MWE LUTLUT AHK 6

Ahkuhtweyac in Kahlwem lah Efuh Kom Orekmakihn sie Ma Suhmuhslah

Cited scripture kuh ma suhmuhslah ma ahkkahlwemyeyuck

John 10:33-36

MA KOM KUH IN ORUH: Riti sie ma suhmuhslah ac ahkuhtweyac in kahlwem ma inge meet liki kom som nuhke mwe lutlut tohkoh an. Lohacng ahkwoyac tuh mwet suc lohng kom an in kuh in kahlwem ke kuhpahsr luhn ma suhmuhslah se ma kom riti an nuhke mwe lutlut yohk se ma kom ahkuhtweyac an.

OREK FUHKAH:

Sulaclah kahs yohk srihpac. Tukun kom riti sie ma suhmuhslah, ahkkahlwemye kahs ma kuhpahsr nuhke mwe lutlut yohk lom an. Kom kuh in oruh ma inge ke kom kalweni kahs inge, kuh siyuck kihsen siyuck sin mwet suc lohng kom an in ahkkahlwemye ke kahs yohk srihpac kac an.

Ke kom kalweni sie fuhs ke kahs lom sifacna, mwet suc lohng kom an enenuh in kahlwem na pwacye kac lah, fuhkah Ma Suhmuhslah sacn sang kahsruh nuhke ma kom luti an.
Ahkuhtweyac in kahlwem mwe lutlut yohk. Kom fin tuhkahkihn sie ma suhmuhslah wi srihpac lah efuh kom riti, kom in ahkuhtweyac tukun kom riti ma suhmuhslah sacn lah fuhkah kahs yohk srihpac kac an kuhpahsr nuhke srihpac sacn.

Ke kom ahkuhtweyac ke sie ma suhmuhslah, ikacslah na Bible nuhtum an. Ma inge ac kahsruh mwet suc lohng kom an in liye lah fuhkah kahs lom an kuhpahsr nuhke fuhs se ma kom tuhfahna riti an.
Ahkkahlwemye ke inkacnek fihsracsr lah fuhkah in orekmakihn ma suhmuhslah uh. Srihke kom in tiac sramsramkihn kuhtwena ma ma tiac kuhpahsr nuhke mwe lutlut yohk sacn. Nuhnkuh meet lah meac mwet suc lohng kom an etuh tari ke sifac sacn, ac sulaclah lah mwe lutlut sahyac fuhkah ma enenuh in orekmakihnyuck tuh elos in kahlwem na pwacye ke mwe lutlut yohk srihpac sacn.