Biblia—Buku oyo elobeli na bosikisiki makambo oyo esalemá mpe bisakweli oyo ebongi kotyela motema
Na DVD “La Bible: un livre historique et prophétique” (Biblia—Buku oyo elobeli na bosikisiki makambo oyo esalemá mpe bisakweli oyo ebongi kotyela motema), ezali na biteni misato. Eteni ya liboso ezali na motó ya likambo: “Le livre le plus ancien de l’humanité” (Mokanda oyo eumeli mingi koleka mikanda nyonso). Nsima ya kotala video yango, yanolá na mituna oyo elandi:
(1) Wapi makambo oyo emonisi ete Biblia ezali na boyokani na siansi? (2) Ndenge nini tokoki kondima ete Babiblia oyo tozali na yango lelo oyo ekokani mpenza na makomi ya ebandeli? (3) Lobelá likambo moko ya kokamwa na bamaniskri ya kala ya Biblia. (4) Na ndenge nini John Wycliffe, Johannes Gutenberg, William Tyndale, John Hus, Martin Luther, Casiodoro De Reina, mpe Charles Taze Russell bapesaki mabɔkɔ mpo Liloba ya Nzambe epalangana na mokili mobimba, mpe ndenge nini lingomba etɛmɛlaki Biblia makasi? (5) Ndenge nini toli ya Biblia esalisi bato básilisa mikakatano etali masano ya mbongo (1 Tim. 6:9, 10), kokabwana mpe ekobo (1 Kol. 13:4, 5; Ef. 5:28-33), maladi (Nz. 34:8), mpe komitungisa mingi mpo na kokóma mozwi ya mokili oyo (Mat. 16:26)? (6) Bandakisa nini emonisi ete kosalela mitinda ya Biblia ekoki kosilisa koyinana kati na bato ya mikili mpe bikólo ekeseni, to kati na mindɛlɛ mpe baindo (Luka 10:27)? (7) Na makambo nini kolanda mitinda ya Biblia esalisaki yo okóma na bomoi ya malamu koleka? (8) Ndenge nini okoki kosalela video oyo mpo na kosalisa bato mosusu?—Talá Mosala na biso ya Bokonzi ya Febwali 2006, lokasa 8.