Salamo

61 Henoy ny fitalahoako, Andriamanitra ô!+

Mba henoy ny vavaka ataoko.+

 2 Avy any amin’ny faran’ny tany no hiantsoako anao, raha reraka ny foko.+

Hitondra ahy ho eny amin’ny harambato avo be anie ianao!+

 3 Fa ianao no fialofako,+

Sy tilikambo mafy ho ahy, eo anoloan’ny fahavaloko.+

 4 Hivahiny ao an-tranolainao mandritra ny fotoana tsy voafetra aho.+

Hialoka sy hiafina ao ambany elatrao aho.+ Sela.

 5 Fa ianao efa nihaino ny voadiko, Andriamanitra ô!+

Efa nomenao ahy ny fananan’ireo matahotra ny anaranao.+

 6 Homenao tombon’andro iainana ny mpanjaka,+

Ary hahatratra ny taranaka fara mandimby ny taona hiainany.+

 7 Hitoetra eo anatrehan’Andriamanitra mandritra ny fotoana tsy voafetra izy.+

Tendreo hiaro azy ny hatsaram-panahy feno fitiavana sy ny fahamarinana.+

 8 Koa hihira fiderana ho an’ny anaranao mandrakizay aho,+

Mba hanefako isan’andro ny voadiko.+