Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 15 Sɛt.

“Nalingi koyeba likanisi na yo na likambo oyo elobami awa. [Tángá Deteronome 32:4.] Omituná naino te motuna oyo: Soki Nzambe azali Mozwi–ya-Nguya-Nyonso mpe sembo, mpo na nini bampasi mpe mabe ezali mingi boye na mokili? [Tiká ye apesa eyano.] Zulunalo oyo elimboli ntina oyo Nzambe atiki nzela ete mabe ekoba tii lelo oyo.”

Lamuká! Sɛt.

“Mingi na biso tolingaka kozala nzoto kolɔngɔnɔ mpe na bomoi molai. Okanisi ete kozala na esengo ekoki kosalisa biso tózala nzoto kolɔngɔnɔ? [Tiká ye apesa eyano. Na nsima, tángá Masese 17:22.] Lisolo oyo emonisi ntina ya kotalelaka makambo na ndenge ebongi.” Lakisá lisolo oyo ezali na lokasa 26.

Linɔ́ngi ya Mosɛnzɛli 1 Ɔkɔt.

“Ekómelá yo naino te omilobela boye: ‘Nasengelaki kosala boye te!’? [Tiká ye apesa eyano.] Talá ntina oyo tozwaka ntango mosusu bikateli oyo ebongi te. [Tángá Yilimia 10:23.] Zulunalo oyo elimboli ndenge oyo toli ya Biblia esalisaka biso tózwa bikateli ya malamu.”

Lamuká! Ɔkɔt.

“Okanisi ete lelo oyo bana bazali na likama mingi koleka ndenge ezalaki liboso? [Tiká ye apesa eyano.] Bato mingi bamonaka ete tozali kobika na ntango oyo elobelami awa. [Tángá 2 Timote 3:1-5.] Zulunalo oyo epesi makanisi oyo ebongi mpo na ndenge oyo baboti bakoki kobatela bana na bango na bato oyo bakoki kobebisa bango.”