Fandaharana Amin’ny Fivoriana Momba ny Fanompoana
Herinandron’ny 13 Janoary
10 min: Fampandrenesana eo an-toerana. Fampandrenesana nofantenana avy ato amin’ny Fanompoantsika Ilay Fanjakana. Manaova fampisehoana roa, miorina amin’ny fanoloran-kevitra eo amin’ny pejy 4, mba hametrahana Ny Tilikambo Fiambenana 1 Janoary sy Mifohaza! 8 Janoary. Na iray ihany aza no resahina, dia atolory miaraka izy ireo, ao amin’ireo fampisehoana ireo.
15 min: Voataonan’ny Fitondran-tena. Lahateny sy fiaraha-midinika amin’ny mpanatrika. Fitoriana vita ho azy ny fitondran-tena tsaran’ny Kristianina, ary tena manan-kery. Mahatonga ny vady tsy mpino ho mpanompon’i Jehovah izy io. (1 Pet. 3:1, 2) Resaho ireo fitantarana ao amin’ny Tilikambo Fiambenana 1 Janoary 1999, pejy 4 sy 1 Oktobra 1995 pejy 10, 11; ary ao amin’ny Diary 1995, pejy 46. Ampiomano mialoha ny mpitory roa na telo mba hilaza ny vokatra tsara hitany, rehefa nanaraka ny torohevitry ny Baiboly teo amin’io lafiny io izy ireo.
20 min: “Miaina Mifanaraka Amin’ny Fanoloran-tenantsika Isika.”a Aorian’ny fehintsoratra 3, dia manadinadìna tanora iray vita batisa, na mbola zatovo izy na efa lehibe kokoa. Inona no fisedrana hitany hatramin’ny nahavita batisa azy? Inona no nanampy azy haharesy ireo fisedrana ireo? Inona no soa noraisiny, rehefa nanolotra ny fiainany ho an’i Jehovah izy?
Herinandron’ny 20 Janoary
8 min: Fampandrenesana eo an-toerana. Tatitra momba ny kaonty.
15 min: Mandinika ny Soratra Masina Isan’andro ve Ianao? Lahateny sy fiaraha-midinika amin’ny mpanatrika. Ampirisiho ny rehetra hampiasa tsara ny Fandinihana ny Soratra Masina Isan’andro—2003. Resaho ireo fanazavana ao amin’ny sasin-teny, pejy 3, 4. Manomeza hevitra ahafahan’ny fianakaviana miara-mandinika ny andinin-teny isan’andro. Mba hampisehoana fa tena mahasoa ny fanaovana izany, dia miresaha andinin-teny roa na telo hodinihina amin’ny volana ambony. Manaova fampisehoana fohy misy mpivady miara-mandinika ny andinin-teny sy fanazavana ho an’ny andro androany.
22 min: “Ampianaro ny Fiteny Madio ny Olona.”b Aorian’ny fehintsoratra 6, dia manasà mpitory mahay iray hampiseho ny fomba hanombohana fampianarana Baiboly eo am-baravarana, rehefa manao fiverenana mitsidika. Hampiasa ohatra iray ao amin’ny Fanompoantsika Ilay Fanjakana Janoary 2002, pejy 4, izy, ary hanazava fehintsoratra iray ao amin’ny bokikely Takina. Amin’ny farany izy dia mametraka fanontaniana momba ny fehintsoratra manaraka, izay lazainy fa hovaliany amin’ny manaraka. Ampirisiho ny rehetra hijery raha misy amin’ireo olona tsidihiny mety hianatra Baiboly toy izany.
Herinandron’ny 27 Janoary
10 min: Fampandrenesana eo an-toerana. Ampahatsiahivo ny mpitory mba hamerina ny tatitra momba ny fanompoana. Manaova fampisehoana roa, miorina amin’ny fanoloran-kevitra eo amin’ny pejy 4, mba hanolorana Ny Tilikambo Fiambenana 15 Janoary. Ny tompon-trano iray tsy mandray azy io, fa ny iray kosa mandray, nefa samy omena taratasy mivalona Tianao ve ny Hahafantatra Tsara ny Baiboly? izy ireo amin’ny farany. Hazavao vetivety ny fomba itsidihana ireo olona nandray gazety sy nomentsika ilay taratasy mivalona.—Jereo Ny Fanompoantsika Ilay Fanjakana Novambra 2001, pejy 4, fehintsoratra 10.
15 min: Zavatra ilaina eo an-toerana.
20 min: Ampio ny Olona Hanatona An’i Jehovah. Lahateny sy fiaraha-midinika amin’ny mpanatrika. Hanolotra ilay boky vaovao isika amin’ny Febroary. Resaho ny fanamarihana ho an’ny mpamaky eo amin’ny pejy 3, sy izay mampiavaka ilay boky. Mifantoka amin’ny iray amin’ireo toetran’i Jehovah fototra ny fizarana tsirairay. Misy toko mampiseho ny fomba nanehoan’i Jesosy izany toetra izany, sy toko momba ny fomba azontsika anahafana azy, koa io boky io. Misy sary 17 mampiseho zava-nitranga tamin’ny andron’ny Baiboly koa ao. Manampy antsika hisaintsaina momba ny hevi-dehibe hafa amin’ny foto-kevitra iray ireo “Fanontaniana Hosaintsainina.” Resaho ilay faritra voafefy hoe “Fomba Azo Anolorana ny Boky Manatòna An’i Jehovah”, ary manasà mpitory mahay iray hanao ny iray amin’izy ireo.
Herinandron’ny 3 Febroary
15 min: Fampandrenesana eo an-toerana. Valin’ny Fanontanianareo. Asio fampisehoana misy mpikarakara ny mpanatrika iray manampy reny iray manan-janaka tsy azo tenenina.
12 min: Tahafo ny Finoany. Manadinadìna anti-panahy iray nanompo an’i Jehovah tamim-panetren-tena sy tamim-pahatokiana hatramin’ny taona maro. (Heb. 13:7) Ahoana no nahafantarany ny fahamarinana? Zava-nanahirana inona avy no tsy maintsy noreseny tamin’izy nanaiky ny fahamarinana? Fandaharana ara-panahy na fampaherezana inona no nanampy azy handroso? Inona no ezaka nataony mba ho mendrika io tombontsoam-panompoana io? (1 Tim. 3:1) Inona no nanampy azy hampifandanja ny andraikiny eo anivon’ny fiangonana sy ny asany ary ny adidiny ara-pianakaviana? (1 Tim. 5:8) Manao ahoana ny fihetseham-pony momba io tombontsoa manampy ny rahalahiny io?
18 min: “Asa Mitaky Fanetren-tena.”c Eo amin’ny fehintsoratra 3, dia anontanio ny mpanatrika izay tokony hatao, raha misy olona maneso antsika, masiaka, mila ady na tezitra amintsika, eny amin’ny faritany. Eo amin’ny fehintsoratra 4, dia milazà hevitra avy ao amin’ny Tilikambo Fiambenana 1 Aogositra 2001, pejy 15, fehintsoratra 14, 15.
[Fanamarihana ambany pejy]
a Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.
b Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.
c Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.