Чыгуу
30 Жыпарзат түтөтүш үчүн акация жыгачынан+ жыпарзат түтөткүч+ жаса. 2 Ал төрт бурчтуу болсун: узундугу 45, туурасы 45, бийиктиги 90 сантиметр* болсун. Ал мүйүздөрү менен чогуу бир бүтүн жыгачтан жасалсын.+ 3 Жыпарзат түтөткүчтү: үстүн, капталдарын, мүйүздөрүн таза алтын менен каптап, өзүн тегерете алтын менен кооздоп жээктеп кой. 4 Карама-каршы турган эки капталына, тегерете жасалган жээгинин астына экиден алтын шакек жаса. Аларга аны көтөрүп жүрүш үчүн шыргыйлар киргизилет. 5 Шыргыйларды акация жыгачынан жасап, алтын менен капта. 6 Жыпарзат түтөткүчтү келишим сандыгын тосуп турган көшөгөнүн жанына, сырт жагына кой.+ Ал келишим сандыгынын капкагынын — мен сага көрүнө турган жердин — тушунда турсун.+
7 Арун+ анын үстүндө+ жыпарзат түтөтсүн.+ Аны күн сайын эртең менен чыракпаяны+ даярдап жатканда түтөтсүн. 8 Ошондой эле аны күүгүмдө чыракпаяны күйгүзүп жатканда да түтөтсүн. Ал Жахабанын алдында дайыма укумдан-тукумга түтөтүлүп турушу керек. 9 Үстүнө башка жыпарзат түтөтпөгүлө,+ бүтүндөй өрттөлчү курмандыкты же тартуу катары алынып келген дан азыктарын өрттөбөгүлө, суюк тартуу куйбагыла. 10 Жыпарзат түтөткүчтү күнөөдөн арылтыш үчүн жылына бир жолу+ Арун күнөө үчүн чалынган курмандыктын канынан алып, анын мүйүздөрүнө сыйпасын.+ Укумдан-тукумга ушундай кылынышы керек. Жыпарзат түтөткүч Жахаба үчүн абдан ыйык».
11 Андан кийин Жахаба Мусага: 12 «Ысрайыл элиндеги эркектерди санап жатканыңда,+ ар бири өз жаны үчүн Жахабага кун төлөсүн. Ошондо каттоо учурунда эч кандай балээге кабылышпайт. 13 Каттоодон өтүп жаткандардын ар бири 6 грамм күмүш берсин*. Күмүштү ыйык жайдын чен-өлчөмү менен өлчөгүлө.+ 6 грамм күмүш — Жахабага берилчү тартуу.+ 14 20 жаштагылардан тартып каттоодон өтүп жаткандардын ар бири Жахабага ошондой тартуу берсин.+ 15 Кунун төлөп, өмүрүн сактап калыш үчүн Жахабага тартуу бергенде байдын күмүшү 6 граммдан* көп, кедейдики 6 граммдан аз болбосун. 16 Ысрайылдыктар өмүрүн сактап калыш үчүн төлөгөн күмүштү алып, жолугушуу чатырындагы кызмат үчүн бер. Ал күмүш Жахабага ысрайылдыктарды эстетип турат»,— деди.
17 Андан кийин Жахаба Мусага: 18 «Жезден чоң казан менен анын алдына коюла турган түпкүч жаса.+ Анан аны жолугушуу чатыры менен курмандык жайынын ортосуна коюп, ичине суу куй.+ 19 Арун менен уулдары андан суу алып, колу-бутун жуушат.+ 20 Жолугушуу чатырына кирерде же кызмат кылыш үчүн жана Жахабага арналган тартууну өрттөш үчүн курмандык жайына барарда сууга жуунушсун, болбосо өлүп калат. 21 Өлүп калбашы үчүн колу-бутун жуушсун. Бул — Арун менен анын укум-тукумдары кылымдар бою аткарышы керек болгон көрсөтмө»,— деди.+
22 Жахаба Мусага дагы мындай деди: 23 «Жыпар жыттуу заттардын эң жакшыларынан: коюуланып калган миррадан* 6 килограмм, таттуу корицадан* андан эки эсе аз, 3 килограмм, таттуу айырдан* 3 килограмм, 24 кассиядан* ыйык жайдын чен-өлчөмү+ менен 6 килограмм, зайтун майынан 3 жарым литр* ал. 25 Алардан ыйык май жаса. Аны жыпар жыттуу аралашма жасагандай чебердик менен жасаш керек.+ Ал ыйык май болот.
26 Аны менен буларды майла:+ жолугушуу чатыры менен келишим сандыгын, 27 үстөл менен ага тиешелүү бардык нерселерди, чыракпая менен ага тиешелүү бардык нерселерди, жыпарзат түтөткүчтү, 28 бүтүндөй өрттөлчү курмандык чалынчу курмандык жайы менен ага тиешелүү бардык нерселерди, чоң казан менен түпкүчүн майла. 29 Алардын баарын мага кызмат кылганда колдонуш үчүн бөлүп кой. Ошондо алар ыйык болот.+ Аларга тийгендердин баары ыйык болушу керек.+ 30 Дин кызматчы болушу үчүн, Арун+ менен уулдарын+ да башына май куюп, мага кызмат кылганга бөлүп кой.+
31 Ысрайыл элине мындай де: „Бул мен үчүн ыйык май болот. Силер аны ыйык май катары укумдан-тукумга колдонушуңар керек.+ 32 Аны эч кимдин денесине сыйпабагыла, курамы аныкына окшош май жасабагыла. Ал — ыйык май. Ал силер үчүн ыйык болот. 33 Ким ошондой май жасаса же башка бирөөгө* сыйпаса, өлтүрүлүшү керек“».+
34 Жахаба Мусага мындай деди: «Жыпар жыттуу заттардан:+ стакти чайырынан*, онихтен*, жыты аңкыган галбандан* жана таза ладандан* бирдей өлчөмдө ал. 35 Аларды аралаштырып, чебердик менен жыпарзат жаса.+ Ал туз+ кошулган таза, ыйык аралашма болсун. 36 Анын бир бөлүгүн майда кылып талкалап, бир аз алып, жолугушуу чатырындагы келишим сандыгынын алдына, мен сага көрүнө турган жерге, коюп кой. Ал силер үчүн аябай ыйык болушу керек. 37 Өзүңөргө курамы ушундай жыпарзат жасабагыла.+ Аны Жахабанын алдындагы ыйык нерсе катары көргүлө. 38 Ким жытынан рахат алыш үчүн ушундай жыпарзат жасаса, өлтүрүлүшү керек».