Kupiam wina aisas

Pilip dîa daukan ba

LILKA: Pilip ba Etiopía wina waitnika kum ra smalkisa

1. LILKA ba kaiks, apia kaka Apastil Nani Sturka 8:30, 31 aisi kaiki, naha makabi walanka nani laki kaiks:

1. ¿Pilip ba Etiopía waitnika wal nahki aisaia tâ krikan?

2. Naha waitnika ra diara raya kum smalkaia dukiara, Pilip ba ban ai kupia wina aisaia tâ krikan. ¿Dîa muni wiaia sip sa naha ba tnatka pain kum kan?

¿Pilip dîa daukan ba wina yawan dîa lan takaia sip sa ki?

2. Wan kupia wina aisisa kaka, uplika ba pain ai dara walbia, bara wan walaia wilin kabia.

Pilip daukan baku dauks

3. Uplika nahki ai dara wali ba nu takaia trai muns. ¿Upla kum wal aisisma taim nahki ai dara wali ba dukiara, ai mawan bara ai daukanka wina dîa nu takisma? ¿Witin man wal aisaia want ba marikisa ki? Uplika ra Baibil smalkanka kum dukiara aisaia want sma kaka, sip sma naku makabi wali tâ krikaia: “¿Man pat nu kapram…?”. Upla kum aisaia want apia sa kaka, taibi munpara.

4. Wihka bîla kaikan lâka bri bas. Pas aisankam ba Baibil wina kaia nit sa lukpara. Sanska takbia bîla kaiks, bara dîa smalkma ba kupia wina aisas. Ban kra, uplika wal aisaia dukiara, sans wala bîla kaikaia nit kama.

5. Dîa aisaia want sma ba chens munaia wilin bas. Yawan uplika wal dîa aisi ba, ban wina chens takaia sip sa. Baha mita dîa aisaia luki kapram sirka ra, uplika dîa kau luki ba dukiara aisaia wilin bas.