Колосалыктарга
2 Силер үчүн, лаодикиялыктар+ үчүн жана мени көрбөгөндөрдүн баары үчүн кандай айыгышкан күрөш жүргүзүп жатканымды түшүнүшүңөрдү каалайм. 2 Баарыңар жубанып-сооронушуңар,+ сүйүү аркылуу биригишиңер үчүн+ күрөшүп жатам. Ошондой эле муну улуу байлыкка — айкын-так түшүнүккө — ээ болушуңар үчүн жана Кудайдын ыйык сыры, атап айтканда, Машаяк жөнүндөгү+ так билимге ээ болушуңар үчүн кылып жатам. 3 Акылмандык менен билимдин бүт кенчи Машаякта жашырылган.+ 4 Муну силерди эч ким жүйөлүүдөй сезилген сөздөрү менен алдап кетпеши үчүн айтып жатам. 5 Өзүм араңарда болбосом да, жүрөгүм силер менен. Баарын өз тартиби менен+ кылып жатканыңарды, Машаякка болгон ишенимиңердин бекемдигин+ угуп кубанып жатам.
6 Мырзабыз Машаяк Исаны кабыл алгандыктан аны менен мындан ары да биримдикте болгула. 7 Өзүңөр үйрөтүлгөндөй, ага болгон ишенимиңер терең тамырлап, ошонун аркасында бекем, туруктуу болгула.+ Ошондой эле Кудайга ыраазычылык билдиргенде,+ ишенимиңер ашып-ташып турсун.
8 Сак болгула, кимдир бирөө Машаяктын окууларына эмес, адамдар чыгарган салттар менен бул дүйнөнүн көз карашына негизделген философияны, курулай калпты колдонуп, силерди тузакка түшүрүп албасын.+ 9 Анткени Кудайдын сапаттары толугу менен Машаякта чагылдырылган.+ 10 Силер бүт өкмөттөр менен бийликтердин башчысы болгон Машаяк+ аркылуу бардык нерсеге* ээсиңер. 11 Машаякка ишенгениңер үчүн сүннөткө отургузулгансыңар, бирок бул кадимки сүннөткө отургузулганыңарды эмес, күнөөгө баткан дененин каалоосунан арылганыңарды билдирет.+ Машаяктын жолдоочулары ушундайча сүннөткө отургузулушу керек.+ 12 Ага окшоп сууга чөмүлгөндө* аны менен бирге көмүлгөнсүңөр+ жана аны менен биримдикте болгонуңардын, аны тирилткен+ Кудайдын күчүнө ишенгениңердин аркасында аны менен бирге тирилгенсиңер.+
13 Мурун кылмыштарыңардын жана сүннөткө отургузулбаганыңардын айынан өлүк болчусуңар. Бирок Кудай силерди Машаяк менен биримдикте болушуңар үчүн тирилтти.+ Ал күнөөлөрүбүздүн баарын айкөлдүк менен кечирип,+ 14 буйруктарды камтыган,+ бизге каршы жазылган+ Мыйзамды жоюп салды.+ Аны жаза устунуна кадалган Машаяктын өлүмү аркылуу жокко чыгарды.+ 15 Ошонун аркасында* өкмөттөр менен бийликтерди жеңип*,+ аларды туткундар катары баарынын көзүнчө жеңиш жүрүшүндө алып өттү.
16 Ошондуктан эч кимдин силерди эмне жеп, эмне ичкениңерди+ же кайсы бир майрамды, айдын жаңырганын белгилегениңерди же белгилебегениңерди,+ дем алыш күн* жөнүндөгү мыйзамды аткарганыңарды же аткарбаганыңарды айтып айыптаганга укугу жок.+ 17 Мунун баары келечектеги нерселерди билдирет*,+ ал эми алардын чыныгы маани-маңызы Машаякка байланыштуу.+ 18 Калп эле момунсунганды, периштелерге* сыйынганды жакшы көргөндөрдөн сак болгула. Анткени алар силерди сыйлыктан кур калтырып+ коюшу мүмкүн. Андайлар аян көргөнүнө мактанышат*, пенделик акылына таянып, себепсиз бой көтөрүшөт, 19 алар баш* менен бириккен эмес.+ Ошол баш аркылуу бүт дене керектүү нерселер менен камсыз болуп, муун менен байламталар аркылуу шайкештикте биригип, Кудай өстүргөндөй өсө берет.+
20 Эгер бул дүйнөнүн көз карашын четке кагып,+ Машаяк менен бирге өлгөн болсоңор, анда эмне үчүн бул дүйнөгө таандык болгондой жашап, дагы эле+ 21 «алба, жебе, тийбе» деген буйруктарга баш ийип жатасыңар? 22 Адамдар чыгарган ал осуят-мыйзамдар+ жеп-ичилип жок боло турган нерселерге тиешелүү. 23 Аларга кармангандар Кудайга өздөрү каалагандай сыйынгысы келет, башкаларга момун болуп көрүнүш үчүн өз денесин кыйнашат.+ Акылмандыкка жаткандай көрүнгөнү менен, андай осуяттар дене кумарлары менен күрөшкөнгө эч кандай жардам бербейт.