ಮಾದರಿ ನಿರೂಪಣೆಗಳು

ಸೆಪ್ಟೆಂಬರ್‌ ತಿಂಗಳ ಮೊದಲ ಶನಿವಾರದಂದು ಬೈಬಲ್‌ ಅಧ್ಯಯನ ಆರಂಭಿಸಲಿಕ್ಕಾಗಿ

ಆಸಕ್ತ ಮನೆಯವರಿಗೆ ನೀವು ಹೀಗೆ ಕೇಳಬಹುದು: “ಯೇಸು ಸತ್ಪುರುಷನೆಂದು ಅನೇಕರು ಗೌರವಿಸುತ್ತಾರೆ. ಆದರೆ ನಿಜವಾಗಿ ಯೇಸು ಯಾರಾಗಿದ್ದನೆಂದು ನೀವು ನೆನಸುತ್ತೀರಿ? [ಪ್ರತಿಕ್ರಿಯೆಗೆ ಅವಕಾಶಕೊಡಿ.] ಯೇಸು ಕ್ರಿಸ್ತನು ಯಾರು, ಎಲ್ಲಿಂದ ಬಂದನೆಂದು ತಿಳಿಸುವ ಒಂದು ವಚನವನ್ನು ನಿಮಗೆ ತೋರಿಸಲೋ?” ಮನೆಯವನಿಗೆ ಆಸಕ್ತಿಯಿರುವಲ್ಲಿ ಕೊಲೊಸ್ಸೆ 1:15, 16 ತೋರಿಸಿ. ಆಮೇಲೆ ಜುಲೈ-ಸೆಪ್ಟೆಂಬರ್‌ ಕಾವಲಿನಬುರುಜು ಪತ್ರಿಕೆಯನ್ನು ಅವನ ಕೈಗಿತ್ತು, ಪುಟ 28ರಲ್ಲಿರುವ ಪ್ರಥಮ ಉಪಶೀರ್ಷಿಕೆಯ ಕೆಳಗಿರುವ ವಿಷಯವನ್ನು ಒಟ್ಟಿಗೆ ಚರ್ಚಿಸಿ. ಅವನಿಗೆ ಪತ್ರಿಕೆಗಳನ್ನು ನೀಡಿ, ಮುಂದಿನ ಪ್ರಶ್ನೆಯನ್ನು ಚರ್ಚಿಸಲು ಪುನರ್ಭೇಟಿಯ ಏರ್ಪಾಡು ಮಾಡಿ.

ಕಾವಲಿನಬುರುಜು ಜುಲೈ-ಸೆಪ್ಟೆಂಬರ್‌

“ಲೋಕದ ಅನೇಕ ಕಡೆಗಳಲ್ಲಿ ಜೂಜು ತುಂಬ ಜನಪ್ರಿಯ. ಜೂಜಿನ ಬಗ್ಗೆ ನಿಮ್ಮ ವೈಯಕ್ತಿಕ ನೋಟವೇನು? [ಪ್ರತಿಕ್ರಿಯೆಗೆ ಅವಕಾಶಕೊಡಿ.] ಈ ಕುರಿತು ನಮಗೆ ಮಾರ್ಗದರ್ಶನ ಕೊಡುವ ಒಂದು ಸೂತ್ರವನ್ನು ನಿಮಗೆ ತೋರಿಸಬಹುದೊ? [ಮನೆಯವನಿಗೆ ಆಸಕ್ತಿಯಿದ್ದರೆ ವಿಮೋಚನಕಾಂಡ 20:17 ಓದಿ.] ಜೂಜಿನ ಕುರಿತು ಬೈಬಲಿನ ನೋಟವೇನೆಂದು ಈ ಲೇಖನ ಚರ್ಚಿಸುತ್ತದೆ.” ಪುಟ 30ರಲ್ಲಿರುವ ಲೇಖನ ತೋರಿಸಿ.

ಎಚ್ಚರ! ಜುಲೈ-ಸೆಪ್ಟೆಂಬರ್‌

“ಆತ್ಮೀಯರೊಬ್ಬರ ಸಾವು ಮಾನವನಿಗಾಗುವ ಅತ್ಯಂತ ಕಷ್ಟಕರ ಅನುಭವಗಳಲ್ಲೊಂದು ಎನ್ನುವುದನ್ನು ನೀವು ಒಪ್ಪುತ್ತೀರಾ? [ಪ್ರತಿಕ್ರಿಯೆಗೆ ಅವಕಾಶಕೊಡಿ.] ಈ ವಿಷಯದಲ್ಲಿ ಅನೇಕರಿಗೆ ಸಹಾಯ ಮಾಡಿರುವ ಸಲಹೆಯನ್ನು ನಿಮಗೆ ಓದಿ ಹೇಳಲಾ? [ಮನೆಯವನು ಒಪ್ಪಿದರೆ ಕೀರ್ತನೆ 55:22 ಓದಿ.] ನಮ್ಮ ಚಿಂತಾಭಾರವನ್ನು ದೇವರ ಮೇಲೆ ಹಾಕುವುದು ಹೇಗೆ? ದುಃಖವನ್ನು ನಿಭಾಯಿಸಲು ನೆರವಾಗುವ ಕೆಲವು ಪ್ರಾಯೋಗಿಕ ವಿಧಗಳನ್ನು ಈ ಪತ್ರಿಕೆ ಚರ್ಚಿಸುತ್ತದೆ.”