Fivoriana Momba ny Fanompoana Amin’ny Oktobra
Herinandron’ny 2 Oktobra
10 min: Fampandrenesana eo an-toerana. Fampandrenesana nofantenana avy ato amin’ny Ny Fanompoantsika Ilay Fanjakana.
15 min: “Miderà An’i Jehovah Mandrakariva”. Fanontaniana sy valiny. Antitrantero ny fampiharana an’ireo andinin-tenin’ny Soratra Masina voalaza sy voatonona.
20 min: Tariho ho Amin’ny Fandaminana ny Fahalianana. Mitarika resaka miaraka amin’ny mpitory roa na telo ny mpiandraikitra ny fanompoana, amin’ny fampiasana ilay bokikely hoe Ny Vavolombelon’i Jehovah — Tafaray mba Hanao ny Sitrapon’Andriamanitra Maneran-tany. Hazavao hoe nahoana no mahasoa ny hampahafantarana an’ireo olona liana, ny fomba fiasan’ny fandaminana, ny fomba andaminana an’ireo asa maro samihafa, sy ny fomba ahafahan’izy ireo mandray anjara amin’izany. Mandiniha hevitra avy ao amin’ny pejy faha-14 sy faha-15 momba ny hoe “Fivoriana Mampirisika ho Amin’ny Fitiavana sy ny Asa Tsara”. Ilay antokon’olona dia manao fampisehoana fohy momba ny fomba azo ampidirana an’io fanazavana io ao amin’ny resaka amin’ny fiverenana mitsidika na ny fampianarana Baiboly iray, mba hanampiana olona liana iray hahatakatra ny ilana hanatrika fivoriana.
Herinandron’ny 9 Oktobra
10 min: Fampandrenesana eo an-toerana. Tatitra momba ny kaonty.
15 min: Zavatra ilaina eo an-toerana. Na lahateny ataon’ny loholona iray: “Fandroahana — Fandaharana Feno Fitiavana Ve?”, miorina amin’ny Ny Tilikambo Fiambenana tamin’ny 15 Jolay 1995, pejy 25-27.
20 min: “Moa ve Isika Mitoetra ho Mifoha ka Manalavitra Fanelingelenana?” Fanontaniana sy valiny. Araka ny hamelan’ny fotoana hanao izany, dia manaova teny fanampiny, miorina amin’ny Ny Tilikambo Fiambenana tamin’ny 15 May 1992, pejy 29-31.
Herinandron’ny 16 Oktobra
15 min: Fampandrenesana eo an-toerana. Sintony ny saina ho amin’ilay bokikely hoe Une bonne nouvelle pour toutes les nations, izay manome fomba fampiseho isam-baravarana, amin’ny fiteny 59 samy hafa. Ampirisiho ny fampiasana an’io bokikely io rehefa tojo olona iray miteny vahiny isika, eny amin’ny faritany.
15 min: “Ny Vavolombelon’i Jehovah sy ny Fampianarana”. Ny loholona iray mampiasa ireo fanamarihana an-tsoratra noraisiny momba ilay lahateny tamin’ny fivoriambe, dia miresaka ireo lafiny mampiavaka an’ilay bokikely vaovao, amin’ny mpanatrika. Mampanaova fampisehoana voaomana tsara mampiseho ny fomba hiresahan’ny ray na ny reny iray amin’ny mpampianatra iray na ny manam-pahefana iray ao amin’ny sekoly sy ny fomba hanolorana ilay bokikely. Ampirisiho ireo izay manan-janaka mandeha any an-tsekoly mba hizara an’ilay bokikely, araka ny nasaina natao tao amin’ilay lahateny tamin’ny fivoriambe, raha mbola tsy nanao izany izy ireo.
15 min: Lahateny iray miorina amin’ny gMG No. 1/1994, pejy 28-30, hoe: “Ahoana no Ahafahako Misoroka ny SIDA?” Manadinadìna tanora iray na roa izay mahatsapa ho mandray soa betsaka, amin’ny fanarahana ny fitsipiky ny Baiboly.
Herinandron’ny 23 Oktobra
10 min: Fampandrenesana eo an-toerana. Vaovao Teokratika.
15 min: “Mila ny Kongregasiona Isika”. Fanontaniana sy valiny.
20 min: “Manolora Gazety Isaky ny Misy Fahafahana Hanao Izany”. Resaho ireo hevi-dehibe, ary avy eo dia diniho ireo lahatsoratra izay ho azo ampiasaina amin’ny fanolorana ireo nomerao farany. Mampanaova fampisehoana momba ny fomba fampiseho roa na telo.
Herinandron’ny 30 Oktobra
10 min: Fampandrenesana eo an-toerana. Noho ny fahantomoran’ireo fety amin’ny Novambra sy Desambra, dia ampirisiho ny rehetra mba hihevitra ny amin’ny firotsahana ho mpisava lalana mpanampy.
15 min: Efa Nanandrana Nitsidika Ireo Olom-pantatr’ireo Olona liana ve Ianao? Lahateny. Afaka nanomboka fampianarana Baiboly vaovao tamin’izao fomba izao ny mpitory sasany: Rehefa avy niara-nianatra nandritra ny fotoana kelikely tamin’ny olona liana iray izy ireo, dia nanontany an’ilay olona raha toa izy ka mahalala olon-kafa izay mety ho liana hianatra ny Baiboly, eo amin’ireo namany, na havany, na olom-pantany. Mazàna dia anarana maro no omena. Anontanio raha afaka mampiasa ny anarany ianao rehefa hitsidika an’ireny olona ireny. Rehefa manao an’ilay fitsidihana, dia ho azonao atao ny hilaza hoe: “Nahafinaritra an’i (...) aoka izany ny nianatra ny Baiboly ka nieritreritra izy fa ho tianao koa ny handray soa avy amin’ny fandaharam-pampianarana Baiboly maimaim-poana ataonay.” Izany dia afaka manome lisitra tsara misy fiverenana mitsidika izay mety ho tonga fampianarana Baiboly hahitam-bokatra. Asio fitantarana fanandraman-javatra iray na roa avy amin’ny mpitory izay nahita olona liana na nanomboka fampianarana vaovao tamin’io fomba io.
20 min: “Fiverenana Mitsidika Misy Zava-kendrena”. Resaho ireo tanjona amin’ny fanaovana fiverenana mitsidika. Manaova fandaharana mba hisian’ny mpitory mahay hanao fampisehoana momba ny fomba fampiseho roa samy hafa.