Sam
I cho suɛi kɛndɛ le miŋ soli chondoŋ* le Mɛlɛka naa saŋgalaa.
Nuawɔ se mɛɛ i cho suɛi kɛndɛ bɛndu le ndu saŋgalaa yɛ!+
2 Chɛhowa cho Chulusalɛm taŋgullo.+
O cho Isɔluɛiyaa saŋnuŋ nda chuuŋgiaa naapilɛ.+
3 Mbo siŋgi wanaa cho a kɔlta tambɛilaŋ nda,
Nduyɛ mbo yiu yiu pauvii ndɛi.
4 O sina mɛɛ kpɛ looŋ cho yɛ.
Nduyɛ i kɛ kɛ mbo veelu ndi diolaŋ.+
5 Masanɔ naa cho o bɛndu, nduyɛ o nɔ bɔɔ kpaayaa.+
Sinapɛŋgu ndɔɔ nɔ lamɛɛlu le.+
6 Mi Chɛhowa heelu wanaa tusiaŋnda.+
Kɛ wanaa dɛnɛ wɔɔŋnda nda, mbo viɔl nda lɛŋ kpɔl.
7 La solul Chɛhowa chondoŋ le ndu balikaa mello.
La solul Mɛlɛka naa chondoŋ a towalaŋ le ndu saŋgalaa.
8 Ndu tosa ni mi yumbu yumboo kumbu choo choo kpu,
Mi piɔɔ sia o lɛŋndeŋ choo,+
Nduyɛ mi billo vil+ o pembuŋ bɛndoŋ choo.
11 Mi Chɛhowa naŋ kɔl a wanaa nɔ siooŋii nduɛi ya,+
Vɛlɛ a wanaa cho kaala lo lechoo ndɔɔ chumndo wa.+
12 Oo Chulusalɛm, tosa mi Chɛhowa sɔla bɛɛleŋ.
Oo Saayɔŋ, saŋgala Mɛlɛka numndo.
13 O tosa mi sulukula diola kpakila numndaŋ la wa la kala poŋ,
Nduyɛ mbo duau puaa numnda sala.
15 Ndu dimi nyɛ nɔ le yɔŋnɔŋndo o lɛŋndeŋ choo wo ni,
Nduyɛ mi diom ndɔɔ nyaanuŋ chɔ chɔ.
17 Mbo tusi looŋ kpuŋgbaŋ maa kpuŋgbaŋ beedii.+
O nɛɛnɛ nɔla yɛ mbo biunuŋ hueiyii nduɛi?+
18 Te o yɔŋ pɛ diom ndɔɔ, nyɔɔŋ muŋ teŋga.
Nduyɛ te o hɔŋ hueiye pɛ,+ mɛŋndaŋ ma kuɛ koŋgilaŋ.
19 Mbo dimul Chekɔpu diom ndɔɔ.
Mbo chɔm Isɔluɛi sawala ndɔlaŋ vɛlɛ a yamaŋ o kialu woŋ.+
20 O tosa wɔ hei a kaale kɛ kɛ cheleŋ te.+
A sina nyɛ o nyɛ a yamaŋ o kialu woŋ okɔɔ le.