¿Ya nani Jehova kupia lâka daukisa naiwa piua ra? wauhkataya ba nahki yus munaia
Naha wauhkataya paskan sa upla ra hilp munaia Jehova asla takanka ra dimbia
1. ¿Jehova kupia lâka wauhkataya ba dîa natka yumhpa dukiara sa?
1 ¿Ya nani Jehova kupia lâka daukisa naiwa piua ra? wauhkataya ba, ¿pat yus munram sa ki? Naha ba natka yumhpa dukiara sa 1) wan stadika nani yawan ra kau pain wan kakaira takbia dukiara 2) wan warkka kau pain kakaira takbia, bara 3) wan asla takanka nahki wark taki ba kaikaia dukiara. Jehova kupia lâka wauhkataya ba wahia kumi bani lisin kum sa bara 5 minit apia kaka 10 minit bilara Baibil stadika danh takuya ba ra laki kaikaia sip sa.
2. Tânka mariks nahki naha wauhkataya ba paskan sa.
2 Nahki paskan sa. Naha wauhkataya ba pîska yumhpa ra baiki sakan sa, bara kumi bani Jehova Witniska nani asla takanka wark sât sât dauki ba dukiara aisisa. Naha wauhkataya lisin 28 brisa bara lalka nani ba makabi walanka kum sa. Baku sin, letrika siksa nani ra ansika bâra sa. Kuntri 50 pura lilkika brisa bara tânka marikisa tasba aiska ra warkka nani dauki ba. Lisin manis ra sin baks kum bâra sa “Kau nu takaia dukiara”. Naha ba stadika dukiara kupia kraukanka kum kum brisa.
3. ¿Jehova kupia lâka wauhkataya ba nahki stadi takaia sip sa?
3 Nahki yus munaia. Pas ba, makabi walanka ba lisin lalka baku taki ba laki kaiks. Baha wina, lisin ba aikuki aisi kaiki wama taim, letrika siksa nani bâra ba laki kaiks. Bara danh prakaia dukiara, makabi walanka nani wahia mina ra taki ba laki kaiks. Lisin sut aisi kaikaia sip sma, apia kaka pîs pîs ra laki kaikaia. Baku sin, man laki kaiks ani tikska nani stadi tatakra ba wal aisi kaikma. Bara “Kau nu takaia dukiara” bakska bâra ba amya tiwbiara laki kaikaia. Ban kra lisin nani ba pas ba wina tâ kriki lâs ba kat wabia. Sakuna, mihtam ra sa laki kaikaia ani lisinka nani pas stadi takma. Sampla baku, Aidrubanka Kau Tara kum apia kaka Yu Wâl Aidrubanka kum aula sa kaka, sip sa lisin 11 ra tawi stadi takaia.
4. ¿Dîa muni yawan uba lilia wan dara walisa naha wauhkataya bri ba dukiara?
4 Upla kum wal Baibil ba stadi takisa taim, yawan hilp munisa wan Aisa heven ra ba wal kakaira takaia. Sakuna, naha uplika ba sin Jehova asla takanka dukiara lan takaia sa (S.L 6:20). ¡Yawan uba lilia wan dara walisa naha wauhkataya painkira briaia baku upla nani ba kau isti lan takbia!