Famerenana Amin’ny Sekolin’ny Fanompoana

Hodinihina am-bava amin’ny Sekolin’ny Fanompoana ireto fanontaniana ireto, ny herinandron’ny 27 Febroary 2006. Hanao famerenana maharitra antsasak’adiny ny mpiandraikitra ny sekoly. Miorina amin’ny fanazavana tao amin’ireo anjara nanomboka ny herinandron’ny 2 Janoary ka hatramin’ny 27 Febroary 2006 izy io. [Fanamarihana: Mila manao fikarohana ianao mba hahitana ny valiny, raha tsy misy loharanon-kevitra eo aorian’ilay fanontaniana.—Jereo ny Sekolin’ny Fanompoana, p. 36, 37.]

ZAVATRA TANDREMANA

1. Ahoana no anampian’ny Sekolin’ny Fanompoana antsika, mba ‘hanao sorona fiderana ho an’Andriamanitra, sy hanao fanambarana ampahibemaso momba ny anarany’? (Heb. 13:15) [be p. 5, feh. 3–p. 6, feh. 1]

2. Nahoana isika no tokony hiezaka mafy hamaky teny tsy misy diso? [be p. 83, feh. 1–p. 84, feh. 1]

3. Nahoana no tena zava-dehibe ny miteny mazava tsara, rehefa miresaka sy mampianatra? [be p. 86, feh. 1-6]

4. Nahoana no tena ilaina ny fanononana mety tsara, ary inona avy no tafiditra amin’izany? [be p. 89, feh. 1–p. 90, feh. 3, efajoro]

5. Inona no azontsika atao mba hitenenana misosa tsara? [be p. 94, feh. 4-5, efajoro]

ANJARA No. 1

6. Ahoana no anaporofoan’ny 2 Tantara 36:17-23, fa tena azo itokisana ny faminaniana ao amin’ny Baiboly? [si p. 84, feh. 35]

7. Inona avy no zava-nitranga nahatonga ny Jiosy ho afaka hiverina tany amin’ny taniny, mba hanorina indray ny tranon’i Jehovah, tamin’ny 537 T.K.? [si p. 85, feh. 1-3]

8. Ahoana no anaporofoan’ny bokin’ny Ezra fa i Jehovah no tena Andriamanitra, ka mahatonga antsika hatoky azy bebe kokoa? [si p. 87, feh. 14, 18]

9. Nahoana no tena manan-tantara ny “taona faharoa-polo nanjakan’i Artaksersesy”, rehefa jerena ireo faminaniana ao amin’ny Baiboly? (Neh. 2:1, 5, 6, 11, 17, 18) [si p. 88, feh. 2, 5]

10. Inona no ohatra tsara navelan’i Nehemia ho an’ny mpanompon’Andriamanitra ankehitriny? [si p. 90, feh. 16-17]

FAMAKIANA BAIBOLY ISAN-KERINANDRO

11. Moa ve ny Jiosy niverina avy tany an-tsesitany nanana Orima sy Tomima, izay nampiasaina mba hahazoana valim-panontaniana tamin’i Jehovah? (Ezra 2:61-63)

12. Nahoana no tsy nazoto nankany Jerosalema niaraka tamin’i Ezra, ny Jiosy maro tany Babylona? (Ezra 7:28–8:20)

13. Ahoana no nahavitana nanangana indray ny manda, tamin’ny tanana ilany fotsiny? (Neh. 4:11, 12)

14. Nahoana i Sanbala no nitondra “taratasy nivelatra” ho an’i Nehemia, nefa tokony hihidy ao anaty kitapo voaisy tombo-kase foana ny taratasy tsiambaratelo? (Neh. 6:5)

15. “Nifandahatra” tamin’ireo Jiosy niverina nanao ratsy i Nehemia, toy ny nataony tamin’ireo andriana sy olona ambony. Inona koa anefa no nataony ankoatra izay? (Neh. 13:25, 28)