Nĩkĩ Antũ Bagwatagwa nĩ Mĩthangĩko na Ũthũũku?

Rĩrĩa ũntũ bũthũũku mono bwakarĩka nĩ ũntũ bwa wĩthĩre kũũria, nĩkĩ ũntũ bũbũ bwakarĩka? Twĩna kũgwĩrua mono kũmenya atĩ Bibiria nĩcookagia kĩũria kĩu na njĩra ĩnjega!

1. Nĩatĩa Shaitani ambĩrĩĩrie ũthũũku nthĩgũrũne?

Shaitani Nkoma nareganĩre na Mũrungu. Shaitani eendaga kwaatha biũmbe bingĩ, kwou araunjĩĩra antũ ba mbere Adamu na Hawa, nĩkenda bagwatanĩra nawe kĩrĩ ũregani bũu. Shaitani athithĩrie ũu na njĩra ya kwaĩĩria Hawa. (Kiambiriria 3:1-5) Athithĩrie ũu na njĩra ya gũtũma athũgaania kũrĩ na gĩntũ Jehova aamwataga gĩkĩega. Na njĩra ĩtĩ ya ĩmwe kwa ĩmwe augĩre antũ bakethĩrwa na kũgwĩrua barega kwathĩkĩra Mũrungu. Shaitani arĩrie ũrongo bwa mbere na njĩra ya kwĩra Hawa atĩ atĩkua. Kwou Bibiria ĩtaga Shaitani “murongo na niwe ithe wabu.”—Johana 8:44.

2. Nĩatia Adamu na Hawa baathurĩre kũthithia?

Jehova naaete Adamu na Hawa into bionthe birĩa babataraga. Aberĩre barĩngĩkũrĩa kuumania na mĩtĩ yonthe ya muunda jwa Edeni tiga jũmwe akĩ. (Kiambiriria 2:15-17) Ĩndi bo baraithurĩra kũrĩa matunda ja mũtĩ jũu. Hawa “aratua itunda riaju arajukia araria.” Nyumene, Adamu nawe “araria.” (Kiambiriria 3:6) Bo baĩrĩ nĩbareegere kwathĩkĩra Mũrungu. Tontũ Adamu na Hawa nĩbarĩ antũ baboojũru, nĩ bwarĩ ũntũ bwa wĩthĩre kĩrĩbo kũthithia mantũ jamega. Ĩndĩ gũkũrũkĩĩra kũrega kwathĩkĩra Mũrungu bagĩciendagĩra, nĩ beĩrie na bararegana na Wathaani bwawe. Ĩtua rĩũ nĩrĩabareteere kũthangĩka gũkũnene mono.—Kiambiriria 3:16-19.

3. Ĩtua rĩa Adamu na Hawa rĩthĩrĩtwe na maumĩĩra jarĩkũ kĩrĩ batuĩ?

Adamu na Hawa barĩ kwĩgia, baere antũ batĩũjũri, na kwou, baratũma nciarwa ciao cionthe ciĩthĩrwa ĩtĩũjũri. Bibiria, yugaga ũũ bwegie Adamu: “Meeyia jaatonyere nthi yonthe ni untu bwa muntu umwe, na gikuu kireeja na njira iu ya meeyia, na gikuu kiu kiratungana antu bonthe ni untu bwa uria bonthe baari eeyia.”—Aroma 5:12.

Kũrĩ na itũmi bibingĩ bũtimaga tũthangĩka. Magiita jamwe tũthangĩkaga nĩ ũntũ bwa gũtua matua jatĩbui. Magiita jangĩ tũthangĩkaga tontũ bwa matua jamathũũku ja antũ bangĩ. Rĩngĩ tũthangĩkaga tontũ bwa kwĩthĩrwa antũ atĩagĩrĩte igĩĩta rĩrĩa rĩtĩagĩrĩte.—Thooma Mutumiiria 9:11.

ĨNJA NKŨRŨKI

4. Ũrĩa ũtũmaga tũthangĩka

Antũ babaingĩ betĩkĩtie nĩ Mũrungũ wathaaga nthĩgũrũ. Bũu nĩ mma? Tega VIDIO.

VIDIO: Nũũ Wathaaga Nthĩgũrũ? (1:24)

Thooma Jakubu 1:13 na 1 Johana 5:19, rĩu bwarĩĩrie kĩũria gĩkĩ:

• Rĩ, Mũrungũ nĩwe ũtũmaga kwĩthĩrwa na mĩthangĩko?

5. Nĩmbi bikarĩkĩte kuuma Shaitani Arĩkwambia kwathana

VIDIO: Nĩkĩ Mũrungu Arekeeretie Mĩthangĩko?—Gĩcuncĩ (3:07)

Thooma Kiambiriria 3:1-6, rĩu bwarĩĩrie biũria bibi:

• Nĩ ũrongo bũrĩkũ Shaitani augĩre?—Tega mũstaarĩ jwa 4 na 5.

• Nĩatĩa Shaitani oonanĩrie na njĩra ĩtĩ ya ĩmwe kwa ĩmwe atĩ Jehova neka aataga antũ gĩntũ kĩnna gĩkĩega?

• Kũringana na Shaitani, antũ nĩ bakũbatara Jehova arĩ Mwathani waao kenda bethĩrwa barĩ na kũgwĩrua?

Thooma Mutumiiria 8:9, rĩu bwarĩĩrie kĩũria gĩkĩ:

• Ĩgiita rĩu Jehova ethĩrĩtwe atĩkwathana rĩ, nĩ mantũ jarĩkũ jakarĩkĩte?

1. Adamu na Hawa baarĩ baaboojũru na baakaraga paradiso. Ĩndĩ nĩbathikĩrĩre Shaitani na bararegana na Jehova.

3. Jehova akathiria wĩyia, mĩthangĩko, na gĩkũu. O kaĩrĩ antũ bakaa baboojũru na batũũre paradiso.

6. Jehova natũmakagĩra rĩrĩa tũkũthangĩka

Rĩ, Mũrungu natũmakagĩra rĩrĩa tũkũthangĩka? Ona mantũ jarĩa Mũnene Daudi na mũtũmwa Petero baandĩkĩre. Thooma Zaburi 31:7 na 1 Petero 5:7, rĩu bwarĩĩrie kĩũria gĩkĩ:

• Nĩatĩa ũntũ bũũ bũgũtũma wigua wamenya atĩ Jehova noonaga rĩrĩa tũkũthangĩka na agatũmakĩra?

NA NJĨRA ĨNKUĨ

Gĩtũmi kĩrĩa kĩnene kĩa mathĩĩna jarĩa jarĩ nthĩgũrũne nĩ Shaitani Nkoma na antũ baĩrĩ ba mbere. Jehova natũmakagĩra kamma rĩrĩa tũkũthangĩka na ĩgiita rĩtĩ kũraaja agatũthirĩria mĩthangĩko.

Gũcookera

• Nĩ ũrongo bũrĩkũ Shaitani Nkoma erĩre Hawa?

• Ũregani bwa Adamu na Hawa bwĩthĩrĩtwe na maumĩĩra jarĩkũ kĩrĩ tuĩ?

• Nĩatĩa tũkũmenya atĩ Jehova natũmakagĩra rĩrĩa tũkũthangĩka?

CŨNKŨŨNA

Iritane ũrĩa Bibiria ĩtaragĩĩria wĩyia.

“Wĩyia Nĩmbi?” (Thooma intanetine)

Thooma nkũrũki bwegie ũntũ bũrĩa Shaitani Nkoma aumĩĩrie mundene jwa Edeni

“Nĩkĩ Mũrungu Arekeeretie Mĩthangĩko?” (Mnara wa Mlinzi, Januarĩ 1, 2014)

Ona macookio ja kũbooreria ja biũria bimwe bibiũũmũ

“Nĩkĩ Mũrungu Aarekererie Ayahudi Mirioni Inyingĩ Booragwa? Nĩkĩ Mũrungu Aatarigĩrĩrie?” (Thooma intanetine)

Ona ũrĩa muntũ mũrũme ũmwe aairitanĩre bwegie mĩthangĩko ĩrĩa aacionagĩra.

Nandĩ Ntĩkwigua Ntiganĩrĩtue Kaĩrĩ (5:09)