Salisá bato oyo oyekolaka na bango Biblia báboya baninga mabe

Mpo bayekoli ya Biblia bákóma baninga ya Yehova, basengeli kopona baninga ya malamu. (Nz 15:1, 4) Baninga ya malamu bakolendisa bango básala oyo ezali malamu.​—Mas 13:20; lff liteya 48.

Ntango ozali kosalisa bato oyo oyekolaka na bango Biblia, osengeli komitya na esika na bango. Ekoki kozala mpasi mpo na bango bátika kolekisa ntango elongo na baninga na bango ya mokili. Na yango, salá makasi osololaka na bango ata na mokolo oyo boyekolaka te mpo na komonisa ete ozali kotyela bango likebi. Na ndakisa, okoki kokomela bango bamesaje, kobenga bango na telefone, to kokende kotala bango. Ntango bato oyo oyekolaka na bango Biblia bazali kokola na elimo, okoki kobengisa bango na bisika oyo ozali kominanola elongo na bandeko mosusu. Na nsima, bakomona polele ete bazali kozwa matomba mingi koleka makambo oyo babungisi. (Mr 10:29, 30) Yo mpe okozala na esengo ya komona ndenge libota ya Yehova ezali se kokóma monene.

TALÁ VIDEO SALISÁ BATO OYO OYEKOLAKA NA BANGO BIBLIA BÁBOYA BANINGA MABE, MPE NA NSIMA YANOLÁ NA MITUNA OYO:

• Baninga mabe ezali banani?​—1Ko 15:33

• Rose akanisaki ete bakristo baminanolaka ndenge nini?

• Ndenge nini Neeta asalisaki Rose azwa baninga ya malamu?