FITEHIRIZAM-BOKIN’NY Vavolombelon'i Jehovah
FITEHIRIZAM-BOKIN’NY
Vavolombelon’i Jehovah
Malagasy
  • BAIBOLY
  • ZAVATRA MISY
  • FIVORIANA
  • w99 15/9 p. 27-28
  • “Nanova ny Fiheverako ny Vavolombelon’i Jehovah Ianareo”

Tsy misy video mifandray amin’io.

Miala tsiny fa tsy mety miseho ilay video.

  • “Nanova ny Fiheverako ny Vavolombelon’i Jehovah Ianareo”
  • Ny Tilikambo Fiambenana Manambara ny Fanjakan’i Jehovah—1999
  • Mitovitovy Aminy
  • Finoana Niandoha tao Amin’ilay Fonja Manan-tantara
    Mifohaza!—2001
  • Valin’ny Fanontanianareo
    Ny Fanompoantsika Ilay Fanjakana—2003
  • Mpandika Lalàna Aho
    Mifohaza!—1996
  • Tena Afaka Hiova ve ny Voafonja?
    Mifohaza!—2001
Hijery Hafa
Ny Tilikambo Fiambenana Manambara ny Fanjakan’i Jehovah—1999
w99 15/9 p. 27-28

“Nanova ny Fiheverako ny Vavolombelon’i Jehovah Ianareo”

IZANY no nolazain’ny tompon’andraikitra iray ao amin’ny fonja poloney iray, ho setrin’ny lahatsoratra iray momba ny asan’ny Vavolombelon’i Jehovah, tantaraina ao amin’ny nomeraon’ny 15 Oktobra 1998 amin’ity gazety ity. Tahirin-kevitra nanaporofo ny fahombiazana azon’ny Vavolombelon’i Jehovah teo amin’ny asany teo anivon’ireo voafonja any Wołów, any Polonina, ilay lahatsoratra hoe “Rehefa Manjary Mandray Tsara ny Fo Vato”.

Talohan’ny namoahana ho an’ny besinimaro an’io gazety Ny Tilikambo Fiambenana voalaza etsy ambony io, dia nisy fivoriana manokana natao tamin’ny 13 Septambra 1998, tao amin’ny fonjan’i Wołów, mba hanomezana azy io an’ireo voafonja. Anisan’ireo nasaina hanatrika izany ny Vavolombelona teo an-toerana, sy ny voafonja vita batisa, mbamin’ny voafonja hafa naneho fahalianana, ary ny tompon’andraikitra maromaro ao amin’ilay fonja. Izao manaraka izao no sasany tamin’ny fanamarihana nataon’ireo nanatrika izany.

I Jerzy, iray amin’ireo Vavolombelon’i Jehovah natao batisa tao am-ponja, efa dimy taona mahery lasa izay, dia nilaza toy izao: “Faly be aho, satria azoko atao ankehitriny ny mamaky mahakasika ny ezaka be dia be nataon’ireo rahalahy avy amin’ireo kôngregasiôna etỳ akaiky etỳ mba hanampiana anay.” Hoy ny teny nanampiny: “Miezaka mafy hatrany mba hihatsara aho, ary tsapako ny fomba amolavolan’i Jehovah ahy.”

Ny voafonja hafa iray, antsoina hoe Zdzisław, dia nilaza toy izao, mahakasika ny asa fitoriana ao am-ponja: “Miomana ho amin’ny batisa ny voafonja efatra amin’izao isika miteny izao, ary manatrika hatrany ireo fivoriana ao amin’ilay efitra malalaka fampiasanay ireo olona liana vao haingana. Manome anay antony manosika mahery mba hanaovana asa bebe kokoa eto amin’ity saha ity iny lahatsoratra iny.” Izany ka toe-tsaina mijery ny lafy tsaran-javatra, rehefa heverina ny hoe mbola misy 19 taona ny sazy hefain’i Zdzisław any am-ponja!

Nilaza toy izao ny tompon’andraikitra iray ao amin’ilay fonja, rehefa avy namaky ilay lahatsoratra momba ny fonjan’i Wołów: “Nomem-boninahitra manokana izahay. Tsy noeritreretiko mihitsy hoe hanaovana filazana tsara toy iny amin’ny fiteny 130 maneran-tany, ity fonja ity. Mahafinaritra ahy ianareo, ary ankasitrahako ny ezaka ataonareo ho an’ireo voafonja.” Hoy ny teny nanampin’ny tompon’andraikitra hafa iray: “Nanova ny fiheverako ny Vavolombelon’i Jehovah ianareo. Teo aloha aho dia nihevitra anareo ho mpivavaka nafana fo tafahoatra. Hitako anefa izao fa olona mifikitra amin’ny fitsipika tsara ianareo.”

Nilaza toy izao tamim-pitsikiana i Marek Gajos, talen’ny fonjan’i Wołów: “Teo am-boalohany, dia nieritreritra izahay hoe tsy hahavita zavatra firy ianareo. Noeritreretinay mantsy fa fivavahana hafa iray fotsiny izay maniry mafy ny hanarina ny voafonja amin’ny alalan’ny Baiboly ianareo. Rehefa hitanay anefa ny vokatry ny asa nataonareo tany am-boalohany, dia nanapa-kevitra ny hifarimbona aminareo izahay. Efa hatramin’ny sivy taona izao no nankanesanareo tatỳ, ary tsy nitandro hasasarana ianareo tamin’ny fanaovana izany, ka mankasitraka be dia be izay efa vitanareo aho.”

Nanao ahoana kosa ny nandraisan’ny voafonja tamin’ny ankapobeny, tao Wołów, an’ilay lahatsoratra? Liana dia liana tokoa ireo voafonja, hany ka lany daholo ny tahirin-gazetin’ireo Vavolombelona tao am-ponja. Nisy liana koa ireo tompon’andraikitra ao amin’ilay fonja, satria nanafatra 40 fanampiny tamin’ilay gazety izy ireo, ho an’ny tenany. Nitombo ny fanafarana, ka ho fiatrehana izany, dia nitondra fanampiana ireo kôngregasiôna teo an-toerana ka nanome 100 fanampiny tamin’io gazety io, ho an’ireo rahalahy tao am-ponja. Nitombo, tetsy an-danin’izany, ny isan’ny mpanatrika fivoriana tao am-ponja.

Hoy i Piotr Choduń, tompon’andraikitra iray ao amin’ilay fonja, izay niara-niasa akaiky tamin’ny Vavolombelon’i Jehovah: “Nanapa-kevitra izahay ny hamelatra an’io lahatsoratra io, eo amin’ireo fanaka fampirantiana rehetra ato amin’ny fonjanay. Antenainay fa hamaky an’ilay gazety daholo ireo voafonja rehetra mbola tsy miara-mianatra Baiboly aminareo.”

Manohy mitondra vokatra tsara ny ohatra tsara omen’ireo Vavolombelona sy ny ezaka ataon’izy ireo amim-pahatapahan-kevitra mba hitoriana. Ankoatra ireo voafonja 15 izay efa nandroso hatramin’ny batisa, dia tompon’andraikitra 2 ao amin’ilay fonja no efa nanolotra ny fiainany ho an’i Jehovah, ary nangataka fampianarana Baiboly ny tompon’andraikitra hafa iray ao amin’ilay fonja. Mahita fahombiazana ireo rahalahy mitory ao amin’ny fonjan’i Wołów, ary mazava ho azy fa i Jehovah Andriamanitra no omen’izy ireo ny voninahitra rehetra amin’izany. — Ampitahao amin’ny 1 Korintiana 3:6, 7.

[Sary, pejy 28]

Vavolombelona telo sy voafonja iray, tamin’ny fotoana nampisehoana ilay gazety tao amin’ny efitrano malalaky ny fonja

    Fitehirizam-boky Malagasy (1965-2025)
    Hiala
    Hiditra
    • Malagasy
    • Hizara
    • Firafitra
    • Copyright © 2025 Watch Tower Bible and Tract Society of Pennsylvania
    • Fifanekena
    • Fifanekena Momba ny Tsiambaratelo
    • Firafitry ny Fifanekena
    • JW.ORG
    • Hiditra
    Hizara