Fivoriana Momba ny Fanompoana Amin’ny Febroary
Herinandron’ny 3 Febroary
10 min: Fampandrenesana eo an-toerana. Fampandrenesana nofantenana avy ato amin’ny Ny Fanompoantsika Ilay Fanjakana. Vaovao Teokratika.
20 min: “Mandraisa Anjara Amin’ilay Asa Izay Tsy Haverina Intsony Mihitsy”. Fanontaniana sy valiny. Raha ampy ny fotoana, dia mampidira hevitra avy ao amin’ny hoe “Rester aux aguets: comment?”, eo amin’ny pejy 714-715 amin’ny boky Prédicateurs.
15 min: “Fanolorana ny Boky ho An’ny Sekolin’ny Fanompoana Teokratika”. Ampirisiho ireo mpitory mba hanely betsaka araka izay azo atao an’io fitaovana tsara dia tsara io. Azo atao ny mametraka an’io boky io eny amin’ny saha fitoriana, amin’ny olona miara-mianatra Baiboly amintsika, amin’ny mpiara-miasa na mpiara-mianatra amintsika. Moa ve ny mpikambana tsirairay amin’ny fianakavianao manana io boky io? Ary ireo rehetra misoratra anarana amin’ny Sekolin’ny Fanompoana Teokratika? Manaova fampisehoana voaomana tsara iray, miorina amin’ny fehintsoratra faha-5, pejy faha-15, amin’ilay boky. Rehefa avy nampahafantatra ny tenany ilay mpitory, dia misarika ny sain’ilay olona tsidihiny amin’ny hoe ny Baiboly dia boky miavaka tokoa, satria azo tamin’ny tsindrimandrin’Andriamanitra izy io. Azony atao ny mampiseho azy ny 2 Timoty 3:16, na ny 2 Petera 1:21. Avy eo, dia manolotra ilay boky izy, amin’ny sarany mirary dia mirary 500 FMG.
Herinandron’ny 10 Febroary
5 min: Fampandrenesana eo an-toerana. Tatitra momba ny kaonty.
10 min: “Ny Asan’ny Mpisava Lalana Mpanampy sy Maharitra ary Manokana”. Lahateny ataon’ny loholona iray, miorina amin’ny boky Voalamina mba Hanatanteraka Tsara ny Fanompoantsika, pejy 113-115.
30 min: “Tadiavina — Mpisava Lalana Mpanampy 600”. Fiaraha-mandinika ilay lahatsoratra amin’ny alalan’ny fanontaniana sy valiny, ataon’ny mpiandraikitra ny fanompoana. Asongadino ny faritra voafefy eo amin’ny pejy faha-3. Diniho ireo fandaharam-potoana omena eo amin’ny pejy faha-6. Ny mpitory vita batisa tsirairay dia tokony handini-tena manokana, ary hampiditra ao amin’ny vavaka, ny mety ho fahafahany hirotsaka mandritra ny iray volana na mahery. Ireo mpitory tsy vita batisa dia afaka manitatra ny anjara raisiny amin’ny fanompoany, amin’ny famerana isan’ora hokendren’ny tenany hotratrariny isam-bolana.
Herinandron’ny 17 Febroary
10 min: Fampandrenesana eo an-toerana. Manonòna hevitra mahaliana azo resahina ao amin’ireo gazety farany, ka azo ampiasaina eo amin’ny fanompoana amin’itỳ herinandro itỳ.
13 min: “Ny Fahatsiarovana — Fisehoan-javatra Iray Tena Lehibe!” Fanontaniana sy valiny. Ampirisiho ny rehetra hanao ny volana Martsa manontolo ho manokana, amin’ny fanaovana ny asan’ny mpisava lalana mpanampy. Asongadino ny fampiasana ny Taratasy Fanasana Amin’ny Fahatsiarovana.
22 min: Fanombohana Fampianarana Baiboly any An-tokantrano. Tato anatin’ireo volana faramparany, dia boky ana hetsiny maro no voapetraka. Izany dia manome fototra hanombohana fampianarana Baiboly maro kokoa. Miresaha momba izay notanterahina teo an-toerana, raha ny amin’ny fametrahana boky sy zavatra vita an-tsoratra hafa. Ampirisiho ny mpitory hanolokolo ny fahalianana rehetra. Manasà mpitory maromaro hitantara izay tena ezaka tsy maintsy nataony mba hanombohana fampianarana Baiboly vaovao. Antitrantero fa ny tapany iray tsy misaraka amin’ny asa nanirahana antsika dia ny fanaovana mpianatra. (Matio 28:19, 20). Azo atao tsara izany, raha miezaka hampihatra ireo fanipazan-kevitra voasoritra ao amin’ny takelaka fanampiny amin’ny Ny Fanompoantsika Ilay Fanjakana volana Jona 1996 isika.
Herinandron’ny 24 Febroary
18 min: Fampandrenesana eo an-toerana. Lazao ny anaran’izay rehetra ho mpisava lalana mpanampy amin’ny Martsa. Hazavao fa tsy tara loatra izao mba hamenoana fangatahana. Ampirisiho ny rehetra hanana anjara feno amin’ny fanompoana eny amin’ny saha amin’ny asabotsy 1 Martsa. Sorito ireo fivoriana fanampiny ho amin’ny fanompoana nalamina hatao mandritra ny volana. Resaho amim-pitandremana ny Valin’ireo Fanontanianareo.
12 min: “Ahoana ny Amin’ireo Havanao?” Miara-miresaka momba ilay lahatsoratra ny mpivady iray, ary manapa-kevitra ny amin’ny fomba hiresahana momba ny vaovao tsara amin’ireo havany tsy mpino. — Jereo Ny Tilikambo Fiambenana 15 May 1990, pejy 25-27.
15 min: Zavatra Atolotra Amin’ny Martsa — Ny Tsiambaratelon’ny Fahasambaram-pianakaviana. Resaho vetivety ireo antony miteraka ny faharavan’ny fianakaviana eo amin’ny fitambaran’olona amin’ny andro ankehitriny. (Jereo Ny Tilikambo Fiambenana 15 Oktobra 1992, pejy 4-7.) Jereo ireo loha hevitra raketin’ilay boky, eo amin’ny pejy faha-3. Asao ny mpanatrika hifantina toko izay mety ho fototry ny fomba fampiseho iray. Asehoy ireo fanontaniana famerenana manampy, hita eo amin’ny faran’ny toko tsirairay. Asao ny mpitory mahay iray hanao fampisehoana momba ny fomba fanolorana ilay boky. Ampahatsiahivo ny rehetra haka boky hampiasainy amin’izao faran’ny herinandro izao.