Ndenge ya kolakisa bazulunalo (Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 15 Sɛt.

“Lelo oyo, bato mosusu bamonaka ete bazali na mabala oyo bolingo ezali te mpe bamonaka ndenge mosusu ya kosala te. Epai wapi bato ya ndenge wana bakoki kozwa lisalisi? [Tiká ye apesa eyano.] Biblia endimisi biso ete mitinda ya Nzambe ekoki kosalisa biso. [Tángá Yisaya 48:17,18.] Linɔ́ngi ya Mosɛnzɛli oyo ezali kolobela mitinda ya Biblia oyo ekoki kobongisa libala.”

Lamuká! 22 Sɛt.

“Tosepelaka mpenza komona banyama bazali kosolola bango na bango. Kasi, oyebi ete ezali na makambo mosusu oyo banyama bakoki kosala te? [Tiká ye apesa eyano. Nsima tángá Nzembo 65:2.] Biso bato tozalaka na mposa ya kosolola na Nzambe, kasi banyama te. Zulunalo oyo ezali kolobela ndenge oyo tokoki kosolola malamu na bato mpe na Nzambe.”

Linɔ́ngi ya Mosɛnzɛli 1 Ɔkɔt.

“Omituná naino te motuna oyo: ‘Soki Nzambe azali na bolingo mpe na nguya nyonso, mpo na nini asalaka eloko te mpo na bato oyo bazali konyokwama?’ [Tiká ye apesa eyano.] Etikali moke Nzambe akosilisa mikakatano nyonso. [Tángá Yisaya 65:17.] Zulunalo oyo emonisi ete liboso Nzambe asilisa mikakatano nyonso, atalaka biso kaka na miso te ntango tozali konyokwama.”

Lamuká! 8 Ɔkɔt.

“Oyokaki ete bato mingi oyo basalaka bilanga bazali komona ete ekómi mpasi kobikela na mosala ya bilanga? [Tiká ye apesa eyano.] Lamuká! oyo ezali kolobela likambo yango, ezali mpe kolobela elaka oyo Biblia epesi mpo na mikolo malamu oyo ezali koya. [Tángá Nzembo 72:16.] Ntango nakoya mbala ya nsima, nakosepela kolimbolela yo ndenge Nzambe akokokisa elaka yango.”