“Bolingo oyo Kristo azali na yango ememisi biso mokumba.”—2Ko 5:14
BOMOI YA BAKRISTO
Okozala mobongisi-nzela mosungi na sanza ya misato to ya minei?
Ozali na mposa ya kosala mingi na mosala ya Yehova na eleko ya Ekaniseli? (2Ko 5:14, 15) Na sanza ya 03 mpe ya 04, babongisi-nzela basungi bakoki kopona kosala ngonga 30 to 50. Soki okokoka kopesa mabɔkɔ na mosala wana ya ntina mingi, tondisá formilɛrɛ na yo mpe pesá yango bandeko ya komite ya mosala ya lisangá na bino. Sanza nyonso, bandeko oyo bakondimama mpo na kosala lokola babongisi-nzela basungi bankombo na bango ekotángama na lisangá. Na ndenge wana, lisangá ekopesa babongisi-nzela mabɔkɔ na mosala ya kosakola. Tiká ete eleko wana ya Ekaniseli ezala ntango oyo ekosalisa biso tókolisa makoki na biso na mosala ya kosakola mpe tólendisana.—1Te 5:11.