Ndenge ya kobanda lisolo

(Soki zulunalo ya Lingala ezali te bósalela ya Lifalanse)

Mpo na kobanda koyekola na bato Biblia mokolo ya pɔsɔ ya liboso ya sanza ya Mai

“Omonaka ete lingomba esalisaka bato bálingana to etindaka bango nde báyinana mpe básala mobulu? [Tiká ye apesa eyano.] Tiká nalakisa yo likanisi moko ya ntina na likambo yango.” Lakisá ye Linɔ́ngi ya Mosɛnzɛli ya 1 Mai, mpe bótalela elongo makambo oyo ezali na nse ya motuna ya liboso na lokasa 16, mpe bótánga ata vɛrsɛ moko oyo ezali wana. Pesá ye bazulunalo, mpe bóyokana mpo ozongela ye mpo bótalela motuna oyo elandi.

Linɔ́ngi ya Mosɛnzɛli 1 Mai

“Bato mingi bakanisa ete ezali malamu lingomba ekɔta na makambo ya politiki, kasi bamosusu bamonaka ete esengeli te kosangisa makambo ya lingomba na makambo ya politiki. Yo okanisi nini? [Tiká ye apesa eyano.] Talá oyo Yesu asalaki ntango bato balingaki ete akɔta na makambo ya politiki ya ntango wana. [Tángá Yoane 6:15.] Zulunalo oyo elimboli ntina oyo Yesu akimaki mpe emonisi lolenge eleki malamu oyo bakristo bakoki kosalisa bato ya mboka na bango.”

Lamuká! Mai

“Bato mingi oyo tozali kosolola na bango balobi ete basalelá bango makambo ya kozanga bosembo. Okanisi ete kozanga bosembo ekosila mokolo mosusu? [Tiká ye apesa eyano.] Talá esakweli moko oyo elobeli mokonzi oyo akosilisa kozanga bosembo. [Tángá Nzembo 72:11-14.] Zulunalo oyo elobeli bilaka ya Biblia oyo emonisi ndenge oyo bosembo ekozala na mokili mobimba na mikolo ezali koya.”