BOMOI YA BAKRISTO
Ntango nini nakosɛnga lisusu mosala ya mobongisi-nzela mosungi?
Tempelo oyo Ezekiele amonaki na emonaneli emonisi ete basaleli ya Yehova bakopesa makabo ya bolingo. Ndenge nini mokomoko na biso akoki kopesa mbeka ya lisanzoli?—Ebr 13:15, 16.
Kokóma mobongisi-nzela mosungi ezali lolenge moko ya malamu mpenza ya kosala yango. Mobu ya mosala 2018 ezali na basanza mingi oyo ezali na mikolo ya pɔsɔ mpe ya lomingo mitano. Yango ekosalisa mingimingi baoyo bakendaka misala mokolo mobimba mpe basakolaka mingi kaka na mikolo ya pɔsɔ to ya lomingo. Longola yango, basakoli bakoki kopona kosala ngonga 30 to 50 na sanza ya misato mpe ya minei mpe na sanza oyo mokɛngɛli ya zongazonga ayei kotala lisangá.
Bongo soki makambo ya bomoi epesi biso nzela te ya kosala mosala ya mobongisi-nzela mosungi? Tokoki mpenza kosala makasi mpo na kobongisa lolenge na biso ya kosakola to mpe kobakisa milende na mosala yango. Ata soki makambo ya bomoi na biso ezali ndenge nini, tiká ete bolingo mpo na Yehova etinda biso tópesa ye oyo eleki malamu na mobu ya mosala 2018!—Hos 14:2.
Ndenge nini nakoki komekola molende ya ndeko Sabina Hernández?
TALÁ VIDEO NA LISALISI YA YEHOVA, NAKOKI KOSALA NYONSO, MPE PESÁ BIYANO NA MITUNA OYO:
Nini etindaka ndeko Sabina asala mingi na mosala ya Yehova?
Ndenge nini ndakisa ya ndeko Sabina elendisi yo?
Na mobu ya mosala 2018, okoki kosɛnga mosala ya mobongisi-nzela mosungi na sanza nini?