Tósala ete bato básepela na kasɛti video La Bible: le livre le plus ancien toujours d’actualité
Mituna oyo elandi ezali komonisa makambo oyo tomonaki ntango totalaki kasɛti video: (1) Makambo nini ezali kosala ete Biblia ekesena na mikanda mosusu? (2) Pesá ndakisa mpo na komonisa ete atako Biblia ezali buku ya kala, kasi ezali na boyokani na makambo ya siansi lelo oyo. (3) Ndenge nini tokoki komindimisa ete Biblia oyo tozali na yango lelo oyo ekokani mpenza na makomi ya liboso? (4) Ndenge nini makomi oyo ezali na bamaniskri ya kala ya Biblia ekeseni mpenza na makomi mosusu, mpe ndenge nini yango elendisi yo otyela yango motema? (5) Ndenge nini John Wycliffe, Johannes Gutenberg, William Tyndale, Mary Jones, mpe Charles Taze Russell bapesaki mabɔkɔ mpo Liloba ya Nzambe epalangana na mokili mobimba? (6) Ndenge nini mangomba ya boklisto etɛmɛlaki Biblia makasi, kasi nini esalaki ete Biblia elimwa te tii na mikolo na biso? (7) Ebongiseli ya Yehova ebongoli mpe ebimisi ba Biblia boni? (8) Ndenge nini toli ya Biblia esalisaki bato mingi básilisa mikakatano etali masano ya mbongo (1 Tim. 6:9, 10), kokabwana mpe kozanga bosembo kati na libala (1 Kol. 13:4, 5; Ef. 5:28-33), mpe komibanzabanza mpo na oyo etali bozwi ya mosuni (Mat. 16:26)? (9) Nini emonisi ete soki bato bazali kosalela mitinda ya Makomami bakoki kosilisa mikakatano kati na bikolo, kati na bituka, mpe koyinana na ntina na mposo kati na mokili? (10) Esengo nini ozwi na koyekola makambo oyo ezali na kati ya Biblia? (11) Okanisi ete banani bakoki kozwa matomba na kasɛti video oyo, mpe ndenge nini okoki kolakisa bango yango?