Mokano na yango ezali nini?
1 Mpo na nini toyekolaka na bato Biblia? Ezali se mpo na kopesa bango boyebi, kobongisa bomoi na bango, to kopesa bango elikya mpo na mikolo ezali koya? Te. Mokano na biso ya libosoliboso ezali ya kokómisa bato bayekoli ya Yesu Klisto! (Mat. 28:19; Mis. 14:21) Yango wana, bato oyo tozali koyekola na bango basengeli koya na lisangá. Bato yango bakokola malamu na elimo soki bazali koyeba malamu ntina ya ebongiseli ya boklisto.
2 Ndenge nini tokoki kosala yango: Banda na ebandeli, osengeli ntango nyonso kolendisaka moyekoli ete ayangana na makita ya lisangá. (Ebe. 10:24, 25) Limbwelá ye ndenge nini makita yango ekolendisa kondima na ye, ekosalisa ye na kosala mokano ya Nzambe, mpe ete kuna akokutana na baninga ya malamu oyo bazali mpe na mposa ya kokumisa Yehova. (Nz. 27:13; 32:8; 35:18) Ndenge oyo yo moko okolobela bolingo na yo mpe okomonisa botɔndi na yo mpo na lisangá mpe mpo na makita ekopesa ye mposa ya koyangana.
3 Bato ya sika basengeli koyeba ete ebongiseli ya Yehova ezali lisangá ya bandeko na mokili mobimba. Tólakisa bango kasɛti-video Les Témoins de Jéhovah: un nom, une organisation (Batatoli ya Yehova—Nkombo mpe ebongiseli na bango) mpe Toute la communauté de nos frères (Libota ya bandeko na biso na mokili mobimba). Tósalisa bango báyeba ete Yehova azali kosalela bamilio ya bato oyo bamipesi, na mokili mobimba, mpo na kokokisa mokano na ye. Tósalisa bato ya sika báyeba ete Nzambe azali kobenga bango mpe mpo básalela ye.—Yis. 2:2, 3.
4 Ezali esengo mingi komona moyekoli ya Biblia akómi moyekoli ya solosolo ya Yesu. Yango nde mokano na biso!—3 Yoa. 4.