Fomba Fanolorana Gazety

Ny Tilikambo Fiambenana 15 Nov.

“Maro no manontany tena hoe nahoana no toa mihasarotra ny olana mahazo ny olombelona. Efa mba noeritreretinao ve fa mety ho anisan’ny antony mahatonga izany izay voalazan’ity andinin-teny ity? [Vakio ny Apokalypsy 12:9. Avelao izy hamaly.] Resahin’ity gazety ity ireo famitahan’ny Devoly, sy ny fomba azontsika anoherana ny fitaomany.”

Ny Tilikambo Fiambenana 1 Des.

“Olona maro no mieritreritra fandripahana mahatsiravina raha vao mandre ny teny hoe ‘Hara-magedona.’ [Asehoy ilay efajoro eo amin’ny pejy 3.] Ho gaga ve ianao raha ilazana fa anisan’ny zavatra tena hahasoa antsika ny Hara-magedona? [Avelao izy hamaly.] Hazavain’ity gazety ity ny anton’izany.” Vakio ny 2 Petera 3:13.

Mifohaza! 8 Des.

“Tsy tena mampalahelo ve ny hoe olona 800 tapitrisa eo ho eo no tsy ampy sakafo, nefa ampy ho an’ny olon-drehetra ny sakafo misy eran-tany? [Avelao izy hamaly.] Asehon’ity gazety ity fa mihasarotra hatrany ny famatsiana sakafo ampy ho an’ny tanàn-dehibe. Hazavainy ato koa fa mbola ho foana ny hanoanana araka ny ampanantenain’ny Baiboly.” Vakio ny Salamo 72:16a.