21-27/07

MAKAMBO YA MOTUYA NA LILOBA YA NZAMBE

1. Mitinda oyo ekosalisa yo na oyo etali komɛla masanga

(Min. 10)

Soki okomɛla masanga, komɛla mingi te (Mas 23:20, 21; w04 1/12 19 par. 5-6)

Kobosana te makama oyo molangwa ebimisaka (Mas 23:29, 30, 33-35; it-1 1222)

Ndenge masanga emonanaka kitoko ekosa yo te (Mas 23:31, 32)

Ndeko mwasi afandi na kiti, azali kotala molangi ya masanga.

2. Biloko ya motuya ya elimo

(Min. 10)

Mas 23:21—Bokeseni nini ezali kati na kolya na lokoso mpe kozala nzoto mineneminene? (w04 1/11 31 par. 2)

Eyano na yo
Biloko nini ya motuya ya elimo oyo ozwi na botángi ya Biblia ya pɔsɔ oyo, okosepela kolobela?

Eyano na yo

3. Botángi ya Biblia

(Min. 4) Mas 23:1-24 (th liteya 5)

OMIPESA NA MOSALA YA KOSAKOLA

4. Ndenge ya kobanda lisolo

(Min. 2) NA BISIKA YA BATO NYONSO. (lmd liteya 3 pwɛ 5)

5. Kolandela bokoli

(Min. 5) NDAKO NA NDAKO. Lakisá moto ndenge boyekoli ya Biblia esalemaka. (lmd liteya 9 pwɛ 5)

6. Kokómisa bato bayekoli

(Min. 5) Lendisá moyekoli na yo oyo azali kobundana mpo na kotika momeseno moko oyo eyokani te na Biblia. (lmd liteya 12 pwɛ 4)

BOMOI YA BAKRISTO

7. Nasengeli kopesa basusu masanga to te?

(Min. 8) Lisolo na bayangani.

Moto oyo abengisi bato na fɛti, na ndakisa na fɛti ya libala, asengeli kopesa bango masanga? Ezali ekateli oyo moto ye moko asengeli kozwa, kasi esengeli mpenza kotalela na likebi mitinda ya Biblia mpe ndenge oyo makambo ezali.

Mwasi ná mobali oyo bazali bafianse bazali kotalela soki bakopesa bato masanga na fɛti ya libala na bango. Bazali na Biblia ya kofungwama na mesa mpe tablɛti ezali komonisa milangi ndenge na ndenge ya vinyo.

Lakisá VIDEO Nasengeli kopesa basusu masanga? Na nsima tuná bayangani boye:

Ndenge nini mitinda ya Biblia oyo elandi ekoki kosalisa moto oyo abengisi bato ayeba soki akopesa bango masanga to te?
- Yn 2:9—Yesu abongolaki mai vinyo na fɛti ya libala.
  
  Eyano na yo
- 1Ko 6:10—“Balangwi-masanga . . . bakozwa libula ya Bokonzi ya Nzambe te.”
  
  Eyano na yo
- 1Ko 10:31, 32—“Ezala bozali kolya to komɛla . . . , bósalaka makambo nyonso mpo na nkembo ya Nzambe. Bókeba ete bókóma te bato oyo bazali kobɛtisa . . . libaku.”
  
  Eyano na yo
Makambo nini osengeli kotalela?

Eyano na yo
Mpo tózwa bikateli ya malamu, mpo na nini tosengeli kosalela ‘makoki na biso ya kokanisa’ mpe kotalela mitinda ndenge na ndenge ya Biblia?—Ro 12:1; Mos 7:16-18

Eyano na yo

21-27/07

MASESE 23

Loyembo 97 mpe libondeli | Maloba ya ebandeli (Min. 1)