Watchtower MIKANDA OYO EZALI NA INTERNET

Nzembo 16:10

Biblia Libongoli ya Mokili ya Sika
- 10 Mpo yo okotika molimo na ngai na kati ya Nkunda* te.+
  Okotika te ete moto na yo ya sembo amona libulu.+

Nzembo 22:maloba ya ebandeli ya loyembo-31

Biblia Libongoli ya Mokili ya Sika
- Epai ya mokambi ya nzembo na mongongo ya Bishe ya Ntɔngɔntɔngɔ. Mondule ya Davidi.
  
  22 Nzambe na ngai, Nzambe na ngai, mpo na nini otiki ngai?+
  Mpo na nini ozali mosika na kobikisa ngai,+
  Mosika na maloba na ngai ya koganga?+
  
  2 Ee Nzambe na ngai, na moi, nazali se kobenga, mpe ozali koyanola te;+
  Mpe na butu, nazali mpe kofanda nyɛɛ te.+
  
  3 Kasi yo ozali mosantu,+
  Ozali kofanda na kati ya masanzoli ya Yisraele.+
  
  4 Batata na biso batyelaki yo motema;+
  Batyaki motema, mpe ozalaki kobikisa bango.+
  
  5 Babelelaki yo,+ mpe babikaki;+
  Batyelaki yo motema, mpe bayokaki nsɔni te.+
  
  6 Kasi ngai nazali nkusu,+ nazali moto te,
  Eloko ya nsɔni na miso ya bato mpe ya kotyola na miso ya bato.+
  
  7 Baoyo nyonso bazali komona ngai, bazali kosɛka ngai;+
  Bazali se kofungola minɔkɔ na bango polele, bazali se koningisa mitó na bango:+
  
  8 “Ye amipesaki na Yehova.+ Tiká abikisa ye!+
  Tiká asikola ye, mpo asepeli na ye!”+
  
  9 Mpo yo Moto obimisaki ngai na libumu,+
  Yo Moto osalaki ete natya motema ntango nazalaki na mabɛlɛ ya mama na ngai.+
  
  10 Nabwakamaki epai na yo banda na libumu;+
  Banda na libumu ya mama na ngai ozalaki Nzambe na ngai.+
  
  11 Kozala mosika na ngai te, mpo mpasi ezali penepene,+
  Mpo mosungi mosusu azali te.+
  
  12 Ebele ya bana-ngɔmbɛ mibali bazingi ngai;+
  Bana-ngɔmbɛ mibali ya nguya ya Bashane bazingi ngai.+
  
  13 Bafungoleli ngai monɔkɔ,+
  Lokola nkɔsi oyo ezali kopasolapasola mpe koganga.+
  
  14 Nasopami lokola mai,+
  Mpe mikuwa na ngai nyonso ekabwani.+
  Motema na ngai ekómi lokola mafuta;+
  Enyangwe na kati ya libumu na ngai.+
  
  15 Nguya na ngai ekauki lokola eteni ya mbɛki,+
  Mpe lolemo na ngai ekangami na misuni ya mino na ngai;+
  Mpe ozali kotya ngai na putulu ya liwa.+
  
  16 Mpo bambwa ezingi ngai;+
  Liyangani ya basali-mabe ezingi ngai.+
  Bazali koswa mabɔkɔ na ngai ná makolo na ngai lokola nkɔsi.+
  
  17 Nakoki kotánga mikuwa na ngai nyonso.+
  Bango bazali kotala, bazali kotalatala ngai.+
  
  18 Bazali komikabolela bilamba na ngai,+
  Mpe bazali kobwakela bilamba na ngai mbɛsɛ.+
  
  19 Kasi yo, Ee Yehova, Ee kozala mosika te.+
  Ee yo makasi na ngai,+ salá noki osunga ngai.+
  
  20 Bikisá molimo na ngai nabomama na mopanga te,+
  Molimo na ngai kaka moko na lobɔkɔ ya mbwa;+
  
  21 Bikisá ngai na monɔkɔ ya nkɔsi,+
  Mpe yanolá mpe bikisá ngai na maseke ya bangɔmbɛ ya zamba.+
  
  22 Nakosakwela bandeko na ngai+ nkombo na yo;+
  Nakosanzola yo na katikati ya lisangá.+
  
  23 Bino baoyo bobangaka Yehova, bósanzola ye!+
  Bino nyonso momboto ya Yakobo, bópesa ye nkembo!+
  Mpe bóbanga ye, bino nyonso momboto ya Yisraele.+
  
  24 Mpo atyoli te+
  Mpe ayoki mpii te mpo na mpasi ya moto ya mpasi;+
  Mpe abombeli ye elongi na ye te,+
  Mpe ntango alelelaki ye mpo na kosɛnga lisalisi ayokaki.+
  
  25 Lisanzoli na ngai kati na lisangá monene+ ekouta epai na yo;
  Nakokokisa bilako na ngai liboso ya baoyo babangaka ye.+
  
  26 Bato ya komikitisa bakolya mpe bakotonda;+
  Baoyo balukaka ye bakosanzola Yehova.+
  Mitema na bino ezala na bomoi mpo na seko.+
  
  27 Bansuka nyonso ya mabele ekokanisa mpe ekozongela Yehova.+
  Mpe mabota nyonso ya bikólo ekogumbamela yo.+
  
  28 Mpo bokonzi ezali ya Yehova,+
  Mpe ye azali koyangela bikólo.+
  
  29 Bato nyonso ya mafutamafuta oyo bazali na mabele bakolya mpe bakogumbama;+
  Baoyo nyonso oyo bazali kokita na putulu bakofukamela ye,+
  Mpe moto moko te akobatela molimo na ye na bomoi.+
  
  30 Momboto ekosalela ye;+
  Bakosakola yango mpo na Yehova na libota oyo ekoya.+
  
  31 Bakoya mpe bakoyebisa boyengebene na ye+
  Na bato oyo bakobotama, ete asali yango.+

Nzembo 34:20

Biblia Libongoli ya Mokili ya Sika
- 20 Azali kobatela mikuwa nyonso ya moto yango;
  Moko na yango ebukani te.+

Nzembo 41:9

Biblia Libongoli ya Mokili ya Sika
- 9 Lisusu moto oyo azalaki na kimya elongo na ngai, oyo natyelaki motema,+
  Oyo azalaki kolya limpa na ngai,+ atomboleli ngai litindi na ye.+

Nzembo 69:21

Biblia Libongoli ya Mokili ya Sika
- 21 Kasi bilei bapesaki ngai ezalaki nde nzete moko ya ngɛngɛ,+
  Mpe na mposa na ngai ya mai, bamekaki komɛlisa ngai vinɛgrɛ.+

Yisaya 53:1-12

Biblia Libongoli ya Mokili ya Sika
- 53 Nani andimeli likambo oyo toyoki?+ Bongo lobɔkɔ ya Yehova+ emonisami epai ya nani?+ 2 Mpe akobima lokola mwa nzete+ liboso ya moto, mpe lokola mosisa oyo ezali kobima na mokili oyo ezangá mai. Azali engambe te, na nkembo mpe te;+ mpe ntango tokomona ye, lolenge na ye ekopesa biso mposa ya kolinga ye te.+
  
  3 Azalaki kotyolama mpe bato bazalaki kokima ye,+ moto oyo asengelaki komona mpasi mpe komesana na maladi.+ Mpe ezalaki lokola nde tozali koboya kotala elongi ya moto moko boye.+ Atyolamaki, mpe tomonaki ye mpamba.+ 4 Ya solo, amemaki nde bamaladi na biso;+ mpe akumbaki bampasi na biso.+ Kasi biso tomonaki ete azali moto oyo Nzambe apesi etumbu,+ abɛti+ mpe amonisi mpasi.+ 5 Kasi atɔbɔlamaki+ mpo na misala na biso ya kobuka mibeko;+ anyatamaki mpo na mabunga na biso.+ Etumbu oyo esengelaki mpo na kimya na biso ezalaki likoló na ye,+ mpe mpo na bampota+ na ye tobiki.+ 6 Tozalaki koyengayenga biso nyonso lokola bampate;+ tozalaki kobaluka moto na moto na nzela na ye moko; mpe Yehova ye moko asali ete libunga na biso nyonso ekwela moto wana.+ 7 Batyaki ye mpanzi likoló mingi,+ mpe atikaki bámonisa ye mpasi;+ kasi afungolaki monɔkɔ te. Bamemaki ye lokola mpate oyo ekei kobomama,+ mpe lokola mpate ya mwasi oyo elelaka te liboso ya bakati-nsuki na yango, ye mpe afungolaki monɔkɔ te.+
  
  8 Basambisaki ye na bosembo te yango wana anyokwamaki mpe alongolamaki;+ mpe nani akoluka koyeba makambo ya libota na ye?+ Mpo alongolamaki+ na mokili ya bato ya bomoi.+ Abɛtamaki kobɛtama+ mpo bato na ngai babukaki mibeko.+ 9 Mpe ntango akokufa, akosala lilita na ye esika moko na bato mabe,+ mpe esika moko na bazwi,+ atako asalaki mobulu te+ mpe lokuta ezalaki na monɔkɔ na ye te.+
  
  10 Kasi Yehova ye moko asepelaki konyata ye;+ akómisaki ye moto ya maladi.+ Soki okómisi molimo na ye likabo ya ngambo,+ akomona bana na ye,+ akoyeisa mikolo na ye molai,+ mpe na lobɔkɔ na ye, likambo oyo esepelisaka+ Yehova ekolonga.+ 11 Mpo na mpasi ya molimo na ye, akomona bolamu,+ akotonda.+ Na nzela ya boyebi na ye, moyengebene, mosaleli na ngai,+ akomemela bato mingi ezaleli ya boyengebene;+ mpe ye moko akomema mabunga na bango.+ 12 Yango wana nakopesa ye likabo elongo na ebele ya bato,+ mpe na bato ya nguya nde akokabola biloko oyo epunzami,+ mpamba te asopaki molimo na ye kino na liwa,+ mpe atángamaki nde elongo na bato oyo babukaka mibeko;+ mpe ye moko amemaki lisumu ya bato ebele,+ mpe akómaki kokɔtela bato oyo babukaka mibeko.+

Mika 5:1

Biblia Libongoli ya Mokili ya Sika
- 5 “Na ntango ozali komikatakata nzoto,+ Ee mwana mwasi oyo bakɔteli; ye azingeli biso mpo na kobundisa biso.+ Na lingenda, bakobɛta mosambisi ya Yisraele na litama.+

Zekaria 9:9

Biblia Libongoli ya Mokili ya Sika
- 9 “Ee mwana mwasi ya Siona, zalá na esengo mingi.+ Ee mwana mwasi ya Yerusaleme, gangá na koganga ya bolongi.+ Talá! Mokonzi na yo+ azali koya epai na yo.+ Azali moyengebene, ɛɛ, abikisami;+ moto ya komikitisa,+ mpe amati likoló ya mpunda,* ɛɛ likoló ya nyama oyo ekɔmɛli, mwana ya mpunda ya mwasi.+

Zekaria 11:12

Biblia Libongoli ya Mokili ya Sika
- 12 Bongo nalobaki na bango ete: “Soki ezali malamu na miso na bino,+ bópesa ngai lifuti na ngai; kasi soki te, bótika.” Mpe bapesaki lifuti na ngai, shekele ya palata ntuku misato (30).+

Zekaria 13:7

Biblia Libongoli ya Mokili ya Sika
- 7 “Ee mopanga, lamuká mpo na kotɛmɛla mobateli ya mpate na ngai,+ ɛɛ mpo na kotɛmɛla mobali makasi oyo azali moninga na ngai,”+ yango nde liloba ya Yehova ya mampinga. “Bɛtá mobateli ya mpate,+ mpe bampate ya etonga epanzana;+ mpe nakozongisela mpenza baoyo bazali moke lobɔkɔ na ngai.”+