Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 15 Mar.

“Mbala mingi bato balobelaka koya ya Yesu Klisto. Okanisi ete tosengeli kobanga yango to kosepela na yango? [Tiká ye apesa eyano.] Talá oyo Yoane, moko ya bakomi ya Biblia, alobaki mpo na likambo yango. [Tángá Emoniseli 22:20.] Zulunalo oyo elimboli makambo oyo koya ya Klisto ekokokisa.”

Lamuká! Mar.

“Emonanaka ete bakonzi mingi ya mokili bazalaka na lolendo. Okanisi ete ezaleli yango ezali kopesa nzela ete mokili ezala na kimya mpe na boyokani? [Tiká ye apesa eyano.] Talá oyo Biblia elobi mpo na lolendo. [Tángá Masese 16:18.] Lisolo oyo elimboli matomba ya kozala na komikitisa.” Lakisá lisolo oyo ebandi na lokasa 20.

Linɔ́ngi ya Mosɛnzɛli 1 Apr.

“Pene na mikolo nyonso, tomitunaka mituna na ntina etali bokɔlɔngɔnɔ ya nzoto na biso, libota na biso, mpe mosala na biso. Okanisi ete epai wapi tokoki kozwa biyano ya malamu mpe oyo ebongi mpenza? [Tiká ye apesa eyano.] Talá oyo Biblia elobi na 2 Timote 3:16. [Tángá.] Zulunalo oyo emonisi ndenge oyo Biblia ekoki kosalisa biso na makambo mingi.”

Lamuká! Apr.

“Na bisika mingi na mokili, bato bamonaka ete bizaleli ya bato ezali se kobeba. Yo mpe omonaka bongo? [Tiká ye apesa eyano.] Makambo oyo tozali komona lelo oyo ezali kokokisa esakweli moko ya Biblia. [Tángá 2 Timote 3:2-4.] Zulunalo oyo emonisi nini babengi kobeba ya bizaleli mpe epai wapi yango ezali komema bato.”