Жакан
3 Фарисейлердин* арасында жүйүттөрдүн Никедим+ деген бир башчысы бар эле. 2 Ал түн ичинде Исага келип:+ «Устат,+ сенин Кудай жиберген окутуучу экениңди билебиз. Анткени Кудай колдобосо,+ сен жасаган кереметтерди+ эч ким жасай албайт»,— деди. 3 Иса: «Сага чындыкты айтып коёюн, кимде-ким кайрадан төрөлбөсө*,+ Кудайдын Падышалыгына кире албайт»,+— деди. 4 Ошондо Никедим: «Карыган киши кантип кайра төрөлсүн? Ал энесинин курсагына экинчи жолу кирип, кайра төрөлмөк беле?» — деди. 5 Иса ага: «Сага чындыкты айтып коёюн, кимде-ким суудан+ жана Кудайдын ыйык рухунан+ төрөлбөсө, Кудайдын Падышалыгына кире албайт. 6 Адамдан төрөлгөн адамдын баласы болот, ал эми Кудайдын ыйык рухунан төрөлгөн Кудайдын баласы болот. 7 Кайрадан төрөлүшүңөр керектигин айтканыма таң калба. 8 Шамал каалаган жагына согот. Анын үнүн угасың, бирок кайдан келип, кайда барарын билбейсиң. Ошо сыяктуу эле, кимдир бирөөнүн кантип Кудайдын ыйык рухунан төрөлөрүн да түшүнө албайсың»,+— деди.
9 Никедим: «Ал кандайча болушу мүмкүн?» — деп сурады. 10 Иса мындай деди: «Ысрайыл элинин окутуучусу болуп туруп ушуну билбейсиңби? 11 Сага чындыкты айтып коёюн, биз билгенибизди айтып, көргөнүбүздү күбөлөндүрөбүз, бирок силер биздин айткандарыбызды кабыл албай жатасыңар. 12 Жердеги нерселер жөнүндө айтканымда, ишенбей жатсаңар, анда асмандагы нерселер жөнүндө айтсам, кантип ишенмек элеңер? 13 Анын үстүнө, асмандан келген+ адам Уулунан башка бир да адам асманда болгон эмес*.+ 14 Муса чөлдө шыргыйга кадалган жыланды жогору көтөргөндөй,+ адам Уулу да жогору көтөрүлүшү керек.+ 15 Ошонун аркасында ага ишенгендердин ар бири түбөлүк өмүр сүрөт.+
16 Кудай бул дүйнөнү* ушунчалык сүйгөндүктөн, өзүнүн жалгыз Уулун* ага ишенген* ар бир адам өлбөй, түбөлүк жашасын деп+ берди.+ 17 Анткени Кудай өзүнүн Уулун дүйнөнү соттош үчүн эмес, ал аркылуу куткарыш үчүн жиберген.+ 18 Ким ага ишенсе, соттолбойт.+ Ал эми ким ишенбесе, ага өкүм чыгарылган, анткени Кудайдын жалгыз Уулуна* ишенбей койду.+ 19 Өкүм буга негизделет: дүйнөгө жарык келди,+ бирок адамдар жарыктан караңгылыкты артык көрүштү. Анткени алардын иштери жаман эле. 20 Жаман иштерди кылган адам жарыкты жек көрөт. Ал жасаган иштери билинип калбашы үчүн*, жарыкка келбейт. 21 Ал эми жакшы иштерди кылган адам, иштери Кудайдын эркине ылайык келери көрүнүп турушу үчүн, жарыкка келет».+
22 Андан кийин Иса шакирттери менен Жүйүт жериндеги айылдарга барды. Ал жакта шакирттери менен бир нече убакыт болуп, элди чөмүлдүрүп жатты.+ 23 Жакан болсо Салимдин жанындагы Айнондо чөмүлдүрүп жатты, анткени ал жерде суу көп эле.+ Эл ага келип, чөмүлтүлүп жатты.+ 24 Ал кезде Жакан түрмөгө камала элек болчу.+
25 Жакандын шакирттери бир жүйүт менен тазалануу каадасы тууралуу талаша кетишти. 26 Андан кийин алар Жаканга келип: «Устат, Иордандын аркы өйүзүндө сага келген, сен айткан баягы киши+ элди чөмүлдүрүп жүрөт. Баары ошого барып жатат»,— дешти. 27 Жакан аларга: «Кудайдан берилбесе, адам эч нерсе кыла албайт. 28 „Мен Машаяк эмесмин,+ бирок андан мурун жиберилгем“,+— деп айтканымды өзүңөр деле укпадыңар беле. 29 Колукту күйөөгө таандык.+ Бирок күйөө жолдош досунун жанында турганда анын үнүн угуп, абдан кубанат. Менин да кубанычым койнума батпай турат. 30 Машаяк улам жогорулап, мен төмөндөй беришим керек»,— деди.
31 Жогорудан келген+ баарынан жогору. Ал эми жерден жаралган жердеги нерселер тууралуу сүйлөйт, анткени ал жерден жаралган. Асмандан келген баарынан жогору.+ 32 Ал уккан-көргөнү жөнүндө күбөлөндүрүп жатат,+ бирок анын айткандарын эч ким кабыл албай жатат.+ 33 Анын сөздөрүн кабыл алган адам болсо Кудайдын чындыкты айтарын ырастайт*.+ 34 Анткени Кудайдын жиберген Уулу, анын сөздөрүн сүйлөйт.+ Кудай болсо ыйык рухун ченебей берет. 35 Атасы Уулун жакшы көрөт,+ ошондуктан бардыгын анын колуна тапшырган.+ 36 Ким Кудайдын Уулуна ишенсе*, түбөлүк өмүр алат.+ Ал эми ким ага баш ийбесе, өмүр албайт;+ ал Кудайдын каарына калат.+