Fandaharana Amin’ny Fivoriana Momba ny Fanompoana

Herinandron’ny 9 Jona

Hira 81, Hira 190

10 min: Fampandrenesana eo an-toerana. Fampandrenesana nofantenana avy ato amin’ny Fanompoantsika Ilay Fanjakana. Manaova fampisehoana roa, miorina amin’ny fanoloran-kevitra ao amin’ny pejy 8, mba hametrahana Ny Tilikambo Fiambenana 1 Jona sy Mifohaza! 8 Jona. Na iray ihany aza no resahina, dia atolory miaraka izy ireo, ao amin’ireo fampisehoana ireo. Mampiasà andinin-teny isaky ny fampisehoana.

15 min: “Ny Fanompoana Kristianina no Asantsika Lehibe Indrindra.”a Ampirisiho ny tanora handinika ireo fitahiana azony rehefa manao fanompoana manontolo andro. Milazà hevitra avy ao amin’ny Tilikambo Fiambenana 1 Novambra 2000, pejy 19, 20, eo ambanin’ilay lohatenikely hoe “Rehefa mifanohitra ny kolontsaina sy ny feon’ny fieritreretana.”

20 min: “Afaka Hampitombo ny Asanao ve Ianao, Rehefa Hisotro Ronono?”b Raha mety, dia adinadino vetivety ny mpitory iray efa misotro ronono, ka mampiasa ny fotoanany mba hanompoana an’i Jehovah bebe kokoa. Anontanio izay fanitsiana nataony sy izay fitahiana azony.

Herinandron’ny 16 Jona

Hira 55, Hira 131

8 min: Fampandrenesana eo an-toerana. Tatitra momba ny kaonty.

12 min: Zavatra ilaina eo an-toerana.

25 min: “Aoka Isika Hazoto Hitory.”c Ny fanontaniana efa ao ampiasaina. Aorian’ny fehintsoratra 5 sy 6, dia manaova fampisehoana fohy iray: Mpitory manao fanambarana tsy ara-potoana amin’ny mpivarotra, ka manolotra azy ny taratasy mivalona Tianao ve ny Hahafantatra Tsara ny Baiboly? Mangataha olona hamaky ny fehintsoratra 7 sy 8, alohan’ny hiresahana azy ireo. Ho famaranana, dia vakio sy resaho ilay faritra voafefy hoe “Aza Hadinoina Izy Ireo!”

Herinandron’ny 23 Jona

Hira 95, Hira 15

10 min: Fampandrenesana eo an-toerana. Manaova fampisehoana roa, miorina amin’ny fanoloran-kevitra ao amin’ny pejy 8, mba hametrahana Ny Tilikambo Fiambenana 15 Jona sy ny Mifohaza! 8 Jona. Na iray ihany aza no resahina, dia atolory miaraka izy ireo, ao amin’ireo fampisehoana ireo. Ataovy fitoriana eny an-dalana ny iray amin’ireo fampisehoana ireo.

20 min: Inona no Azo Atao Momba ny Fahakiviana? Lahateny sy fiaraha-midinika amin’ny mpanatrika miorina amin’ny Tilikambo Fiambenana 15 Novambra 1999, pejy 28, 29, hatreo amin’ny faran’ilay lohatenikely hoe “Fihazonana fihetsika tsara.” Manomeza fanoloran-kevitra azo ampiharina sy torohevitra ara-baiboly. Ampiomano ny mpitory mahay iray na roa, hanazava izay manampy azy ireo hahita fifaliana foana eo amin’ny fanompoany.

15 min: “Fitoriana eto Amin’ity Tontolo Miovaova Ity.”d Rehefa eo amin’ny fehintsoratra 2, 3, dia anontanio ny mpanatrika izay vaovao farany azo ampiasaina hanombohan-dresaka eny amin’ny faritany. Rehefa eo amin’ny fehintsoratra 4, dia anaovy fampisehoana fohy ny iray amin’ireo fanoloran-kevitra voalaza ao.

Herinandron’ny 30 Jona

Hira Hira 3, Hira 171

10 min: Fampandrenesana eo an-toerana. Ampahatsiahivo ny mpitory mba hamerina ny tatitra momba ny fanompoana Jona. Resaho ny zavatra atolotra amin’ny Jolay sy Aogositra. Manasongadìna bokikely roa misy ao amin’ny tahiry. Manaova fampisehoana voaomana tsara ny amin’ny fomba hanolorana azy ireo eny amin’ny fanompoana. Jereo Ny Fanompoantsika Ilay Fanjakana Jolay 1998, pejy 8.

10 min: “Kilemaina Nefa Mahita Vokatra.”e Milazà fomba sasantsasany ahafahan’ny hafa manampy.

8 min: Valin’ny Fanontanianareo. Vakio sy resaho ilay fanazavana izay manantitrantitra fa ireo miaraka tsy tapaka amin’ny Vavolombelon’i Jehovah ihany, no afaka miteny mba hisolo tena ny fiangonana, rehefa misy fandevenana sy fampakaram-bady.

17 min: Ampiasao Tsara ny Tenin’Andriamanitra mba Hitoriana Ilay Fanjakana. Fiaraha-midinika amin’ny mpanatrika ataon’ny mpiandraikitra ny fanompoana. Miezaka milaza hevitra mampahery ara-baiboly momba ilay Fanjakana amin’ny olona tsirairay hitantsika eny amin’ny fanompoana isika. Tsy ampy anefa ny mamaky fotsiny andinin-teny. Mila manazava sy manome ohatra, ary mampiseho ny fomba ampiharana azy ireny isika. Asehoy ny fomba anaovana izany, ka ampiasao ny sasany amin’ireo andinin-teny ao amin’ny boky Fanjohian-kevitra, pejy 255, eo ambanin’ilay lohatenikely hoe “Tsy manome izay ilain’ny olombelona maika dia maika ny fitondram-panjakan’olombelona.” Aorian’ilay fiaraha-midinika, dia manasà mpitory iray niomana tsara hampiseho ny fomba ampiasana tsara andinin-teny iray, rehefa miverina mitsidika. Hanazava vetivety ilay andinin-teny ilay mpitory sy hanome ohatra tsotra, ary hampiseho amin’ilay tompon-trano ny soa horaisiny rehefa hanapaka ilay Fanjakana. Alohan’ny hanaovana izany anefa, dia hovakin’ilay mpitory aloha ilay andinin-teny. Aorian’ilay fampisehoana dia jereo indray ny fomba nanazavana sy nampiharana ilay andinin-teny, ary ny ohatra nomena tamin’izany. Ampirisiho ny rehetra hanatsara ny fahaizany mampiasa tsara ny Tenin’Andriamanitra.

Herinandron’ny 7 Jolay

Hira 165, Hira 197

5 min: Fampandrenesana eo an-toerana.

15 min: Fitantarana. Tantarao na avereno amin’ny alalan’ny fampisehoana, ny zavatra hitan’ny mpitory rehefa nitory tamin’ny fomba hafa ankoatra ny isan-trano na ny teny an-dalana, izy ireo. Ampirisiho ny rehetra hampiasa tsara ny bokikely Vaovao Tsara ho An’ny Firenena Rehetra sy ny taratasy Tsidiho Aza fady (S-43), rehefa sendra olona avy any amin’ny faritany hafa.

25 min: “Ampahafantaro ny Anaran’Andriamanitra.”f Ny fanontaniana efa ao ampiasaina. Rehefa eo amin’ny fehintsoratra 4, dia milazà hevitra avy ao amin’ny Diary 2001, pejy 91, fehintsoratra 2, 3. Manasà mpitory mahay iray hanao fampisehoana fiverenana mitsidika. Mampiasà andinin-teny roa na telo avy ao amin’ny boky Fanjohian-kevitra, pejy 293, 294, ka asehoy hoe nahoana no zava-dehibe ny mahafantatra sy mampiasa ny anaran’Andriamanitra.

[Fanamarihana ambany pejy]