Avy Amin’ny Mpamaky
Dadabe sy Bebe Vao avy namaky ilay lahatsoratra hoe “Manontany ny Tanora Hoe... Ahoana no Ifandraisako Akaiky Kokoa Amin’i Dadabe sy i Bebe?” aho. (8 Jona 2001) Efa ela ny ray aman-dreniko no nampirisika ahy hifandray tamin’i dadabe sy bebeko. Nihevitra foana anefa aho fa tsy tokony hifandray amin’ny dadabe sy bebeko avy amin’i Neny, satria tsy nifankahazo izy ireo sy ny ray aman-dreniko hatramin’izay. Nanampy ahy io lahatsoratra io hahatakatra fa tian’i Jehovah hifandray amin’izy ireo aho. Tsy hiandany amin’iza na amin’iza aho afa-tsy amin’i Jehovah ihany.
C. L. M., Etazonia
Tsara tokoa ireo lahatsoratra momba ny raibe sy renibe ireo! Mahafaly ahy ny niresahanareo momba ny fanoratana taratasy. Enina amby telopolo taona aho ary na dia aminay ‘tanora kokoa’ aza, dia misy ny mitahiry ny taratasy sy karatra paositaly rehetra voarainay. Tena zava-dehibe ny maharay zavatra hafa ankoatra ny faktiora sy ny taratasy misy dokam-barotra!
M. Q., Etazonia
Misaotra anareo aho tamin’ireo lahatsoratra momba ny dadabe sy bebe tamin’ny 8 May sy 8 Jona 2001. Mifankatia izaho sy ny bebeko na dia lavitra aza izy no mipetraka, tsy misy hafa amin’ny olona voaresaka ao amin’ireo lahatsoratra ireo. Vavolombelon’i Jehovah izy ary mampianatra ahy zavatra be dia be, raha ny ara-panahy no resahina. Miara-manomana fivoriana kristianina izahay indraindray. Vao mainka tiako i Jehovah isaky ny hitako ny fahazotoan’ny bebeko manompo azy. Manampy ahy hanolokolo io fifandraisana manokana io ireny lahatsoratra ireny. Misaotra betsaka!
G. M., Iogoslavia
Manam-panontaniana aho. Marary mafy ny dadabeko ary zara raha manam-bola ny bebeko. Ahoana no ifandraisako akaiky aminy nefa tsy afaka miara-mivoaka izahay?
T. O., Etazonia
Mamaly ny “Mifohaza!”: Mety ho afaka hitsidika ny dadabe sy bebenao ianao, na hiantso azy ireo tsindraindray an-telefaonina raha mifanakaiky ny tranonareo. Mety ho azon’izy ireo atao irakiraka mihitsy aza ianao raha jerena ny toe-javatra misy azy. Azonao atao koa ny manoratra taratasy ho azy ireo mba hifandraisana akaiky aminy, araka ny nolazain’ilay lahatsoratra. Na ahoana na ahoana, dia azo antoka fa hankasitraka izay rehetra azonao atao mba hifandraisana aminy ny dadabe sy bebenao.