LEHABIMA

(Lehabìma).

Anisan’ny taranak’i Hama avy tamin’i Mizraima, araka ny Genesisy 10:13 sy 1 Tantara 1:11. Amin’ny endriny milaza maro anefa io anarana io amin’ny teny hebreo, ka betsaka ny manam-pahaizana milaza fa foko nitondra ny anaran’iray tamin’ireo zanak’i Mizraima no tiana holazaina eo. (Jereo anefa ny hoe MIZRAIMA.) Maro no mihevitra fa ny Libyanina no Lehabima. Mety ho foko iray tany Libya fahiny koa anefa izy ireo. Sarotra ny mamantatra hoe iza marina izy ireo, kanefa izy ihany angamba ireo Lovim resahin’ny soratra hebreo, toy ny ao amin’ny 2 Tantara 12:3. Misy Baiboly manao hoe “Lobita” (Prot.) ao amin’io andininy io, fa ny hafa kosa manao hoe “Libyanina” na “Libiana.”​—Kat., TV.