ನಾವು ಕೈಚೆಲ್ಲಿ ಕೂರುವುದಿಲ್ಲ

4:16-18

ಎರಡು ಕುಟುಂಬಗಳು ಪಾಳುಬಿದ್ದಿರುವ ಒಂದು ಕಟ್ಟಡದಲ್ಲಿ ವಾಸಿಸುತ್ತಿದ್ದಾರೆಂದು ನೆನಸಿ. ಒಂದು ಕುಟುಂಬ ‘ಎಲ್ಲ ಮುಗಿದುಹೋಯ್ತು’ ಎಂಬ ನಿರಾಶೆಯಲ್ಲಿದೆ. ಆದರೆ ಇನ್ನೊಂದು ಕುಟುಂಬ ಸಂತೋಷದಿಂದ ಇದೆ. ಯಾಕೆ? ತುಂಬ ಬೇಗ ಅವರು ಸುಂದರವಾದ ಒಂದು ಹೊಸ ಮನೆಗೆ ಹೋಗಲಿದ್ದಾರೆ.

“ಇಡೀ ಸೃಷ್ಟಿಯು ಇಂದಿನ ವರೆಗೆ ಒಟ್ಟಾಗಿ ನರಳುತ್ತಾ ನೋವನ್ನು ಅನುಭವಿಸುತ್ತಾ ಇದೆ.” ಆದರೆ ದೇವರ ಸೇವಕರಿಗೆ ಒಂದು ನಿರೀಕ್ಷೆ ಇದೆ. ಇದು ಅವರಿಗೆ ಬೇಕಾದ ಧೈರ್ಯವನ್ನು ಕೊಡುತ್ತದೆ. (ರೋಮ 8:22) ಹೊಸ ಲೋಕದಲ್ಲಿ ದೇವರು ನಮಗೆ ಸಾವೇ ಇಲ್ಲದ ಜೀವನ ಕೊಡಲಿದ್ದಾನೆ. ಆ ಜೀವನಕ್ಕೆ ಹೋಲಿಸುವಾಗ ನಮ್ಮನ್ನು ಎಷ್ಟೋ ವರ್ಷಗಳಿಂದ ಕಿತ್ತುತಿನ್ನುತ್ತಿರುವ ಕಷ್ಟ ಆಗಲಿ, ಈಗ ಅನುಭವಿಸುತ್ತಿರುವ ಕಷ್ಟ ಆಗಲಿ ‘ಕ್ಷಣಿಕ ಮತ್ತು ಹಗುರ’ ಎಂದು ಅನಿಸುತ್ತದೆ. ದೇವರ ರಾಜ್ಯದ ಆಶೀರ್ವಾದಗಳಿಗೆ ಗಮನ ಕೊಟ್ಟರೆ ನಾವು ಸಂತೋಷವಾಗಿರುತ್ತೇವೆ ಮತ್ತು ಏನೇ ಆದರೂ ಕೈಚೆಲ್ಲಿ ಕೂರುವುದಿಲ್ಲ.