Bengisá moto nyonso ya teritware na yo na Ekaniseli!

Na boumeli ya kampanye oyo ekobanda na mwa 27/02, tokobengisa bato ebele mpenza na esika tofandi báya koyangana elongo na biso na Ekaniseli ya liwa ya Kristo. Tosengeli mpe kotyela moto nyonso oyo asepeli likebi mpo tózongela ye.

MAKAMBO YA KOSALA

NDENGE OKOKI KOKABOLA LOKASA YA LIBYANGI

“Tozali kokabola lokasa ya libyangi oyo mpo na likita moko ya ntina mingi. Na mokolo ya 23/03/2016, bamilio ya bato na mokili mobimba bakoyangana mpo na kokanisa liwa ya Yesu Kristo mpe kolanda diskur moko ya ofele oyo euti na Biblia, oyo ekomonisa ndenge liwa na ye ememeli biso matomba. Lokasa ya libyangi oyo emonisi ngonga mpe esika oyo likita yango ekosalema epai na biso. Tosɛngi yo oya soki likoki ezali.”

Soki moto yango asepeli . . .

• PESÁ YE LINƆ́NGI YA MOSƐNZƐLI

  Lobá likambo moko oyo ekopesa yo nzela ozongela ye.

• LAKISÁ YE VIDEO YA EKANISELI

  Lobá likambo moko oyo ekopesa yo nzela ozongela ye.

Ntango ozongeli ye, okoki . . .

• KOLAKISA YE VIDEO MPO NA NINI KOYEKOLA BIBLIA?

  Na nsima, pesá ye mokanda moko oyo toyekolaka na yango bato Biblia.

• KOPESA YE BUKU BIBLIA ETEYAKA MPENZA NINI?

  Salelá nkasa 206-208 mpo na komonisa ye makambo mingi oyo etali Ekaniseli. Na nsima, tikelá ye buku yango.

• KOPESA YE MWA BUKU YOKÁ NZAMBE

  Salelá nkasa 18-19 mpo na komonisa ye ndimbola ya liwa ya Kristo. Na nsima, tikelá ye mwa buku yango.