Bozongeli ya Liyangani ya zongazonga
Lisolo oyo ekotalelama liboso ya liyangani ya zongazonga ya mobu ya mosala 2005 mpe na bozongeli na yango. Lisolo, “Ebongiseli ya sika mpo na kosala bozongeli ya programɛ ya mayangani,” oyo ezali na lokasa 4 ya siplema oyo, ezali komonisa ndenge ya kosalela yango. Na bozongeli, esengeli kosalela ngonga malamu mpo na kotuna mituna nyonso. Bozongeli esengeli mpenzampenza komonisa ndenge oyo tokoki kosalela makambo toyokaki na liyangani.
MOKOLO YA LIBOSO NA NTƆNGƆ
1. Nini ekosalisa biso na kozwa bwanya oyo euti na Nzambe?
2. Milende nini basakoli ya zongazonga basali mpo na koyebisa bato mingi nsango malamu?
MOKOLO YA LIBOSO NSIMA YA MIDI
3. Mpo na nini ezali na ntina baklisto bázala ntango nyonso pɛto na makanisi? Yango ezali kosɛnga biso tósala nini?
4. Ndenge nini tokoki komonisa ete tozali koluka kozala na kimya elongo na bandeko na biso?
5. Kozala na makanisi ebongi elimboli nini, mpe ndenge nini tokoki komonisa yango na ndenge oyo tozali kosalela ntango na biso?
6. Liteya nini tozwi na ndakisa ya Saulo mpe ya Noa? Na makambo nini tosengeli komonisa ete ‘tosepelaka kotosa’? (Yak. 3:17)
7. Ndenge nini baklisto bakoki koboya kozala na lolenge mibale ya bomoi?
8. Ndenge nini tokoki kolanda ndakisa ya Paulo na oyo etali kolobela bwanya ya Nzambe?
MOKOLO YA MIBALE NA NTƆNGƆ
9. Mpo na nini tosengeli mpenza kokeba ntango tozali kopɔna makambo oyo tolingi kosala, mpe nini ekosalisa biso na kosala bongo?
10. Milende nini bandeko ya zongazonga bazali kosala mpo na koyanganaka na makita nyonso, mpe matomba nini bazali kozwa?
11. Ndenge nini batata bakoki kotonga mabota na bango?
12. Bamposa nini ya zongazonga babendaki likebi na biso mpo na yango?
MOKOLO YA MIBALE NSIMA YA MIDI
13. Ndenge lisukulu ya bato nyonso emonisaki yango, misala nini ya sembo ezali kouta na bwanya oyo euti na likoló?
14. Mpo na nini ezali bozoba komityela motema to kotya motema na bato oyo batambwisami te na bwanya oyo euti na Nzambe? Tosengeli kokeba na makambo nini?
15. Bwanya oyo euti na Nzambe ebatelaka biso na mitambo nini?
16. Mpo na nini ezali na ntina mpenza tósalela toli oyo toyokaki na liyangani ya zongazonga?