Masoló ya basakoli na Bokonzi

‘Esengo na baoyo bazali na nzala kati na elimo’

Yesu alobaki ete: “Esengo na baoyo bazali kobanza mposa na bango ya elimo,” (Matai 5:3, MN) Bato wana bazali koluka mateya na bomoi mazwami na Biblia, Liloba na Nzambe, mpe bazali kosimba boyebi wana bozali komema na bomoi ya seko.​—Matai 4:4; Yoane 17:3.

Moafriké moko oyo azalaki na nzala kati na elimo, asalaki mobémbo ya ngonga minei kati na mpiɔ mpe na molili mpo na kokende kosomba ekzamplere moko ya Mokanda mpo na masoló ya Biblia. Ekómaki ye na mboka epai ba Témoins de Jéhovah bakendaki kosakola, alɛmbaki mingi mpenza wana bayebisaki ye ete bautaki kopesa mokanda moko motikalaki, epai na moto moko. Afandaki mikolo misato na mboka wana mpo na kozela ete mikanda misusu mitindama, mpe asepelaki mingi mpenza na ntango azwaki liziba kitoko wana ya mateya ya elimo.

Nsima na sanza moko oyo balekisaki na teritware wana etangwi, ba Témoins bakabolaki mikanda 55, 365 brochures, 145 bazulunalo, mpe bazwaki 5 abonema. Wana elingaki bango kokenda basepelaki mingi na koyoka mikóló mpe bana mike kopesa bango mbote na monoko ya Kpelle ete: “Jéhovah azala na bino!“ Milende misalemaki mpo na kosalisa bato yango bamonisi mposa.

Bobele na mokili wana, mwasi moko mpe azalaki na nzala kati na elimo. Azalaki mobómbi na misolo ya lingomba na ye mpe mosangani na lisangá moko ya masano ya mboka na bango. Wana ba Témoins de Jéhovah basosolaki elongo na ye, andimaki na mpisoli ete, lingomba na ye likokisaki te masɛngami ya Biblia na ntina na boklisto. Ba Témoins balakisaki ye kati na Biblia na ye, lolenge nini ya koyeba lingomba ya solo. Bongo, ayanganaki na makita mibale na salle du Royaume, nsima na yango alobaki ete: “Makarnbo namoni mpe nayoki endimisi ngai ete, oyo ezali solo.’’ Programme ya makita mpe etamboli ya bayangani ezalaki na bopusi makasi likoló na ye. Asosolaki ete maloba ya ba Témoins oyo bayaki kolala ye ezalaki ya lokutá te, kasi ezali nde makambo ya solo. Kobanda wana, akataki boyokani nyonso elongo na lingomba na ye, likambo oyo lipesaki litatoli malamu na mboka na ye.

◻ Elenge molakisi moko ya catéchisme, ye Mélanezié ya mboka Nouvelle​—calédonie, azalaki na nzala kati na elimo. Akutaki mokanda Solo oyo ezali komema na bomoi ya seko likoló ya mesa, epai na mema na ye, mpe atangaki mokapo 2 mpe 3. Mikapo ya Exode 20:4, 5 mpe Yoane 4:23, 24 miye milimbolami kati na mokanda wana, misimbaki motema na ye.

Atunaki sángó na bango ntina oyo lingomba ya katolike bandimi kosalela bikeko kati na losambo na bango atako Makomami mapekisi yango. sángó ayanolaki te. Mobali wana alukaki koyeba ebele na mangomba mosusu oyo ezali komiloba ete ezali ya boklisto, kasi ata lingomba moko te lipesaki eyano na mituna na ye. Na nsuka, azwaki ekateli ya koyangana na likita moko ya ba Témoins de Jéhovah elongo na mama na ye, oyo asilaki komonisa mposa mpo na solo. Bolingo oyo amonaki yango epai na ba Témoins mpe mateya na bango matongami likoló na Makomami, mazalaki na bopusi makasi likoló na ye.

Atako ezalaki mosika, azalaki kozela motuka ntango nyonso mpo na kokenda na makita, azwaki nokinoki etelemelo mpo na solo mpe azwaki batisimo. Sikawa azali mosaleli na misala. Mama na ye mpe bandeko na ye mibale ya basi. bakómaki ba Témoins de Jéhovah. Elenge mobali asakolaki na libota na ye mpe abandaki boyekoli mingi na Biblia. Basangani ya etúká na ye bazali sikawa koyangana na makita. Nyonso wana esalemi mpo ete elenge moko asepelaki na mokanda moko mokolimbolaka Biblia, moye motyaymaki likoló na mesa, ayekolaki yango mpe asimbaki makambo oyo azalaki koyekola.

Na mikolo na biso, Jéhovah asili kotya ebongiseli monene mpo na koleisa bato kati na elimo, mpe bibele bazali kozwa bolamu. Ezali yango nde Yisaya asakolaki na sembo nyonso, ete: “Tala, baombo na ngai bakolya, nde bino [basangani na mangomba ya lokutá] bokooka nzala.” (Yisaya 65:13) Tokozala na esengo soki tokozwa litomba na bibongiseli bikamatami na Jéhovah mpo na kosilisa nzala na biso ya elimo.