Fandaharana Amin’ny Fivoriana Momba ny Fanompoana
Herinandron’ny 11 Aogositra
10 min: Fampandrenesana eo an-toerana. Fampandrenesana nofantenana avy ato amin’ny Fanompoantsika Ilay Fanjakana. Manaova fampisehoana roa, miorina amin’ny fanoloran-kevitra ao amin’ny pejy 8, mba hametrahana Ny Tilikambo Fiambenana 1 Aogositra sy Mifohaza! 8 Aogositra. Na gazety iray ihany aza no resahina, dia atolory miaraka izy ireo, amin’ireo fampisehoana ireo. Asehoy ao amin’ny iray amin’ireo fampisehoana ireo ny fomba hamaliana ny hoe “Sahirana aho.”—Jereo ny boky Fanjohian-kevitra, pejy 19.
15 min: “Tahafo ny Hatsaram-panahin’i Jehovah.”a Asao ny mpanatrika hitantara vetivety ny hatsaram-panahy nasehony, ka nahatonga azy ho afaka hitory. Derao ny fiangonana noho ny ezaka nataony mba hanampiana ireo mpiray finoana.
20 min: “Mandray Fitahiana Ireo Manao ny Asan’ny Mpisava Lalana.”b Ny fanontaniana efa ao ampiasaina. Manasà mpisava lalana iray na roa hilaza ny fitahiana azony. Lazao fa afaka maka fangatahana any amin’ny mpitan-tsoratra izay rehetra maniry hanao ny asan’ny mpisava lalana.
Herinandron’ny 18 Aogositra
12 min: Fampandrenesana eo an-toerana. Tatitra momba ny kaonty. Resaho ny “Fandaharana Vaovaon’ny Fivoriambe Manokana Iray Andro.” Lazao ny datin’ny fivoriambe manokana, ary ampirisiho ny rehetra hanatrika. Raha hatao rehefa afaka volana vitsivitsy ilay fivoriambe, dia lazao fa tokony hiresaka amin’ny mpiandraikitra mpitantan-draharaha ireo maniry hatao batisa.
15 min: “Asa Mamelombelona.”c Ampiomano mialoha ny mpitory roa na telo hilaza hoe nahoana no mamelombelona azy ireo ny fanompoana kristianina.
18 min: “Aoka Isika Hikojakoja Tsara Hatrany ny Toeram-pivavahantsika.”d (Fehintsoratra 1-5) Ny fanontaniana efa ao ampiasaina. Rehefa eo amin’ny fehintsoratra 3 sy 4, dia resaho ny fandaharana eo an-toerana hanadiovana ny Efitrano Fanjakana. Resaho izay zavatra ilana fikarakarana manokana. Derao ny fiangonana noho ny ezaka ataony mba hananana toerana mety tsara ho an’ny fivavahana marina.
Herinandron’ny 25 Aogositra
10 min: Fampandrenesana eo an-toerana. Manaova fampisehoana roa, miorina amin’ny fanoloran-kevitra ao amin’ny pejy 8, mba hametrahana Ny Tilikambo Fiambenana 15 Aogositra sy Mifohaza! 8 Aogositra. Na iray ihany aza no resahina, dia atolory miaraka izy ireo, ao amin’ireo fampisehoana ireo. Ray na reny, miaraka amin’ny zanany lahy na ny zanany vavy mbola zatovo, no hanao ireo fampisehoana ireo. Manao fanazaran-tena izy ireo, mba hiomanana ho amin’ny fizarana gazety. Jeren’izy ireo vetivety ilay fanoloran-kevitra, ary ataony fampisehoana avy eo.
15 min: Zavatra ilaina eo an-toerana.
20 min: Sahia Mitory. (1 Tes. 2:2) Lahateny sy fiaraha-midinika amin’ny mpanatrika. Hazavao hoe nahoana no maro no matahotra miresaka ny hafatra momba ilay Fanjakana amin’ny olona. Matahotra toy izany koa na dia ireo efa nitory hatramin’ny taona maro aza. Resaho ny sasany amin’ireo fitantarana ao amin’ny Tilikambo Fiambenana 1 Desambra 1999, pejy 25; sy Ny Tilikambo Fiambenana 15 Desambra 1999, pejy 25; ary Ny Tilikambo Fiambenana 1 Aprily 1996, pejy 31. Asao ny mpanatrika hilaza ny nahatonga azy ho sahy hitory ny vaovao tsara, tamin’ny fotoana nahatsapany tahotra. Amin’ny farany, dia ampiasao Ny Tilikambo Fiambenana 15 Desambra 1999, pejy 23, 24, mba hampirisihana ny mpanatrika hanovo hery avy amin’i Jehovah.
Herinandron’ny 1 Septambra
10 min: Fampandrenesana eo an-toerana sy Vaovao Farany. Ampahatsiahivo ny mpitory mba hamerina ny tatitra momba ny fanompoana Aogositra. Lazao ny zavatra atolotra amin’ny Septambra. Ampiomano mialoha ny mpitory iray na roa hitantara ny zavatra nampahery hitany, rehefa nitory tsy ara-potoana tamin’izy nanao dia nandroso sy niverina tany amin’ny fivoriambe, nandritra ny fialan-tsasatra, na tamin’ny fotoana hafa.
15 min: Mitana ny Teny Nataonao mba Hiverina Hitsidika ve Ianao? Lahateny sy fiaraha-midinika amin’ny mpanatrika, miorina amin’ny Tilikambo Fiambenana 15 Septambra 1999, pejy 10, 11, eo ambanin’ilay lohatenikely hoe “Fomba hafa hitanana ny teny nataontsika.” Mazàna isika no milaza amin’ireo olona liana hitantsika eny amin’ny fanompoana, fa hiverina hanohy ny resaka amin’ny fotoana manaraka. Tena hiverina araka ny teny nataontsika ve isika? Jereo indray ireo toro lalan’ny Baiboly tokony hanosika antsika hitana ny teny nataontsika. Asao ny mpanatrika hitantara ny zavatra hitany, izay mampiseho fa nahazo fitahiana izy ireo, rehefa niverina nitsidika haingana.
20 min: “Aoka Isika Hikojakoja Tsara Hatrany ny Toeram-pivavahantsika.”e (Fehintsoratra 6-14) Ny fanontaniana efa ao ampiasaina. Antitrantero fa zava-dehibe ny hikojakojana tsara ny Efitrano Fanjakana, ka asongadino ilay efajoro eo amin’ny pejy 5. Resaho vetivety ny mombamomba ny Efitrano Fanjakananareo, ary lazao izay fandaharana atao mba hanamboarana na hanatsarana azy io.
[Fanamarihana ambany pejy]
a Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.
b Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.
c Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.
d Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.
e Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.