Mayangani ya mbula na mbula​—Ntango ya komonisa bolingo

Mpo na nini tosepelaka mingi na mayangani na biso oyo tosalaka mbula na mbula? Kaka ndenge ezalaki na Yisraele ya kala, mayangani na biso lelo oyo epesaka biso libaku ya kosambela Yehova elongo na bankama to bankóto ya bandeko na biso bakristo. Tosepelaka na mateya nyonso oyo tozwaka kuna oyo esalisaka biso tótikala penepene na Yehova. Tozwaka mpe na motuya ntango oyo tolekisaka elongo na baninga mpe bato ya libota na biso. Botɔndi oyo tozalaka na yango nde etindaka biso tóyangana na mikolo nyonso misato ya liyangani yango.

Ntango tozwi libaku ya koyangana elongo na basusu, tosengeli kaka te kokanisa matomba oyo tokoki kozwa kasi mpe ndenge nini tokoki komonisela basusu bolingo. (Ga 6:10; Ebr 10:24, 25) Ntango tosimbelaka bandeko na biso porte mpo bákɔta mpe ntango tozwaka kaka esika oyo tokofanda, tomonisaka ete tozali koluka matomba ya basusu. (Flp 2:3, 4) Mayangani na biso epesaka biso mabaku malamu ya kozwa baninga ya sika. Tokoki kotya mokano ya kosolola na moto oyo toyebi te, liboso to nsima ya programɛ ata na ntango ya kolya mwa eloko na bopemi. (2Ko 6:13) Tokoki kosala boninga oyo ekoumela seko! Na nyonso, ntango bato bazali komona biso tozali komonisa bolingo, bakoki kozwa ekateli ya koya kosambela Yehova elongo na biso.​—Yn 13:35.

TALÁ VIDEO LIYANGANI OYO ESANGISAKA MIKILI MINGI “BOLINGO ESILAKA SOKI MOKE TE,” MPE NA NSIMA YANOLÁ NA MITUNA OYO:

• 

  Ndenge nini bandeko bamonisaki bolingo epai ya bandeko oyo bautaki na mikili mosusu oyo bayaki na liyangani oyo esangisaka mikili mingi na 2019?

• 

  Mpo na nini bomoko mpe bolingo oyo basaleli ya Yehova bazalaka na yango ekamwisaka mpenza?

• 

  Bizaleli nini ya bolingo ya bokristo bandeko ya Lisangani ya Mikóló-Bakambi balobelaki mingi?

• 

  Ndenge nini bolingo ya bokristo esalaki ete bandeko bázala na bomoko na Allemagne mpe na Corée du Sud?

• Ekateli nini tosengeli kozala na yango?