇದಕ್ಕೆ ಮುಖ್ಯ ಕಾರಣ ಏನೆಂದು ನೀವು ನೆನಸುತ್ತೀರಿ? [ಪ್ರತಿಕ್ರಿಯೆಗೆ ಅವಕಾಶಕೊಡಿ.] ಅನೇಕ ದಂಪತಿಗಳಿಗೆ ನೆರವಾಗಿರುವ ಸಲಹೆಯೊಂದನ್ನು ನಿಮಗೆ ತೋರಿಸಲೋ? [ಮನೆಯವನು ಒಪ್ಪುವಲ್ಲಿ 1 ಕೊರಿಂಥ 10:24 ಓದಿ.] ಪತಿಪತ್ನಿಯರಿಂದ ಸಾಮಾನ್ಯವಾಗಿ ಕೇಳಿಬರುವ ಆರು ದೂರುಗಳನ್ನು ಈ ಪತ್ರಿಕೆ ಚರ್ಚಿಸುತ್ತದೆ. ಅಲ್ಲದೆ ಬೈಬಲ್‌ ಸೂತ್ರಗಳನ್ನು ಅನ್ವಯಿಸುವುದರಿಂದ ಹೇಗೆ ಪ್ರಯೋಜನವಾಗುವುದೆಂದೂ ಅದು ತಿಳಿಸುತ್ತದೆ.”

ಎಚ್ಚರ! ಜುಲೈ-ಸೆಪ್ಟೆಂಬರ್‌

“ವೃದ್ಧರ ಪರಾಮರಿಕೆ ಮಾಡುವುದು ಹೆಚ್ಚಾಗಿ ಕಷ್ಟ. ಮನೆಯಲ್ಲಿ ಅವರ ಸುರಕ್ಷತೆಗಾಗಿ ಏನೆಲ್ಲ ಮಾಡಬಹುದು? [ಪ್ರತಿಕ್ರಿಯೆಗೆ ಅವಕಾಶಕೊಡಿ.] ನಾವು ವೃದ್ಧರನ್ನು ಹೇಗೆ ಉಪಚರಿಸಬೇಕೆಂದು ನಮ್ಮ ನಿರ್ಮಾಣಿಕನು ಇಚ್ಛಿಸುತ್ತಾನೆಂಬದರ ಬಗ್ಗೆ ತಿಳಿಸಲೋ? [ಮನೆಯವನಿಗೆ ಆಸಕ್ತಿಯಿದ್ದಲ್ಲಿ ವಿಮೋಚನಕಾಂಡ 20:12 ಓದಿ.] ಈ ಪತ್ರಿಕೆಯ ಪುಟ 23ರಲ್ಲಿರುವ ಲೇಖನದಲ್ಲಿ, ವೃದ್ಧರಿಗಾಗಿ ಮನೆಯನ್ನು ಸುರಕ್ಷಿತಗೊಳಿಸುವ ಬಗ್ಗೆ ಸಲಹೆಗಳಿವೆ.”