Fandaharana Amin’ny Fivoriana Momba ny Fanompoana
Herinandron’ny 8 May
15 min: Fampandrenesana eo an-toerana sy Fampandrenesana nofantenana avy ato amin’Ny Fanompoantsika Ilay Fanjakana.
15 min: “Mahità Fifaliana eo Amin’ny Fanompoana Masina Ataonao”. Lahateny. Diniho ireo antony mahatonga antsika hahita fifaliana eo amin’ny fanompoantsika. — Jereo Ny Tilikambo Fiambenana 15 Janoary 1995, pejy 16, fehintsoratra 3-5.
15 min: “Fivoriamben’ny Distrikan’ny Vavolombelon’i Jehovah 2000 ‘Mpankatò ny Tenin’Andriamanitra’”. (Fehintsoratra 1-5). Fiaraha-midinika amin’ny alalan’ny fanontaniana sy valiny.
Herinandron’ny 15 May
13 min: Fampandrenesana eo an-toerana. Tatitra momba ny kaonty.
16 min: “ ‘Hozahan-toetra’ — Amin’ny fomba Ahoana?” Lahateny ataon’ny loholona. Diniho ilay fandaharana ny amin’ny mpanampy amin’ny fanompoana ao amin’ny kongregasiona, izay miorina amin’ny Soratra Masina. (Jereo Ny Tilikambo Fiambenana 15 Aogositra 1994, pejy 26, fehintsoratra 1-6.) Asehoy hoe fepetra inona avy no tsy maintsy fenoiny mba hahavoatendry azy. (Jereo ny boky Ny Fanompoantsika, pejy 55-56.) Resaho ireo fomba anompoan’ireo mpanampy amin’ny fanompoana, ary mampirisiha rahalahy maro kokoa mba hanatratra an’io tombontsoa io.
16 min: “Fivoriamben’ny Distrikan’ny Vavolombelon’i Jehovah 2000 ‘Mpankatò ny Tenin’Andriamanitra’”. (Fehintsoratra 6-11). Loholona iray miara-mandinika ilay lahatsoratra amin’ny fianakaviana iray. Mandinika izay ilainy hatao izy ireo mba hihazonana filaminana, fahalalam-pomba, fahadiovana, ary fisehoana ivelany sy fitondran-tena fakan-tahaka eny ampahibemaso.
Herinandron’ny 22 May
12 min: Fampandrenesana eo an-toerana. Diniho ny Valin’ireo Fanontanianareo.
20 min: “Mifohaza Hatrany”. Fiaraha-midinika amin’ny alalan’ny fanontaniana sy valiny. Hazavao ny antony maha maika ny hitoerantsika ho mifoha ara-panahy, na dia tsy fantatsika aza ny andro sy ny ora. — Jereo Ny Tilikambo Fiambenana 1 Novambra 1995, pejy 20.
13 min: Inona avy Ireo Zavatra Kasainao Hatao Amin’ireo Volana ho Avy? Fianakaviana iray miara-mandinika izay hataon’izy ireo mandritra ireo volana ho avy. Miresaka momba ny hanatrehana amin’ny andro telo rehetra amin’ny fivoriamben’ny distrika sy ny hanaovana ny fanompoan’ny mpisava lalana mpanampy mandritra ny iray volana na mihoatra, izy ireo. Mety hisy fahafahana koa hitsidika toerana tsara tarehy iray na hanao fialam-boly mahasoa iray. Manaiky izy rehetra fa tsy hanao tsirambina ny fahazarany eo amin’ny asa teokratika.
Herinandron’ny 29 May
12 min: Fampandrenesana eo an-toerana. Ampahatsiahivo ny rehetra hamerina ny tatitra momba ny fanompoany tamin’ny May. Manaova fampisehoana fohy ny amin’ny zavatra hatolotra amin’ny Jona. Asehoy ny fomba hanolorana fianarana Baiboly, amin’ny fampiasana ny lesona faha-13 ao amin’ny bokikely Takina.
15 min: “Mankasitraka ny Zavatra Masina ve Ianao?” Lahateny ataon’ny loholona iray. Antitrantero ny maha zava-dehibe ny hanatrehana amin’ny andro telo rehetra amin’ny fivoriamben’ny distrika.
18 min: Famakiana Baiboly Mahafa-po. Lahateny sy fampisehoana miorina amin’ny Boky ho An’ny Sekoly, pejy 34-35, fehintsoratra faha-6, 7. Ny fandaharana ho an’ny famakiana Baiboly fototra, izay iorenan’ny hevitra misongadina ao amin’ny Baiboly, dia anisan’ny fandaharam-pampianaran’ny Sekolin’ny Fanompoana Teokratika. (Ny Fanompoantsika Ilay Fanjakana Desambra 1999, pejy 7). Manasà fianakaviana iray hampiseho ny fomba nety ho nandinihan’ny fianakaviana tapany iray amin’ny famakian-teny ho an’ny sekoly tamin’ity herinandro ity. Mifidy hevitra mahaliana iray na roa izy ireo, ary manao fikarohana fanampiny ao amin’ny Indeksan’ny Zavatra Vita An-tsoratry ny Watch Tower. Asehoy fa afaka ny hisy heviny kokoa ny famakiana Baiboly, ka hahatonga antsika ‘hampiasa tsara ny tenin’ny fahamarinana’. — 2 Tim. 2:15.
Herinandron’ny 5 Jona
5 min: Fampandrenesana eo an-toerana.
10 min: Zavatra ilaina eo an-toerana.
15 min: “Tombontsoa Iray Misokatra ho An’ny Ankizy”. Lahateny sy fiaraha-midinika amin’ny mpanatrika. Resaho ny fitantarana hita ao amin’Ny Tilikambo Fiambenana 1 Desambra 1996, pejy 13, fehintsoratra 15. Asao ireo tanora hitadidy ny fifaliana hitany tamin’ny fizarana gazety. Manasà tanora iray na roa hanao fampisehoana tsotra momba ny fanolorana gazety isam-baravarana. Ampirisiho ny ray aman-dreny hitondra ny zanany hiaraka aminy eny amin’ny asa fizarana gazety isan-kerinandro.
15 min: “Aoka Ianao Hihaino Tsara ny Fanambarana Masina”. Fanontaniana sy valiny. Hamafiso ny antony tokony hipetrahantsika rehetra eo amin’ny toerantsika, rehefa manomboka ny fotoam-pivoriana tsirairay.