Kumisá Yehova na mosala ya mobongisi-nzela

Bayisraele bazalaki mpenza na bantina ya kokumisa Yehova, mpo abimisaki bango na Ezipito mpe abikisaki bango na lobɔkɔ ya mampinga ya basoda ya Farao. (Kob 15:1, 2) Yehova azali kokoba kosalela bato na ye makambo ya malamu. Ndenge nini tokoki komonisa ete tozali na botɔndi mpo na oyo Yehova asalelaka biso?​—Nz 116:12.

Lolenge moko ya komonisa yango ezali ya kosala mosala ya mobongisi-nzela mosungi to ya sanza na sanza. Okoki kobondela mpo okóma na mposa yango mpe ozwa makasi ya kosala lokola mobongisi-nzela. (Flp 2:13) Bandeko mingi babandaka naino na mosala ya mobongisi-nzela mosungi. Okoki kopona kosala ngonga 30 to 50 na sanza ya misato mpe ya minei mpe na sanza oyo mokɛngɛli ya zongazonga ayei kotala lisangá na bino. Nsima ya koyoka esengo na mosala yango, okoki kosala makasi mpo okóma mobongisi-nzela ya sanza na sanza. Ezala bandeko oyo basalaka mosala mikolo nyonso na kati ya pɔsɔ to bandeko oyo bazali na mikakatano ya sante bakoki mpe kokóma babongisi-nzela ya sanza na sanza. (mwb16.07 lok. 8) Ya solo mpenza, tosengeli kosala milende nyonso wana mpo ebongi tósanzola Yehova!​—1Nt 16:25.

TALÁ VIDEO BANDEKO BASI MISATO NA MONGOLIE, MPE NA NSIMA YANOLÁ NA MITUNA OYO:

• 

  Mikakatano nini bandeko basi oyo balongaki mpo bákóma babongisi-nzela?

• 

  Mapamboli nini bazwaki?

• 

  Mabaku nini bazwaki lokola bazali babongisi-nzela ya sanza na sanza?

• 

  Ndakisa na bango eteyi basusu nini?