44 Ee Nzambe, toyoki na matoi na biso,

Bankɔkɔ na biso bayebisi biso+

Mosala oyo osalaki na mikolo na bango,+

Na mikolo ya kala.+

 2 Yo moko na lobɔkɔ na yo obenganaki mpenza bikólo,+

Mpe olonaki bango na esika ya bikólo yango.+

Obandaki kobuka bituluku ya bato ya bikólo mpe kotika yango ekende.+

 3 Mpo bazwaki mokili na mopanga na bango moko te,+

Mpe lobɔkɔ na bango moko te nde ememelaki bango lobiko.+

Kasi ezalaki lobɔkɔ na yo ya mobali ná lobɔkɔ na yo+ mpe pole ya elongi na yo,

Mpamba te osepelaki na bango.+

 4 Ee Nzambe, yo moko ozali Mokonzi na ngai.+

Pesá mitindo mpo na lobiko monene ya Yakobo.+

 5 Na lisalisi na yo tokotindika banguna na biso;+

Na nkombo na yo tokonyata baoyo bazali kotɛlɛmɛla biso.+

 6 Mpo nazalaki kotyela litimbo na ngai motema te+

Mpe mopanga na ngai nde ezalaki kobikisa ngai te.+

 7 Mpo obikisaki biso na mabɔkɔ ya banguna na biso,+

Mpe baoyo bazali koyina biso makasi oyokisa bango nsɔni.+

 8 Tokopesa Nzambe masanzoli mokolo mobimba,+

Mpe tokokumisa nkombo na yo mpo na ntango oyo etyami ndelo te.+ Sela.

 9 Kasi sikoyo obwaki biso mpe ozali kaka kosambwisa biso,+

Mpe ozali kobima te elongo na mampinga na biso.+

10 Ozali kaka kozongisa biso nsima liboso ya monguna,+

Mpe bato oyo bazali koyina biso makasi bamipunzeli biloko.+

11 Okabi biso lokola bampate, lokola eloko moko ya kolya,+

Mpe opalanganisi biso na kati ya bikólo.+

12 Otɛki bato na yo mpo na eloko oyo ezali na motuya te,+

Mpe ntalo oyo otɛkaki bango epesi yo bomɛngo te.

13 Okómisi biso eloko ya nsɔni na miso ya bato oyo bafandi penepene na biso,+

Eloko ya kotyola mpe ya kosɛka na miso ya baoyo nyonso bazali zingazinga na biso.+

14 Okómisi biso liloba ya lisese na kati ya bikólo,+

Koningisama ya motó na kati ya bituluku ya bato ya bikólo.+

15 Mokolo mobimba kosambwa na ngai ezali liboso na ngai,

Mpe nsɔni ya elongi na ngai ezipi ngai,+

16 Mpo na mongongo ya moto oyo azali kotuka mpe azali koloba mabe,

Mpo na monguna mpe moto oyo azali kozongisa mabe.+

17 Nyonso wana nde ekómeli biso, mpe tobosani yo te,+

Mpe na kondimana na yo,+ tosali makambo na bokosi te.

18 Motema na biso ezongi nsima te na kozanga bosembo,+

Mpe matambe na biso epɛngwi na nzela na yo te.+

19 Mpo otuti biso na esika ya bambulú,+

Mpe ozali kozipa biso na molili makasi.+

20 Soki tobosani nkombo ya Nzambe na biso,

To totandeli nzambe mopaya mabɔkɔ na biso,+

21 Nzambe ye moko akolukaluka yango te?+

Mpo ayebi basekele ya motema.+

22 Kasi mpo na yo tobomami mokolo mobimba;

Totalelami lokola bampate ya koboma.+

23 Lamuká. Ee Yehova, mpo na nini ozali kaka kolala?+

Lamuká. Kobwaka biso mpo na libela te.+

24 Mpo na nini ozali kaka kobomba elongi na yo?

Mpo na nini ozali kobosana mpasi na biso mpe monyoko na biso?+

25 Mpo molimo na biso egumbami tii na putulu;+

Libumu na biso ekangami na mabele.

26 Tɛlɛmá mpo na kosunga biso+

Mpe sikolá biso mpo na motema boboto na yo.+

49 Bino nyonso bato ya bikólo, bóyoka likambo oyo.

Bino nyonso bato ya ntango oyo,+ bótya litoi,

 2 Bino bato nyonso,*

Yo mozwi ná yo mobola elongo.+

 3 Monɔkɔ na ngai ekoloba makambo ya bwanya,+

Mpe komanyola ya motema na ngai ekozala na makambo ya mayele.+

 4 Nakosembola litoi na ngai na liloba ya lisese;+

Nakolimbola sambole+ na ngai na kobɛtáká nzɛnzɛ.

 5 Mpo na nini nabanga na mikolo ya mabe,+

Ntango libunga ya baoyo balingi kokweisa ngai ezali kozinga ngai?+

 6 Baoyo bazali kotya motema na biloko na bango ya kobikela,+

Mpe baoyo bazali kaka komikumisa mpo na ebele ya bomɛngo na bango,+

 7 Moko na bango akoki kosikola ndeko na ye ata moke te,+

To kopesa Nzambe lisiko mpo na ye;

 8 (Mpe ntalo ya lisiko ya molimo na bango ezali motuya moko monene mpenza+

Yango wana ezangá mpo na ntango oyo etyami ndelo te)

10 Mpo amonaka ete ata bato ya bwanya bakufaka,+

Zoba ná moto oyo azangi mayele bango nyonso bakufaka,+

Mpe basengeli kotikela bato mosusu biloko na bango ya kobikela.+

11 Mposa ya motema na bango ezali ete bandako na bango ezala mpo na ntango oyo etyami ndelo te,+

Batabernakle na bango libota na libota.+

Bapesi mabele na bango bankombo na bango.+

12 Nzokande moto ya mabele, ata azali na lokumu, akoki te kofanda libela;+

Azali mpenza lokola banyama oyo ebomami.+

13 Yango nde nzela ya baoyo bazali na bozoba,+

Mpe ya baoyo bazali koya nsima na bango, baoyo bazali kosepela na maloba na bango ya mangungu. Sela.

14 Lokola bampate, babongisami mpo na Nkunda;*+

Liwa ekokamba bango;+

Mpe bato ya makambo alima bakozala na bokonzi likoló na bango na ntɔngɔ,+

Mpe nzoto na bango esengeli konzuluka;+

Mokomoko azali kokende na esika ya kofanda ya lokumu te, kasi nde na Nkunda.*+

15 Nzokande, Nzambe ye moko akosikola molimo na ngai na lobɔkɔ ya Nkunda,*+

Mpo ye akoyamba ngai. Sela.

16 Kobanga te mpo moto moko boye azali kozwa bomɛngo,+

Mpo nkembo ya ndako na ye ezali komata,+

17 Mpo na liwa na ye, akomema eloko ata moko te;+

Nkembo na ye ekokita elongo na ye te.+

18 Mpo bomoi na ye mobimba azalaki kaka kopambola molimo na ye;+

(Mpe bato bakokumisa yo mpo ozali komisalela malamu)+

19 Nsukansuka, molimo na ye ekokende kosuka kaka na libota ya bankɔkɔ na ye.+

Bakomona pole lisusu ata moke te.+

20 Moto ya mabele oyo azali kokanga ntina te, ata azali na lokumu,+

Azali mpenza lokola banyama oyo ebomami.+