Salamo

 2 Andriamanitro ô, ianao no itokisako,+

Enga anie ka tsy hitsanga-menatra aho!

Aoka tsy ho faly amin’ny fahavoazako ny fahavaloko.+

 3 Eny, tsy hisy ho menatra izay manantena anao.+

Fa ho menatra kosa ireo mamitaka nefa tsy mahavoa.+

 4 Ampahafantaro ahy ny lalanao, Jehovah ô,+

Ampianaro ahy ny lalanao.+

 5 Ampandehano amin’ny fahamarinanao aho ka ampianaro,+

Fa ianao no Andriamanitra mpamonjy ahy.+

ו [Vao]

Ianao foana no antenaiko.+

 6 Jehovah ô, tsarovy ny famindram-ponao+ sy ny hatsaram-panahinao feno fitiavana,+

Fa efa hatramin’ny fotoana tsy voafetra no nanehoanao izany.+

 7 Hadinoy re ny fahotan’ny fahatanorako sy ny fikomiako e!+

Tsarovy anefa aho, noho ny hatsaram-panahinao feno fitiavana,+

Sy noho ny hatsaran-toetranao, Jehovah ô!+

 8 Tsara toetra sy mahitsy i Jehovah,+

Ka ampianariny lala-mahitsy ny mpanota.+

 9 Hataony izay hanarahan’ny mpandefitra ny didim-pitsarany,+

Ary hampianariny ny lalany ny mpandefitra.+

10 Ny lalan’i Jehovah rehetra dia hatsaram-panahy sy fahamarinana,

Ho an’izay manaja ny fifanekena+ nataon’Andriamanitra sy manaraka ny fampahatsiahivany.+

11 Noho ny anaranao, Jehovah ô,+

Dia mamelà ny fahadisoako, fa lehibe izany.+

12 Iza no olona matahotra an’i Jehovah?+

Hampianatra azy momba izay lalana hofidiny Izy.+

13 Ho ampoky ny soa ny fiainany,+

Ary handova ny tany ny taranany.+

14 Izay matahotra an’i Jehovah no manana fifandraisana akaiky aminy,+

Sy anaovany fifanekena, ary ampahafantariny azy izany.+

15 Mibanjina an’i Jehovah foana ny masoko,+

Fa izy no manafaka ny tongotro tsy ho azon’ny harato.+

16 Mba jereo aho ka iantrao,+

Fa irery sy ory.+

17 Mihamaro ny fahorian’ny foko.+

Afaho amin’ny fahorian-tsaina aho.+

18 Jereo ny fahoriako sy ny fijaliako,+

Ary mamelà ny fahotako rehetra.+

19 Jereo fa lasa maro be ny fahavaloko,+

Ary mankahala mafy ahy izy sady te hanisy ratsy ahy.+

20 Arovy aho ka afaho.+

Tsy hitsanga-menatra anie aho, fa ianao no ialofako.+

21 Aoka hiaro ahy ny tsy fivadihana sy ny fahitsiana,+

Fa ianao no antenaiko.+