Fivoriana Momba ny Fanompoana Amin’ny May
Herinandron’ny 4 May
8 min: Fampandrenesana eo an-toerana. Fampandrenesana nofantenana avy ato amin’ny Fanompoantsika Ilay Fanjakana. Vaovao Teokratika.
15 min: “Momba Antsika ny Fanahin’i Jehovah”. Fanontaniana sy valiny. Rehefa mandinika ny fehintsoratra faha-3, dia miresaha momba ny andalana sasany avy ao amin’ny Diary 1998 ka mifanentana eto.
22 min: “Mifidiana Lahatsoratra Izay Hifanentana Amin’ny Fahalianana Voafaritra Tsaran’ny Olona”. Diniho ireo hevi-dehibe ao amin’ilay lahatsoratra. Hazavao fa na dia ireo nomerao tranainy izay mbola tsy misy simba aza dia azo atolotra amin’izany fomba izany. Asao ireo mpitory hitantara hoe lahatsoratra inona no nasongadin’izy ireo ka nahitany vokatra tsara. Manaova fampisehoana momba ireo fomba fampiseho eo amin’ny fehintsoratra faha-7.
Herinandron’ny 11 May
8 min: Fampandrenesana eo an-toerana. Tatitra momba ny kaonty.
12 min: “Inona avy Ireo Zavatra Kasainao Hatao Amin’ireo Volana ho Avy?” Mpitory roa na telo miara-mandinika amin’ny loholona iray ny zavatra kasainy hatao amin’ireo volana ho avy. Miresaka momba ireo fandaharana ataony mba hanatrehana ny fivoriambe izy ireo, hampitomboana ny asa fanompoany eny amin’ny saha, hanaovana vakansy, ary hitsidihana namana sy havana. Manaiky ny rehetra fa tsy hanao tsirambina ny fianarana manokana, ny fivoriana, na ny fanompoana eny amin’ny saha, ary manazava ny fomba kasainy hatao mba hihazonana fahazarana teokratika tsara.
25 min: “Fivoriamben’ny Distrika sy Iraisam-pirenena 1998 ‘Fomba Fiaina Araka An’Andriamanitra’ ”. (Fehintsoratra 1-17). Fanontaniana sy valiny. Vakio ny fehintsoratra faha-11 sy faha-12. Antitrantero fa zava-dehibe araka ny Soratra Masina ny hitandremantsika ny fisehoantsika ivelany sy ny fitondran-tenantsika kristiana maotina, ary ny hanarahantsika maso tsara ny zanatsika.
Herinandron’ny 18 May
8 min: Fampandrenesana eo an-toerana.
15 min: “Manana ‘Tsilo Amin’ny Nofo’ ve Ianao?” Fanontaniana sy valiny. Resaho ny “Fanontanian’ny Mpamaky” ao amin’ny Tilikambo Fiambenana 15 Febroary 1988, pejy 29.
22 min: “Fivoriamben’ny Distrika sy Iraisam-pirenena 1998 ‘Fomba Fiaina Araka An’Andriamanitra’ ”. (Fehintsoratra 18-23). Fanontaniana sy valiny. Vakio ny fehintsoratra faha-18 sy ireo andinin-teny voatonona. Antitrantero ny ilana ny filaminana sy ny fiheverana ny hafa, indrindra fa mahakasika ny toerana. Farano amin’ny lahateny fohy momba ny “Fampahatsiahivana ny Amin’ny Fivoriamben’ny Distrika”.
Herinandron’ny 25 May
10 min: Fampandrenesana eo an-toerana.
15 min: Zavatra ilaina eo an-toerana.
20 min: Ny Antony Hankasitrahako Ireo Fivorian’ny Kongregasiona. Loholona iray mitarika fiaraha-midinika amin’ny mpanatrika fivoriana tsy tapaka sasany izay solontenan’ny karazan’olona samy hafa ao amin’ny kongregasiona, angamba anisan’izany ny mpivady iray, sy ny olona be taona iray, ary ny tanora iray. Milaza ny heviny izy ireo momba ny antony anatrehany fivoriana foana: fifaneraserana tsara, sy fampianarana avy amin’Andriamanitra, ary torohevitra marim-pototra izay manampy azy ireo hiatrika ireo zava-manahirana isan’andro sy hitoetra ho matanjaka ara-panahy. Ny valin-tenin’izy ireo dia manantitrantitra fa ahazoantsika rehetra fitahiana ny fanatrehana fivoriana tsy tapaka.