Foto-dresaka Ara-baiboly
1. Afobe, Fiainan-tsi-hita (Fasana)
A. Tsy toeram-pijaliana ao amin’ny afo
Nivavaka mba ho any i Joba rehefa nijaly. Jb 14:13
Toerana tsy anaovana na inona na inona. Sl 6:5; Mpto 9:10; Is 38:18, 19
Natsangana avy tao am-pasana na afobe, i Jesosy. As 2:27, 31, 32; Sl 16:10
Hamoaka ny maty ny afobe, hofoanana izy io. Ap 20:13, 14
B. Midika ho fanafoanana ny hoe afo
Famongorana amin’ny fahafatesana ny hoe afo. Mt 25:41, 46; 13:30
Haringana mandrakizay toy ny amin’ny afo ireo tsy mibebaka. He 10:26, 27
Fahafatesana mandrakizay ilay ‘fijalian’i’ Satana. Ap 20:10, 14, 15
D. Tsy porofon’ny fampijaliana mandrakizay ny tantaran’ilay mpanankarena sy Lazarosy
Tsy ara-bakiteny ny tratran’i Abrahama; toy izany koa ny afo. Lk 16:22-24
Ampifanoherina amin’ny haizina ny fankasitrahan’i Abrahama. Mt 8:11, 12
Lazaina hoe fijaliana ao amin’ny afo ny fanafoanana an’i Babylona. Ap 18:8-10, 21
2. Andriamanitra Telo Izay Iray
A. Tokana Andriamanitra, dia ny Ray, izay lehibe indrindra
Tsy olona telo Andriamanitra. De 6:4; Ml 2:10; Mr 10:18; Ro 3:29, 30
Noforonina ny Zanaka; irery Andriamanitra taloha. Ap 3:14; Kl 1:15; Is 44:6
Mpanjakan’izao rehetra izao foana Andriamanitra. Fi 2:5, 6; Da 4:35
Hasandratra ho ambonin’ny rehetra Andriamanitra. Fi 2:10, 11
B. Ambany noho ny Ray ny Zanaka na taloha na taorian’izy tetỳ an-tany
Nankatò ny Zanaka tany an-danitra, nirahin’ny Ray. Jn 8:42; 12:49
Nankatò teto an-tany, ny Ray lehibe kokoa. Jn 14:28; 5:19; He 5:8
Any an-danitra, mbola eo ambany fahefan’ny Ray. Fi 2:9; 1Ko 15:28; Mt 20:23
Lohan’i Kristy sady Andriamaniny i Jehovah. 1Ko 11:3; Jn 20:17; Ap 1:6
D. Ny maha iray an’Andriamanitra sy Kristy
Mifanaraka tsara foana izy ireo. Jn 8:28, 29; 14:10
Toy ny maha iray ny mpivady ny maha iray azy. Jn 10:30; Mt 19:4-6
Tsy maintsy iray toy izany ny mpino rehetra. Jn 17:20-22; 1Ko 1:10
Nanoro ny fomba tokana ivavahana amin’i Jehovah i Kristy. Jn 4:23, 24
E. Hery ampiasain’Andriamanitra ny fanahy masina
Hery, fa tsy olona. Mt 3:16; Jn 20:22; As 2:4, 17, 33
Tsy olona miaraka amin’Andriamanitra sy Kristy. As 7:55, 56; Ap 7:10
Ampiasain’Andriamanitra hanatanterahana ny fikasany. Sl 104:30; 1Ko 12:4-11
Mahazo azy io ireo manompo an’Andriamanitra. 1Ko 2:12, 13; Ga 5:16
3. Andro Farany
A. Hevitry ny hoe “faran’izao tontolo izao”
Faran’ny rafitr’ity tontolo ity. Mt 24:3; 2Pe 3:5-7; Mr 13:4
Tsy faran’ny tany, fa faran’ny tontolo ratsy. 1Jn 2:17
Aorian’ny andro farany ny fandringanana. Mt 24:14
Ho afa-mandositra ny marina; avy eo ny tontolo vaovao. 2Pe 2:9; Ap 7:14-17
B. Ilaina ny mandinika ny famantarana ny andro farany
Famantarana nomen’Andriamanitra hitari-dalana antsika. 2Ti 3:1-5; 1Te 5:1-4
Tsy takatr’ity tontolo ity fa zava-dehibe izany. 2Pe 3:3, 4, 7; Mt 24:39
Tsy ela Andriamanitra, fa mampitandrina. 2Pe 3:9
Valisoa raha miambina. Lk 21:34-36
4. Baiboly
A. Avy amin’ny herin’ny fanahy masina ny Baiboly
Niasan’ny fanahin’Andriamanitra ireo lehilahy nanoratra. 2Pe 1:20, 21
Mirakitra faminaniana. Da 8:5, 6, 20-22; Lk 21:5, 6, 20-22; Is 45:1-4
Avy amin’ny herin’ny fanahy masina izy manontolo. 2Ti 3:16, 17; Ro 15:4
B. Tari-dalana mahasoa antsika ankehitriny
Mahafaty ny tsy firaharahana ny toro lalan’ny Baiboly. Ro 1:28-32
Tsy mahasolo azy ny fahendren’olombelona. 1Ko 1:21, 25; 1Ti 6:20
Fiarovana amin’ilay fahavalo mahery indrindra. Ef 6:11, 12, 17
Mitarika ny olona ho amin’ny lalana tsara. Sl 119:105; 2Pe 1:19; Oh 3:5, 6
D. Nosoratana ho an’ny firenena sy firazanana rehetra
Nanomboka tany Atsinanana ny fanoratana azy. Ek 17:14; 24:12, 16; 34:27
Tsy ho an’ny Eoropeanina ihany ny Baiboly. Ro 10:11-13; Ga 3:28
Mandray ny karazan’olona rehetra i Jehovah. As 10:34, 35; Ro 5:18; Ap 7:9, 10
5. Batisa
A. Zavatra takina amin’ny Kristianina
Namela ohatra i Jesosy. Mt 3:13-15; He 10:7
Mariky ny fandavan-tena na ny fanoloran-tena. Mt 16:24; 1Pe 3:21
Ho an’ireo ampy taona hianatra ihany. Mt 28:19, 20; As 2:41
Fandrobohana ao anaty rano no fomba mety. As 8:38, 39; Jn 3:23
B. Tsy manala fahotana
Natao batisa i Jesosy nefa tsy nanota. 1Pe 2:22; 3:18
Ny ran’i Jesosy no manaisotra ny ota. 1Jn 1:7
6. Devoly, Demonia
A. Fanahy ny Devoly
Tsy ny ratsy ao amin’ny tena, fa fanahy. 2Ti 2:26
Fanahy mitovy amin’ireo anjely ny Devoly. Mt 4:1, 11; Jb 1:6
Nanova ny tenany ho Devoly izy noho ny fanirian-dratsiny. Jk 1:13-15
B. Mpitondra an’izao tontolo izao ny Devoly, saingy tsy hita maso
Mifehy an’izao tontolo izao izy, satria andriamaniny. 2Ko 4:4; 1Jn 5:19; Ap 12:9
Eo izy mandra-pandamina ilay raharaha niadian-kevitra. Ek 9:16; Jn 12:31
Hatao any amin’ny lavaka mangitsokitsoka, avy eo haringana. Ap 20:2, 3, 10
D. Anjely nikomy ireo demonia
Nanaraka an’i Satana talohan’ny Safodrano. Ge 6:1, 2; 1Pe 3:19, 20
Naetry, tsy mahazo hazavana ara-panahy intsony. 2Pe 2:4; Jd 6
Miady amin’Andriamanitra, mampahory ny olona. Lk 8:27-29; Ap 16:13, 14
Haringana miaraka amin’i Satana. Mt 25:41; Lk 8:31; Ap 20:2, 3, 10
7. Fahafatesana
A. Ny nahatonga ny fahafatesana
Nanana fiandohana tsara ny olona, afaka ny hiaina mandrakizay. Ge 1:28, 31
Voaheloka ho faty satria tsy nankatò. Ge 2:16, 17; 3:17, 19
Nifindra tamin’ny taranak’i Adama ny ota sy ny fahafatesana. Ro 5:12
B. Manao ahoana ny olona rehefa maty?
Nomena aina i Adama tamin’izy noforonina. Ge 2:7; 1Ko 15:45
Maty ny olombelona rehefa miala ny ainy. Is 53:12; Jb 11:20
Tsy mahatsiaro tena ny maty, tsy misy zavatra fantany. Mpto 9:5, 10; Sl 146:3, 4
Matory ny maty, miandry ny fananganana azy. Jn 11:11-14, 23-26; As 7:60
D. Tsy azo atao ny miresaka amin’ny maty
Tsy lasa fanahy miaraka amin’Andriamanitra ny maty. Sl 115:17; Is 38:18
Ampitandremana isika tsy hitady hiresaka amin’ny maty. Is 8:19; Le 19:31
Melohina ny mpamoha angatra, ny mpilaza ny hoavy. De 18:10-12; Ga 5:19-21
8. Faharatsiana, Fahoriana Maneran-tany
A. Iza no tompon’andraikitra amin’ny fahoriana maneran-tany?
Ratsy ny fitondrana, mahatonga ny fotoan-tsarotra amin’izao. Oh 29:2; 28:28
Fahavalon’Andriamanitra ny mpitondra an’izao tontolo izao. 2Ko 4:4; 1Jn 5:19; Jn 12:31
Loza entin’ny Devoly, fohy ny fotoana ananany. Ap 12:9, 12
Hafatotra ny Devoly, fiadanana be voninahitra avy eo. Ap 20:1-3; 21:3, 4
B. Ny antony amelana ny faharatsiana hisy
Hivadika amin’Andriamanitra ny zavaboariny, hoy ny Devoly. Jb 1:11, 12
Avela hanaporofo ny tsy fivadihany ny olona. Ro 9:17; Oh 27:11
Hita fa mpandainga ny Devoly, ho voalamina ilay raharaha. Jn 12:31
Fiainana mandrakizay no valisoan’ireo tsy mivadika. Ro 2:6, 7; Ap 21:3-5
D. Fanehoana famindram-po no mbola itohizan’ny fotoan’ny farany
Toy ny tamin’ny andron’i Noa, mila fotoana ny fampitandremana. Mt 24:14, 37-39
Tsy ela Andriamanitra, fa be famindram-po. 2Pe 3:9; Is 30:18
Manampy ny Baiboly mba tsy hanampoka antsika ny andron’i Jehovah. Lk 21:36; 1Te 5:4
Mitadiava ny fiarovan’Andriamanitra dieny izao. Is 2:2-4; Ze 2:3
E. Tsy avy amin’ny olona ny fanafodin’ny fahoriana maneran-tany
Tena matahotra sy very hevitra ny olona. Lk 21:10, 11; 2Ti 3:1-5
Ny Fanjakan’Andriamanitra, fa tsy ny olona, no hahomby. Da 2:44; Mt 6:10
Mihavàna amin’ilay Mpanjaka mba hahazoana fiainana. Sl 2:9, 11, 12
9. Fahatsiarovana, Lamesa
A. Ny Sakafo Harivan’ny Tompo
Indray mandeha isan-taona amin’ny datin’ny Paska ihany no ankalazaina. Lk 22:1, 17-20; Ek 12:14
Mampahatsiaro ny nahafatesan’i Kristy ho sorona. 1Ko 11:26; Mt 26:28
Izay ho any an-danitra no mihinana sy misotro. Lk 22:29, 30; 12:32, 37
Famantaran’ny olona iray fa manana io fanantenana io ny tenany. Ro 8:15-17
B. Tsy araka ny Soratra Masina ny Lamesa
Mitaky fandatsahan-dra ny famelan-keloka. He 9:22
Kristy no hany Mpanelanelana amin’ny fifanekena vaovao. 1Ti 2:5, 6; Jn 14:6
Any an-danitra i Kristy; tsy ny pretra no hampidina azy ho etỳ. As 3:20, 21
Tsy mila averina ny soron’i Kristy. He 9:24-26; 10:11-14
10. Fahotana
A. Ny atao hoe fahotana
Fandikana ny lalàn’Andriamanitra, dia ny fitsipiny tonga lafatra. 1Jn 3:4; 5:17
Ampamoahin’Andriamanitra ny olombelona noforoniny. Ro 14:12; 2:12-15
Fantatra ny ota noho ny fisian’ny Lalàna. Ga 3:19; Ro 3:20
Mpanota ny rehetra, tsy mahavita izay takin’Andriamanitra. Ro 3:23; Sl 51:5
B. Nahoana ny rehetra no mijaly noho ny fahotan’i Adama?
Namindra ny tsy fahalavorariana sy ny fahafatesana i Adama. Ro 5:12, 18
Namindra fo Andriamanitra ka nandefitra tamin’ny olona. Sl 103:8, 10, 14, 17
Manavotra amin’ny fahotana ny soron’i Jesosy. 1Jn 2:2
Hofoanana ny fahotana sy ny asa hafa rehetran’ny Devoly. 1Jn 3:8
D. Fandikana didy ilay voankazo voarara, fa tsy firaisana
Nomena talohan’i Eva ny fandrarana momba ilay hazo. Ge 2:17, 18
Nasaina niteraka i Adama sy Eva. Ge 1:28
Tsy vokatry ny fahotana ny zanaka, fa fitahian’Andriamanitra. Sl 127:3-5
Tsy teo i Adama tamin’i Eva nanota; tsy niandry azy i Eva. Ge 3:6; 1Ti 2:11-14
Nikomy tamin’ny lalàn’Andriamanitra i Adama izay lohany. Ro 5:12, 19
E. Ny atao hoe manota amin’ny fanahy masina (Mt 12:32; Mr 3:28, 29)
Tsy mitovy amin’ny fahotana nolovana. Ro 5:8, 12, 18; 1Jn 5:17
Mety hampalahelo ny fanahy ny olona iray, nefa mibebaka izy avy eo. Ef 4:30; Jk 5:19, 20
Ho faty ireo zatra manota an-tsitrapo. 1Jn 3:6-9
Mitsara ny toy izany Andriamanitra, manala ny fanahiny aminy. He 6:4-8
Tsy tokony hivavaka ho an’ny olona tsy mibebaka toy izany isika. 1Jn 5:16, 17
11. Famonjena
A. Avy amin’Andriamanitra ary amin’ny alalan’ny soron’i Jesosy
Omen’i Jehovah amin’ny alalan’ny Zanany ny fiainana. 1Jn 4:9, 14; Ro 6:23
Amin’ny alalan’ny soron’i Jesosy ihany no ahazoana famonjena. As 4:12
Tsy afaka manaporofo ny fibebahany ny olona miala aina. Jk 2:14, 26
Tsy maintsy miezaka mafy vao mahazo famonjena. Lk 13:23, 24; 1Ti 4:10
B. Diso ny hoe “voavonjy indray mandeha, dia voavonjy mandrakizay”
Mety ho lavo ireo nandray ny fanahy masina. He 6:4, 6; 1Ko 9:27
Israelita maro no ringana na dia voavonjy avy tany Ejipta aza. Jd 5
Tsy azo eo no ho eo ny famonjena. Fi 2:12; 3:12-14; Mt 10:22
Lasa ratsy noho ny taloha ireo mivadika. 2Pe 2:20, 21
D. Diso ny hoe “ho voavonjy daholo ny rehetra”
Tsy hibebaka mihitsy ny olona sasany. He 6:4-6
Tsy sitrak’Andriamanitra ny hahafatesan’ny ratsy fanahy. Ezk 33:11; 18:32
Ny fitiavana anefa tsy manala tsiny ny tsy fahamarinana. He 1:9
Haringana ny ratsy fanahy. He 10:26-29; Ap 20:7-15
12. Famoronana
A. Mifanaraka amin’ny siansa marina; mifanohitra amin’ny evolisiona
Manaiky ny filaharan’ny famoronana ny siansa. Ge 1:11, 12, 21, 24, 25
Marina ny lalàn’Andriamanitra momba ireo “karazana.” Ge 1:11, 12; Jk 3:12
B. Tsy 24 ora ny andro tsirairay tamin’ny andro famoronana
Mety hidika hoe fe-potoana ny hoe “andro.” Ge 2:4
Mety ho fotoana lava ny iray andro amin’Andriamanitra. Sl 90:4; 2Pe 3:8
13. Fanahy, Fifandraisana Amin’ny Fanahy Ratsy
A. Ny atao hoe fanahy masina
Hery ampiasain’Andriamanitra, fa tsy olona. As 2:2, 3, 33; Jn 14:17
Nampiasaina tamin’ny famoronana, fanoratana ny Baiboly, sns. Ge 1:2; Ezk 11:5
Manosotra ho zanak’Andriamanitra. Jn 3:5-8; 2Ko 1:21, 22
Manome hery, mitarika ny vahoakan’Andriamanitra ankehitriny. Ga 5:16, 18
B. Asan’ny demonia ny fifandraisana amin’ny hery miafina, ka tsy maintsy halavirina
Raran’ny Tenin’Andriamanitra. Is 8:19, 20; Le 19:31; 20:6, 27
Mifandray amin’ny demonia ireo mpilaza ny hoavy. As 16:16-18
Mitarika ho amin’ny fandringanana. Ga 5:19-21; Ap 21:8; 22:15
Rarana ny fanandroana. De 18:10-12; Je 10:2
14. Fanambadiana
A. Tsy maintsy mendri-kaja ny fanambadiana
Ampitovina amin’i Kristy sy ny ampakariny. Ef 5:22, 23
Tsy tokony ho voaloto ny fandrianan’ny mpivady. He 13:4
Omena torohevitra mba tsy hisaraka ny mpivady. 1Ko 7:10-16
Fijangajangana (grika: pôrneia) no hany antony azo isarahana. Mt 19:9
B. Tsy maintsy hajaina ny fahefana ao amin’ny fianakaviana
Ny lahy, lohany, tsy maintsy tia sy mikarakara ny fianakaviany. Ef 5:23-31
Ny vavy, manaiky, tia, mankatò ny vadiny. 1Pe 3:1-7; Ef 5:22
Ny zanaka tsy maintsy mankatò. Ef 6:1-3; Kl 3:20
D. Andraikitry ny ray aman-dreny kristianina amin’ny zanany
Tsy maintsy mampiseho fitiavana, miaraka aminy, miahy. Tit 2:4
Tsy mampahatezitra azy. Kl 3:21
Manome izay ilainy, anisan’izany ny ara-panahy. 2Ko 12:14; 1Ti 5:8
Mampiofana azy ireo hiatrika ny fiainana. Ef 6:4; Oh 22:6, 15; 23:13, 14
E. Kristianina ihany no tokony ho vadin’ny Kristianina
Manambady “ao amin’ny Tompo” ihany. 1Ko 7:39; De 7:3, 4; Ne 13:26
F. Tsy araka ny Soratra Masina ny fampirafesana
Tsy natao hanana afa-tsy vady tokana ny lehilahy voalohany. Ge 2:18, 22-25
Namerina io toro lalana io ho an’ny Kristianina i Jesosy. Mt 19:3-9
Tsy nanambady maro ny Kristianina voalohany. 1Ko 7:2, 12-16; Ef 5:28-31
15. Fanasitranana, Fitenenana Amin’ny Fiteny Samihafa
A. Mitondra soa maharitra ny fanasitranana ara-panahy
Mahafaty ny aretina ara-panahy. Is 1:4-6; 6:10; Ho 4:6
Fanasitranana ara-panahy no atao voalohany indrindra. Jn 6:63; Lk 4:18
Manafaka amin’ny ota; manome fahasambarana sy fiainana. Jk 5:19, 20; Ap 7:14-17
B. Hitondra fanasitranana ara-batana ny Fanjakan’Andriamanitra
Nanasitrana, nitory ireo fitahiana hoentin’ilay Fanjakana i Jesosy. Mt 4:23
Hitondra fanasitranana maharitra ilay Fanjakana. Mt 6:10; Is 9:7
Na ny fahafatesana aza hofoanana. 1Ko 15:25, 26; Ap 21:4; 20:14
D. Tsy misy porofo hoe ankasitrahan’Andriamanitra ny fanasitranana mahagaga atao ankehitriny
Tsy nanao fahagagana hanasitranan-tena ny mpianatra. 2Ko 12:7-9; 1Ti 5:23
Nifarana taorian’ny andron’ny apostoly ny fahagagana. 1Ko 13:8-11
Tsy porofon’ny fankasitrahan’Andriamanitra. Mt 7:22, 23; 2Te 2:9-11
E. Tsy natao haharitra ny fahaiza-miteny amin’ny fiteny samihafa
Famantarana izy io; fahaizana lehibe kokoa no hilaina. 1Ko 14:22; 12:30, 31
Nambara mialoha fa hisy farany ny fahaizana mahagaga. 1Ko 13:8-10
Tsy porofo azo antoka ny amin’ny fankasitrahan’Andriamanitra ny fahaizana manao fahagagana. Mt 7:22, 23; 24:24
16. Fanjakan’Andriamanitra
A. Izay hataon’ny Fanjakan’Andriamanitra ho an’ny olombelona
Hanatanteraka ny sitrapon’Andriamanitra. Mt 6:9, 10; Sl 45:6; Ap 4:11
Fitondram-panjakana misy mpanjaka sy lalàna. Is 9:6, 7; 2:3; Sl 72:1, 8
Handringana ny ratsy fanahy, hitondra ny tany manontolo. Da 2:44; Sl 72:8
Fanjakana 1 000 taona hamerina ny olona ho lavorary sy hamerina ny Paradisa. Ap 21:2-4; 20:6
B. Efa am-perinasa na dia mbola miasa aza ny fahavalon’i Kristy
Niandry ela i Kristy taorian’ny nitsanganany. Sl 110:1; He 10:12, 13
Niady tamin’i Satana rehefa nandray fahefana. Sl 110:2; Ap 12:7-9; Lk 10:18
Niorina ilay Fanjakana, loza ho an’ny tany. Ap 12:10, 12
Korontana ankehitriny midika fa tokony hiandany amin’ilay Fanjakana isika. Ap 11:15-18
D. Tsy ‘ao am-po’, tsy avy amin’ny ezaka ataon’ny olona
Any an-danitra ilay Fanjakana, tsy eto an-tany. 2Ti 4:18; 1Ko 15:50; Sl 11:4
Tsy ‘ao am-po’; niresaka tamin’ny Fariseo i Jesosy. Lk 17:20, 21
Tsy anisan’ity tontolo ity. Jn 18:36; Lk 4:5-8; Da 2:44
Hosoloana ireo fitondram-panjakana eo amin’izao tontolo izao. Da 2:44
17. Fanoherana, Fanenjehana
A. Antony anoherana ny Kristianina
Nankahalaina i Jesosy, nilaza fa hisy fanoherana. Jn 15:18-20; Mt 10:22
Mampiharihary ny ratsy ataon’izao tontolo izao ny zavatra tsara ataontsika. 1Pe 4:1, 4, 12, 13
Manohitra an’ilay Fanjakana i Satana. 2Ko 4:4; 1Pe 5:8
Tsy matahotra ny Kristianina, manampy Andriamanitra. Ro 8:38, 39; Jk 4:8
B. Tsy tokony havelan’ny vehivavy hampisaraka azy amin’Andriamanitra ny vadiny
Efa nampitandremana mialoha; mety hahazo fanazavana diso ny vady. Mt 10:34-38; As 28:22
Tsy maintsy miantehitra amin’Andriamanitra sy Kristy. Jn 6:68; 17:3
Raha tsy mivadika izy, dia mety hamonjy ny vadiny koa. 1Ko 7:16; 1Pe 3:1-6
Ny lehilahy no lohany, nefa tsy amin’ny lafiny fivavahana. 1Ko 11:3; As 5:29
D. Tsy tokony havelan’ny lehilahy hanakana azy tsy hanompo an’Andriamanitra ny vadiny
Tia vady aman-janaka izy, maniry ny hahazoan’izy ireo ny fiainana. 1Ko 7:16
Andraikiny ny manapa-kevitra sy mamelona. 1Ko 11:3; 1Ti 5:8
Tian’Andriamanitra ny lehilahy mifikitra aminy. Jk 1:12; 5:10, 11
Tsy ankasitrahan’Andriamanitra raha mampandefitra ny fitsipiny mba hitandroana fihavanana. He 10:38
Mitarika ny fianakaviany ho amin’ny tontolo vaovao. Ap 21:3, 4
18. Fety, Fitsingerenan’ny Andro Nahaterahana
A. Tsy nankalaza fitsingerenan’ny andro nahaterahana sy Krismasy ny Kristianina voalohany
Mpanompo sampy no nankalaza izany. Ge 40:20; Mt 14:6
Ny andro nahafatesan’i Jesosy no tokony hotsarovana. Lk 22:19, 20; 1Ko 11:25, 26
Tsy mety ny lanonana feno filibana. Ro 13:13; Ga 5:21; 1Pe 4:3
19. Fiainana Mandrakizay
A. Azo antoka ny fiainana mandrakizay ho an’ny olona mankatò
Mampanantena fiainana ilay Andriamanitra tsy mahay mandainga. Tit 1:2; Jn 10:27, 28
Azo antoka ny fiainana mandrakizay ho an’ireo maneho finoana. Jn 11:25, 26
Ho foana ny fahafatesana. 1Ko 15:26; Ap 21:4; 20:14; Is 25:8
B. Ireo anisan’ny vatan’i Kristy ihany no hiaina any an-danitra
Andriamanitra no mifidy azy ireo. Mt 20:23; 1Ko 12:18
144 000 monja no alaina avy eto an-tany. Ap 14:1, 4; 7:2-4; 5:9, 10
Na i Jaona Mpanao Batisa aza tsy ho any an-danitra. Mt 11:11
D. Fiainana eto an-tany no ho an’ny “ondry hafa” tsy voafetra isa
Voafetra ny isan’ireo hiaraka amin’i Jesosy any an-danitra. Ap 14:1, 4; 7:2-4
Tsy rahalahin’i Kristy ny “ondry hafa.” Jn 10:16; Mt 25:32, 40
Maro no angonina izao, mba ho tafavoaka velona ka hiaina eto an-tany. Ap 7:9, 15-17
Hisy hafa hatsangana mba hiaina eto an-tany. Ap 20:12; 21:4
20. Fiangonana
A. Ara-panahy ny fiangonana, miorina eo amin’i Kristy
Tsy ao anaty tempoly nataon’olona Andriamanitra. As 17:24, 25; 7:48
Tempoly ara-panahy vita amin’ny vato velona ny tena fiangonana. 1Pe 2:5, 6
Kristy no vato fehizoro; ny apostoly no fototra manarakaraka. Ef 2:20
Tokony hivavaka amin’Andriamanitra araka ny fanahy sy ny fahamarinana isika. Jn 4:24
B. Tsy miorina eo amin’i Petera ny fiangonana
Tsy nilaza i Jesosy hoe miorina eo amin’i Petera ny fiangonana. Mt 16:18
I Jesosy no “vatolampy.” 1Ko 10:4
I Jesosy no nolazain’i Petera fa fototra. 1Pe 2:4, 6-8; As 4:8-12
21. Fiaviana na Fiverenan’i Kristy
A. Tsy hitan’ny mason’ny olona ilay fiverenana
Nilazany ny mpianatra fa tsy hahita azy intsony izao tontolo izao. Jn 14:19
Ny mpianatra ihany no nahita ny fiakarany; toy izany koa ny fiverenany. As 1:6, 10, 11
Any an-danitra izy, fanahy tsy hita maso. 1Ti 6:14-16; He 1:3
Miverina nony lasa Mpanjaka any an-danitra. Da 7:13, 14
B. Fantatra amin’ireo zava-miseho hita maso
Nangataka famantarana ny fanatrehany na fiaviany ny mpianatra. Mt 24:3
‘Mahita’ ny fanatrehany ny Kristianina, izany hoe takany fa manatrika izy. Ef 1:18
Fisehoan-javatra maro no manaporofo ny fanatrehany. Lk 21:10, 11
“Hahita” ny fahavalo rehefa hiharan’ny fandringanana. Ap 1:7
22. Firaisam-pinoana
A. Tsy eken’Andriamanitra ny fikambanana amin’ny fivavahana hafa
Lalana iray ihany, tery, vitsy no mahita azy. Ef 4:4-6; Mt 7:13, 14
Nampitandremana fa mandoto ny fampianaran-diso. Mt 16:6, 12; Ga 5:9
Didiana mba hisaraka. 2Ti 3:5; 2Ko 6:14-17; Ap 18:4
B. Tsy marina ny hoe “tsara daholo rehefa fivavahana”
Misy mafana fo nefa tsy araka ny sitrapon’Andriamanitra. Ro 10:2, 3
Ny ratsy dia manimba izay mety ho tsara rehetra. 1Ko 5:6; Mt 7:15-17
Ho ringana ireo manaraka mpampianatra sandoka. 2Pe 2:1; Mt 12:30; 15:14
Fivavahana madio, manompo an’Andriamanitra irery ihany. De 6:5, 14, 15
23. Fitoriana
A. Tsy maintsy mitory ny Kristianina rehetra, milaza ny vaovao tsara
Tsy maintsy manaiky an’i Jesosy eo anatrehan’ny olona. Mt 10:32
Tsy maintsy mpankatò ny Teny, maneho finoana. Jk 1:22-24; 2:24
Tokony ho tonga mpampianatra koa ireo vaovao. Mt 28:19, 20
Mitondra famonjena ny fanaovana fanambarana ampahibemaso. Ro 10:10
B. Ilaina ny miverimberina mitsidika, ny mitory foana
Tsy maintsy ampitandremana ny amin’ny farany ny olona. Mt 24:14
Nanambara ny faran’i Jerosalema nandritra ny taona maro i Jeremia. Je 25:3
Toy ny Kristianina voalohany, tsy afaka mitsahatra mitory isika. As 4:18-20; 5:28, 29
D. Tsy maintsy mitory, mba ho afaka amin’ny trosan-dra
Mampitandrina ny amin’ny farany mihamanatona. Ezk 33:7; Mt 24:14
Hanana trosan-dra raha tsy manao izany. Ezk 33:8, 9; 3:18, 19
Afaka tamin’ny trosan-dra i Paoly; nitory ny fahamarinana. As 20:26, 27; 1Ko 9:16
Mamonjy an’ilay mitory sy ilay mihaino. 1Ti 4:16; 1Ko 9:22
24. Fitsanganana Amin’ny Maty
A. Fanantenana ho an’ny maty
Hatsangana izay rehetra any am-pasana. Jn 5:28, 29
Antoka ny nananganana an’i Jesosy tamin’ny maty. 1Ko 15:20-22; As 17:31
Tsy hitsangana ireo nanota tamin’ny fanahy masina. Mt 12:31, 32
Azo antoka fa hatsangana izay maneho finoana. Jn 11:25
B. Fitsanganana ho amin’ny fiainana any an-danitra na eto an-tany
Maty ao amin’i Adama ny rehetra; mahazo fiainana ao amin’i Jesosy. 1Ko 15:20-22; Ro 5:19
Fahasamihafan’ny vatan’ireo hatsangana. 1Ko 15:40, 42, 44
Ho tahaka an’i Jesosy ireo hiaraka aminy. 1Ko 15:49; Fi 3:20, 21
Ho eto an-tany ireo tsy hanjaka. Ap 20:4b, 5, 13; 21:3, 4
25. Fivavahana
A. Iray monja ny fivavahana marina
Iray ny fanantenana, iray ny finoana, iray ny batisa. Ef 4:5, 13
Irahina hanao mpianatra. Mt 28:19; As 8:12; 14:21
Fantatra amin’ny voany. Mt 7:19, 20; Lk 6:43, 44; Jn 15:8
Mifankatia, mifanaraka tsara ny mpivavaka ao. Jn 13:35; 1Ko 1:10; 1Jn 4:20
B. Mety ny manameloka ny fampianaran-diso
Nanameloka ny fampianaran-diso i Jesosy. Mt 23:15, 23, 24; 15:4-9
Nanao izany izy mba hiarovana ireo nohajambaina. Mt 15:14
Nafahan’ny fahamarinana izy ireo mba ho mpianatr’i Jesosy. Jn 8:31, 32
D. Tena ilaina ny miova fivavahana, rehefa voaporofo fa diso izy io
Manafaka ny fahamarinana; porofoiny fa maro ny fivavahana diso. Jn 8:31, 32
Nandao ny fivavahany teo aloha ny Israelita sy ny hafa. Js 24:15; 2Mp 5:17
Nanova ny fomba fiheviny ny Kristianina voalohany. Ga 1:13, 14; As 3:17, 19
Niova fivavahana i Paoly. As 26:4-6
Voafitaka izao tontolo izao; tsy maintsy havaozina ny saina. Ap 12:9; Ro 12:2
E. Lazaina fa “tsara daholo rehefa fivavahana”, nefa tsy midika izany hoe ankasitrahan’Andriamanitra izy ireny
Andriamanitra no mamaritra izay fivavahana ekeny. Jn 4:23, 24; Jk 1:27
Tsy tsara raha tsy araka ny sitrapon’Andriamanitra. Ro 10:2, 3
Mety holavina ny “asa soa.” Mt 7:21-23
Fantatra amin’ny voany. Mt 7:20
26. Fivavahana Amin’i Maria
A. Renin’i Jesosy i Maria fa tsy “renin’Andriamanitra”
Tsy nanam-piandohana Andriamanitra. Sl 90:2; 1Ti 1:17
Renin’ny Zanak’Andriamanitra tamin’izy teto an-tany, i Maria. Lk 1:35
B. Tsy “virjiny mandrakizay” i Maria
Vadin’i Josefa izy. Mt 1:19, 20, 24, 25
Nanan-janaka hafa ankoatra an’i Jesosy. Mt 13:55, 56; Lk 8:19-21
Mbola tsy ‘rahalahy ara-panahin’i’ Jesosy ny rahalahiny tamin’izany. Jn 7:3, 5
27. Fivavahana Amin’ny Razana
A. Zava-poana ny fivavahana amin’ny razana
Maty, tsy mahatsiaro tena, ny razana. Mpto 9:5, 10
Tsy mendrika hivavahana ny razana. Ro 5:12, 14; 1Ti 2:14
Raran’Andriamanitra ny fivavahana toy izany. Ek 34:14; Mt 4:10
B. Azo hajaina ny olombelona, fa Andriamanitra ihany no ivavahana
Tokony hanaja olon-dehibe ny tanora. 1Ti 5:1, 2, 17; Ef 6:1-3
Andriamanitra ihany anefa no tokony hivavahana. As 10:25, 26; Ap 22:8, 9
28. Hara-magedona
A. Ady hamaranan’Andriamanitra ny faharatsiana
Angonina ho amin’ny Hara-magedona ireo firenena. Ap 16:14, 16
Hampiasaina amin’ilay ady i Jesosy sy ny anjely. 2Te 1:6-9; Ap 19:11-16
Izay tokony hataontsika mba tsy ho ringana. Ze 2:2, 3; Ap 7:14
B. Tsy mifanohitra amin’ny fitiavan’Andriamanitra
Tena faran’izay ratsy toetra ny olona. 2Ti 3:1-5
Manam-paharetana Andriamanitra, nefa tsy maintsy ampiharina ny rariny. 2Pe 3:9, 15; Lk 18:7, 8
Tsy maintsy esorina ny ratsy vao ho sambatra ny marina. Oh 21:18; Ap 11:18
29. Jehovah, Andriamanitra
A. Anaran’Andriamanitra
Tsy anarana ny hoe “Andriamanitra.” Manana anarana izy. 1Ko 8:5, 6
Mivavaka isika mba hohamasinina ny anarany. Mt 6:9, 10
Jehovah no anaran’Andriamanitra. Sl 83:18; Ek 6:2, 3; 3:15; Is 42:8
Nampahafantatra io anarana io i Jesosy. Jn 17:6, 26; 5:43; 12:12, 13, 28
B. Fisian’Andriamanitra
Tsy misy olona afaka mahita Azy ka ho velona. Ek 33:20; Jn 1:18; 1Jn 4:12
Tsy ilaina ny mahita an’Andriamanitra vao hino. He 11:1; Ro 8:24, 25; 10:17
Fantatra amin’ny asany hita maso Andriamanitra. Ro 1:20; Sl 19:1, 2
Manaporofo ny fisian’Andriamanitra ny faminaniana tanteraka. Is 46:8-11
D. Toetran’Andriamanitra
Andriamanitra dia fitiavana. 1Jn 4:8, 16; Ek 34:6; 2Ko 13:11; Mi 7:18
Fara tampony amin’ny fahendrena. Jb 12:13; Ro 11:33; 1Ko 2:7
Tia sy mampihatra ny rariny. De 32:4; Sl 37:28
Mahery Indrindra izy, tompon’ny hery rehetra. Jb 37:23; Ap 7:12; 4:11
E. Tsy manompo Andriamanitra iray ihany ny rehetra
Tsy hoe marina foana ny lalana iray toa tsara. Oh 16:25; Mt 7:21
Lalana roa, fa iray ihany no mankany amin’ny fiainana. Mt 7:13, 14; De 30:19
Maro ny andriamanitra, fa iray no tena Andriamanitra. 1Ko 8:5, 6; Sl 82:1
Hahazo fiainana izay mahalala an’ilay tena Andriamanitra. Jn 17:3; 1Jn 5:20
30. Jesosy
A. Zanak’Andriamanitra sady Mpanjaka voatendriny i Jesosy
Lahimatoan’Andriamanitra, nampiasaina tamin’ny famoronana. Ap 3:14; Kl 1:15-17
Tonga olombelona, natera-behivavy; ambany noho ny anjely. Ga 4:4; He 2:9
Nateraky ny fanahy masina, ka afaka ny ho any an-danitra. Mt 3:16, 17
Nasandratra izy ka lasa ambony kokoa noho ny talohan’ny nankanesany tetỳ an-tany. Fi 2:9, 10
B. Tena ilaina ny finoana an’i Jesosy Kristy mba hahavoavonjy
I Kristy no Taranak’i Abrahama nampanantenaina. Ge 22:18; Ga 3:16
I Jesosy no hany Mpisoronabe, nanome ny ainy ho vidim-panavotana. 1Jn 2:1, 2; He 7:25, 26; Mt 20:28
Hahazo fiainana ireo mahalala sy mankatò an’Andriamanitra sy Kristy. Jn 17:3; As 4:12
D. Tsy ampy ny mino fotsiny an’i Jesosy
Tsy maintsy aseho amin’ny atao ny finoana. Jk 2:17-26; 1:22-25
Tsy maintsy mankatò ny didiny, manao ny asa nataony. Jn 14:12, 15; 1Jn 2:3
Tsy izay rehetra miantso azy hoe Tompo no ho ao amin’ilay Fanjakana. Mt 7:21-23
31. Lahatra
A. Tsy voalahatra mialoha ny fiainan’ny olombelona
Tsy maintsy tanteraka ny fikasan’Andriamanitra. Is 55:11; Ge 1:28
Omena safidy hanompo an’Andriamanitra ny tsirairay. Jn 3:16; Fi 2:12
32. Lakroa
A. Nahantona teo amin’ny tsato-kazo i Jesosy ho fanalam-baraka azy
Nahantona teo amin’ny tsato-kazo famonoana i Jesosy. As 5:30; 10:39; Ga 3:13
Tsy maintsy mitondra hazo fijaliana na afa-baraka isika. Mt 10:38; Lk 9:23
B. Tsy tokony hivavahana
Fanalam-baraka an’i Jesosy ny hazo fijaliana. He 6:6; Mt 27:41, 42
Fanompoan-tsampy ny fampiasana lakroa. Ek 20:4, 5; Je 10:3-5
Fanahy i Jesosy, tsy eo amin’ny tsato-kazo intsony. 1Ti 3:16; 1Pe 3:18
33. Lanitra
A. 144 000 monja no mankany an-danitra
Isa voafetra; ho mpanjaka miaraka amin’i Kristy. Ap 5:9, 10; 20:4
I Jesosy no mpialoha lalana; nisy hafa nofidina. Kl 1:18; 1Pe 2:21
Hisy hafa maro be hiaina eto an-tany. Sl 72:8; Ap 21:3, 4
Mitana toerana manokana tsy ananan’ny hafa ny 144 000. Ap 14:1, 3; 7:4, 9
34. Mpaminany Sandoka
A. Nambara mialoha izy ireny; nisy tamin’ny andron’ny apostoly
Fomba amantarana ny mpaminany sandoka. De 18:20-22; Lk 6:26
Efa nambara mialoha; fantatra amin’ny voa vokariny. Mt 24:23-26; 7:15-23
35. Mpanompon’Andriamanitra
A. Tsy maintsy mpanompo ny Kristianina rehetra
Mpanompon’Andriamanitra i Jesosy. Ro 15:8, 9; Mt 20:28
Manaraka ny modely nomeny ny Kristianina. 1Pe 2:21; 1Ko 11:1
Tsy maintsy mitory mba hanatontosana ny fanompoana. 2Ti 4:2, 5; 1Ko 9:16
B. Izay ilaina amin’ny fanompoana
Ny fanahin’Andriamanitra sy ny fahalalana ny Teniny. 2Ti 2:15; Is 61:1-3
Manaraka ny modelin’i Kristy eo amin’ny fitoriana. 1Pe 2:21; 2Ti 4:2, 5
Mampiofana amin’ny alalan’ny fanahiny sy ny fandaminany Andriamanitra. Jn 14:26; 2Ko 3:1-3
36. Ra
A. Tsy fanajana ny fahamasinan’ny ra ny fampidiran-dra
Nilazana i Noa hoe masina ny ra, ary aina izy io. Ge 9:4, 16
Voararan’ny Lalàna ny fihinanana ra. Le 17:14; 7:26, 27
Naverina tamin’ny Kristianina ilay fandrarana. As 15:28, 29; 21:25
B. Tsy mety ny mandika ny lalàn’Andriamanitra mba hamonjena aina
Tsara ny mankatò noho ny manao fanatitra. 1Sa 15:22; Mr 12:33
Mahafaty raha ny aina no sarobidy noho ny lalàn’Andriamanitra. Mr 8:35, 36
37. Sabata
A. Tsy didiana hitandrina ny andro sabata ny Kristianina
Foana ny Lalàna rehefa maty i Jesosy. Ef 2:15
Tsy didiana hitandrina Sabata ny Kristianina. Kl 2:16, 17; Ro 14:5, 10
Nanarina satria nitandrina ny Sabata, sns. Ga 4:9-11; Ro 10:2-4
Miditra amin’ny fitsaharan’Andriamanitra rehefa mino sy mankatò. He 4:9-11
B. Ny Israely fahiny ihany no nodidiana hitandrina ny Sabata
Notandremana voalohany taorian’ny fialana tany Ejipta. Ek 16:26, 27, 29, 30
Famantarana ho an’ny Israely ara-nofo. Ek 31:16, 17; Sl 147:19, 20
Notakin’ny Lalàna koa ny taona sabata. Ek 23:10, 11; Le 25:3, 4
Tsy takina amin’ny Kristianina ny Sabata. Ro 14:5, 10; Ga 4:9-11
D. Ny Sabata fitsaharan’Andriamanitra (andro faha-7 amin’ny “herinandro” famoronana)
Nanomboka rehefa vita ny famoronana teto an-tany. Ge 2:2, 3; He 4:3-5
Nitohy taorian’ny naha teto an-tany an’i Jesosy. He 4:6-8; Sl 95:7-9, 11
Mitsahatra amin’ny asa hahasoa ny tenany ny Kristianina. He 4:9, 10
Mifarana rehefa vita ny asan’ilay Fanjakana ho an’ny tany. 1Ko 15:24, 28
38. Sary Masina
A. Manala baraka an’Andriamanitra ny sary masina sy sarivongana
Tsy misy afaka manao sarin’Andriamanitra. 1Jn 4:12; Is 40:18; 46:5; As 17:29
Ampitandremana ny Kristianina tsy hampiasa sary. 1Ko 10:14; 1Jn 5:21
Araka ny fanahy sy fahamarinana no ivavahana amin’Andriamanitra. Jn 4:24
B. Nahafaty ny firenen’Israely ny fivavahana tamin’ny sary
Norarana tsy hivavaka tamin’ny sary ny Jiosy. Ek 20:4, 5
Tsy mahare na miteny; ho tahaka azy ny mpanao azy. Sl 115:4-8
Nanjary fandrika, nitondra fandringanana. Sl 106:36, 40-42; Je 22:8, 9
D. Voarara ny fivavahana ampiasana “mpanelanelana”
Tsy neken’Andriamanitra ny mivavaka mampiasa “mpanelanelana.” Is 42:8
Andriamanitra irery ihany no “Mpihaino vavaka.” Sl 65:1, 2
39. Tany
A. Fikasan’Andriamanitra momba ny tany
Nasiana paradisa teto an-tany ho an’ny olombelona lavorary. Ge 1:28; 2:8-15
Azo antoka ny fahatanterahan’ny fikasan’Andriamanitra. Is 55:11; 46:10, 11
Ho feno olona miadana sy lavorary ny tany. Sl 72:7; Is 45:18; 9:6, 7
Hamerina ny paradisa ilay Fanjakana. Mt 6:9, 10; Ap 21:3-5
B. Tsy ho potika mihitsy ny tany, hisy olona foana
Natao haharitra ny tany. Mpto 1:4; Sl 104:5
Ny olona tamin’ny andron’i Noa no ringana, fa tsy ny tany. 2Pe 3:5-7; Ge 7:23
Asehon’izany fa misy olona afaka manantena ny tsy ho ringana. Mt 24:37-39
Ho ringana ny ratsy fanahy, fa tsy ny “vahoaka be.” 2Te 1:6-9; Ap 7:9, 14
40. Taona 1914
A. Tapitra tamin’ny 1914 ny Andron’ny Jentilisa na hafa firenena
Naato tamin’ny 607 T.K. ny fanjakana teo amin’ny Israely. Ezk 21:25-27
Haverina ny fitondrana rehefa afaka “fe-potoana fito.” Da 4:32, 16, 17
Fe-potoana fito = 2 × fe-potoana 3 1/2, na = 2 × 1 260 andro. Ap 12:6, 14; 11:2, 3
Andro iray soloana taona iray. [Manome 2 520 taona] Ezk 4:6; No 14:34
Tapitra rehefa niorina ilay Fanjakana. Lk 21:24; Da 7:13, 14
41. Vavaka
A. Vavaka henoin’Andriamanitra
Mihaino ny vavaky ny olona Andriamanitra. Sl 145:18; 1Pe 3:12
Tsy henoiny ny tsy marina, raha tsy miova. Is 1:15-17
Tsy maintsy mivavaka amin’ny anaran’i Jesosy. Jn 14:13, 14; 2Ko 1:20
Tsy maintsy mivavaka araka ny sitrapon’Andriamanitra. 1Jn 5:14, 15
Tena ilaina ny finoana. Jk 1:6-8
B. Tsy manan-kery ny vavaka tsianjery, sy amin’i Maria na “olo-masina”
Mivavaka amin’Andriamanitra amin’ny anaran’i Jesosy. Jn 14:6, 14; 16:23, 24
Tsy henoin’Andriamanitra ny teny miverimberina. Mt 6:7
42. Vavolombelon’i Jehovah
A. Fiandohan’ny Vavolombelon’i Jehovah
Mampahafantatra ny vavolombelony i Jehovah. Is 43:10-12; Je 15:16
I Abela no voalohany tamin’ireo vavolombelona tsy mivadika. He 11:4, 39; 12:1
Vavolombelona mendri-pitokisana sy marina i Jesosy. Jn 18:37; Ap 1:5; 3:14
43. Vidim-panavotana
A. Naloa ho “vidim-panavotana” ho an’ny “rehetra” ny ain’i Jesosy
Nanome ny ainy ho vidim-panavotana i Jesosy. Mt 20:28
Ahazoana famelan-keloka ny vidin’ny ra alatsaka. He 9:14, 22
Sorona iray dia ampy ho mandrakizay. Ro 6:10; He 9:26
Tsy azoazo fotsiny amin’izao ny soa entiny; tsy maintsy ekena ny vidim-panavotana. Jn 3:16
B. Vidiny mifandanja
Noforonina ho lavorary i Adama. De 32:4; Mpto 7:29; Ge 1:31
Tsy lavorary intsony izy sy ny taranany noho ny fahotana. Ro 5:12, 18
Tsy afa-mamonjy tena ny taranany; aina toy ny an’i Adama no nilaina. Sl 49:7; De 19:21
Ny ain’i Jesosy lavorary no vidim-panavotana. 1Ti 2:5, 6; 1Pe 1:18, 19