Kampanye mpo na kokabola lokasa ya libyangi ya Ekaniseli ekobanda mwa 22 sanza ya misato

Na mbula oyo, kampanye na biso mpo na kobengisa bato na Ekaniseli ekobanda mokolo ya pɔsɔ 22 sanza ya misato. Biso nyonso tolendisami ete tósangana mpenza na kampanye yango. Na mikolo ya pɔsɔ mpe ya lomingo, tokopesa mpe bazulunalo ya sanza wana soki ebongi. Na mokolo ya pɔsɔ ya liboso na sanza ya minei, tokomipesa na kokabola nkasa ya libyangi na esika ya kobanda koyekola na bato Biblia. Kasi, soki tokutani na moto oyo amonisi mpenza mposa makasi, tokoki komeka kobanda koyekola na ye Biblia. Mokɛngɛli na mosala ya kosakola akotalela soki kokabola nkasa ya libyangi na ntango tozali kosakola na bisika ya bato ebele ekosalisa biso tókabola yango epai ya bato ebele na teritware. Mpo obengisa bato ya libota na yo, baninga na yo ya mosala to ya kelasi mpe bato oyo oyekolaka na bango Biblia, banda sikoyo salá liste ya bato oyo okobengisa, mpe pesá bango lokasa ya libyangi ntango kampanye ekobanda. Tozali kolikya ete bato ebele bakosangana elongo na biso ntango tokokanisa bolingo monene oyo Yehova mpe Yesu bamoniselaki biso.​—Yoa. 3:16; 15:13.