Fivoriana Momba ny Fanompoana Amin’ny Jona
Herinandron’ny 2 Jona
8 min: Fampandrenesana eo an-toerana. Fampandrenesana nofantenana avy ato amin’ny Ny Fanompoantsika Ilay Fanjakana. Resaho ny tatitra momba ny fanompoana tamin’ny Febroary, nanerana ny nosy sy tao amin’ny kongregasiona.
15 min: “Ataovy Izay Farany Azonareo Atao”. Fanontaniana sy valiny — Jereo koa Ny Tilikambo Fiambenana 15 Aprily 1993, pejy 28-30.
22 min: “Mamaly Fanontaniana Maro ny Fahalalana avy Amin’Andriamanitra”. Miara-mandinika ilay lahatsoratra amin’ny mpitory roa na telo, ka tanora ny iray, ny mpitari-draharaha. Resaho ny fehintsoratra 1, ka hamafiso ny antony mahatonga ny boky Fahalalana handaitra aoka izany mba hanampiana antsika hamaly fanontaniana. Manaova fampisehoana fanazaran-tena, ary manolora fanatsarana aorian’ny fomba fampiseho tsirairay.
Herinandron’ny 9 Jona
10 min: Fampandrenesana eo an-toerana. Tatitra momba ny kaonty.
15 min: Fampahatsiahivana momba ireo volana ho avy. Lahateny sy fiaraha-midinika amin’ny mpanatrika. Mikasa hanao zavatra fanampiny ny ankamaroantsika mandritra ireo volana ho avy, ka mety ho anisan’izany ny vakansy, ny fitsidihana havana, na ny fanaovana fanarian-dia. Ahoana no ahafahantsika mandamin-javatra mba tsy hanaovana tsirambina ireo asa teokratika? Resaho ireto manaraka ireto: 1) Fanatrehana ny andro telo rehetra amin’ny fivoriamben’ny distrika. 2) Fanatrehana fivoriana tsy tapaka, na eo an-toerana na any an-toeran-kafa. 3) Fandaharana mba handraisana anjara tsy tapaka amin’ny fanompoana, ary raha tsy eo an-toerana, dia fandefasana ny tatitra momba ny fanompoana any amin’ny kongregasiona. 4) Fitondrana zavatra vita an-tsoratra hanaovana fanambarana tsy ara-potoana rehefa manao dia. 5) Fanaovana fanambarana bebe kokoa eny amin’ny arabe. 6) Fangatahana ho mpisava lalana mpanampy mandritra ny volana iray na mihoatra. 7) Fihazonan’ny loholona ireo asan’ny kongregasiona ho voalamina tsara, ary fahazoany antoka fa voakarakara ny andraikitra nanendrena ny tsirairay, rehefa misy tsy ao.
20 min: Fampianarana ny Hafa — Zavatra Tena Ilaina Maika. Lahateny ataon’ny loholona iray. Diniho indray ny tatitra maneran-tany momba ny fanompoana eo amin’ny pejy 33 amin’ny Diary 1997. Ahitam-bokatra ny ezaka mihamitombo atao mba hitoriana amin’ny olona na aiza na aiza ahitana azy ireny. Ny zavatra tena ilaina maika ankehitriny dia ny manolokolo ny fahalianana taorian’ny nametrahana zavatra vita an-tsoratra sy ny mampianatra ny olona ny fahamarinana. Rehefa mifampiresaka amin’izy ireo eny an-kalamanjana isika, dia mangataka amim-pahaiza-mandanjalanja ny anarany sy ny adiresiny, mba hahafahana hanao fiverenana mitsidika. Mila manao mihoatra noho ny fambolena ny voan’ilay Fanjakana fotsiny isika; tsy maintsy manondraka azy io koa isika. (1 Kor. 3:6-8, NW ). Rehefa voafafy eo amin’ny tany tsara ny voa, ny fampianarana mandaitra dia afaka manampy ilay olona hahazo ny hevitr’izy io. (Matio 13:23, NW ). Tokony handray anjara amin’ny fomba feno sy amim-pahakingana araka izay azo atao amin’ny asa fanaovana mpianatra, isika. (Heb. 5:12a). Mampidira hevitra hita ao amin’ny taratasy fanampiny amin’ny Ny Fanompoantsika Ilay Fanjakana Jona 1996, fehintsoratra 25-26. Antitrantero ny mba hiezahana mafy hanomboka fampianarana na ao amin’ny bokikely Takina na ao amin’ny boky Fahalalana.
Herinandron’ny 16 Jona
10 min: Fampandrenesana eo an-toerana. Manonòna hevitra azo resahina ao amin’ireo gazety farany.
15 min: Zavatra ilaina eo an-toerana.
20 min: Ny Fomba Hamantarana na Marina na Diso ny Fivavahanao. Ny loholona iray dia mitarika fiaraha-midinika amin’ny mpitory mahay roa na telo, miorina amin’ny Mifohaza! No. 4/1995 (Oktobra-Desambra), pejy 21. Olona maro hita fa tso-po no voatsidika imbetsaka. Kanefa, tsy nanaiky fampianarana Baiboly mihitsy izy ireo. Resaho ny fomba azo ampiasana ireo hevitra ao amin’io Mifohaza! io, mba hahatakarany ny ilana hanao zavatra mifanaraka amin’ny fahalalana araka ny marina. Asio firesahana ireo hevi-dehibe ao amin’ny toko faha-5 amin’ny boky Fahalalana: “Ny Fanompoam-pivavahan’iza no Eken’Andriamanitra?” Vakio ny fehintsoratra faha-20. Azo atao ny miverina mitsidika ny olona toy ireny mba hampirisihana azy amin-katsaram-panahy sy amim-pahaiza-mandanjalanja hanaiky hianatra sy hanatrika ny fivoriana.
Herinandron’ny 23 Jona
10 min: Fampandrenesana eo an-toerana.
15 min: Inona no Lazain’izy Ireo Momba Antsika? Lahateny miorina amin’ny fanazavana hita ao amin’ny Indeksan’ny Zavatra Vita An-tsoratry ny Watch Tower 1991-1993, pejy 104. Mifantena “Fanambarana Momba Azy Ireo” miavaka, natao momba ny Vavolombelon’i Jehovah — ny fitondran-tenantsika sy ny asantsika. Asehoy hoe inona, teo amin’izay hitany teo amintsika, no nanaitra azy ireo tsara. Hazavao hoe nahoana izany no tokony hanosika antsika mandrakariva hitondra tena amin’ny fomba mety sy haharitra eo amin’ny asantsika. Mariho ny fomba azo ampiasana ny fanamarihana amim-pankasitrahana toy izany, rehefa miresaka amin’ny olom-pantatra sy ny olona liana, izay ta hahalala bebe kokoa momba antsika.
20 min: “Ry Ray Aman-dreny — Ampiofano mba Hitory ny Zanakareo”. Fanontaniana sy valiny. Ampidiro ny tari-dalana hita ao amin’ny boky Ny Fanompoantsika, pejy 100, eo ambanin’ny lohatenikely hoe “Ny Fanampiana An’ireo Ankizy”.
Herinandron’ny 30 Jona
10 min: Fampandrenesana eo an-toerana. Ampahatsiahivo ny rehetra hamerina ny tatitra momba ny fanompoana tamin’ny Jona.
20 min: “Ry Tanora — Inona avy Ireo Tanjonareo Ara-panahy?” Miara-mandinika ilay lahatsoratra ny raim-pianakaviana roa. Dinihin’izy ireo ny fomba hanampiana ny zanany hahatakatra ny antony tena ilana hamerana tanjona teokratika, izay hitondra fitahiana ara-panahy, fa tsy hikatsaka tombontsoa ara-nofo. — Jereo koa ny boky Ny Fanompoantsika, pejy 116-118.
15 min: Fiomanana ho Amin’ny Zavatra Hatolotra Amin’ny Jolay. Fanteno ny bokikely iray na roa izay nanaitra ny fahalianana tao amin’ny faritany, ary diniho indray ny sasany amin’ireo hevitra mampiavaka azy tsirairay. Manolora hevitra ny amin’ny fomba azo ampidirana azy ireo ao amin’ny fomba fampiseho iray. Ampahatsiahivo ny rehetra mba hitana an-tsoratra ireo zavatra napetraka ary hiverina hanolokolo ny fahalianana.