ຫ້ອງສະໝຸດອອນລາຍຂອງວັອດສ໌ທາວເວີ້

ຫໍສັງເກດການ

ຫ້ອງສະໝຸດອອນລາຍ

ຄມປ16 ເມສາ ໜ້າ 3
ໜູນກຳລັງໃຈແລະເສີມສ້າງຄົນອື່ນດ້ວຍຄຳເວົ້າທີ່ກະລຸນາ

ຊີວິດຄລິດສະຕຽນແລະວຽກຮັບໃຊ້—ຄູ່ມືການປະຊຸມ 2016

ຄມປ16 ເມສາ ໜ້າ 3

ສິ່ງທີ່ມີຄ່າຈາກພະຄຳຂອງພະເຈົ້າ | ໂຢບ 16-20

ໜູນກຳລັງໃຈແລະເສີມສ້າງຄົນອື່ນດ້ວຍຄຳເວົ້າທີ່ກະລຸນາ

ຄຳເວົ້າຂອງຜູ້ທີ່ໃຫ້ຄຳແນະນຳຄວນເສີມສ້າງຄົນອື່ນ

ໂຢບຮູ້ສຶກເສົ້າໃຈແລະທຸກທໍລະມານ. ດັ່ງນັ້ນ ລາວຈຶ່ງຕ້ອງການຄວາມຊ່ວຍເຫຼືອແລະການໜູນກຳລັງໃຈຈາກຄົນອື່ນ.
ໝູ່ 3 ຄົນຂອງໂຢບບໍ່ໄດ້ເວົ້າສິ່ງທີ່ປອບໃຈລາວເລີຍ. ແທນທີ່ຈະເຮັດແບບນັ້ນເຂົາເຈົ້າກ່າວຫາໂຢບແລະເພີ່ມຄວາມກັງວົນໃຈໃຫ້ລາວ.

ຄຳເວົ້າທີ່ບໍ່ກະລຸນາຂອງບີເລດາດເຮັດໃຫ້ໂຢບຮ້ອງໄຫ້ອອກມາດ້ວຍຄວາມທຸກໃຈ

ໂຢບຂໍຮ້ອງພະເຈົ້າໃຫ້ມີການຊ່ວຍບັນເທົາບາງຢ່າງ ຫຼືໃຫ້ຕາຍກໍໄດ້.
ໂຢບຈົດຈໍ່ໄປທີ່ຄວາມຫວັງເລື່ອງການຟື້ນຄືນຈາກຕາຍແລະຮັກສາຄວາມສັດຊື່ສະເໝີ.

ເອລີຟາດເວົ້າກັບໂຢບໃນຂະນະທີ່ບີເລດາດແລະໂຈຟານັ່ງເບິ່ງ

ຜູ້ໃສ່ຮ້າຍໂຢບ

ເອລີຟາດ:

ອາດເປັນໄປໄດ້ທີ່ເອລີຟາດມາຈາກເມືອງເທມານໃນແຜ່ນດິນເອດອມ. ດັ່ງທີ່ບັນທຶກໄວ້ໃນເຢເຣມີ 49:7 ເມືອງເທມານເປັນສູນກາງແຫ່ງສະຕິປັນຍາຂອງຊາວເອດອມ.
ອາດຈະອາຍຸຫຼາຍກວ່າໝູ່ແລະເປັນຜູ້ທີ່ມີອິດທິພົນຫຼາຍທີ່ສຸດໃນບັນດາ “ຜູ້ເລົ້າໂລມ” ເອລີຟາດເປັນຄົນທຳອິດທີ່ເວົ້າ. ລາວເວົ້າເຖິງ 3 ຄັ້ງແລະກໍເວົ້າດົນກວ່າໝູ່ 2 ຄົນ.

ຄຳກ່າວຫາທີ່ບໍ່ຈິງ:

ເວົ້າເຍາະເຍີ້ຍຄວາມສັດຊື່ຂອງໂຢບແລະອ້າງວ່າພະເຈົ້າບໍ່ເຊື່ອໝັ້ນໃນຕົວຜູ້ຮັບໃຊ້ຂອງພະອົງ. (ໂຢບ 4, 5)
ໂຢບອວດດີ ຊົ່ວຊ້າແລະບໍ່ຢ້ານຢຳພະເຈົ້າ. (ໂຢບ 15)
ໂຢບຖືກກ່າວຫາວ່າເປັນຄົນໂລບ ບໍ່ຍຸຕິທຳ ແລະອ້າງວ່າມະນຸດບໍ່ມີຄ່າສຳລັບພະເຈົ້າ. (ໂຢບ 22)

ບີເລດາດ:

ລາວເປັນລູກຫຼານຊາວຊູອາກເຊິ່ງອາໄສຢູ່ໃກ້ແມ່ນ້ຳເອິຟາລາດ.
ລາວເວົ້າເປັນຄົນທີ່ສອງ. ຄຳເວົ້າສາມຄັ້ງຂອງລາວສັ້ນກວ່າແລະເຈັບປວດກວ່າຄຳເວົ້າຂອງເອລີຟາດ.

ຄຳກ່າວຫາທີ່ບໍ່ຈິງ:

ເວົ້າເປັນໄນວ່າພວກລູກຊາຍຍິງຂອງໂຢບໄດ້ເຮັດບາບແລະສົມຄວນແລ້ວທີ່ໄພພິບັດໄດ້ມາຢຸດຢັ້ງເຂົາເຈົ້າໄວ້ ແລະຍັງເວົ້າວ່າໂຢບບໍ່ນັບຖືພະເຈົ້າ. (ໂຢບ 8)
ເວົ້າເປັນໄນວ່າໂຢບເຮັດຜິດ. (ໂຢບ 18)
ເວົ້າວ່າຄວາມສັດຊື່ຂອງມະນຸດບໍ່ມີຄ່າຫຍັງເລີຍ. (ໂຢບ 25)

ໂຈຟາ:

ເປັນຄົນນາອາມາເຊິ່ງອາດມາຈາກທາງຕາເວັນຕົກສຽງເໜືອຂອງປະເທດອາລາບີ.
ລາວເວົ້າເປັນຄົນທີສາມແລະຄຳເວົ້າຂອງລາວຮຸນແຮງທີ່ສຸດ. ລາວເວົ້າພຽງແຕ່ສອງຄັ້ງ.

ຄຳກ່າວຫາທີ່ບໍ່ຈິງ:

ກ່າວຫາວ່າຄຳເວົ້າຂອງໂຢບບໍ່ມີຄວາມໝາຍແລະບອກລາວໃຫ້ປະຖິ້ມກິດປະຕິບັດທີ່ຊົ່ວຮ້າຍ. (ໂຢບ 11)
ບອກເປັນໄນວ່າໂຢບເປັນຄົນຊົ່ວແລະມີຄວາມສຸກກັບການເຮັດຊົ່ວ. (ໂຢບ 20)